Yohane 16:11 - Katɔti Ɔku Kedee

¹¹ Na badubɔnu ka Katɔti ɔɔtɛku bekyuli litemi, ɔsika Katɔti ɔ́ɔtɛku ukyuli ɔni mɔɔdi kayawi kamɛni lɛlɔ litemi kukuuku na ɔ́ɔdu-nwu kɔtɔ.

Yohane 16:11 Referans Kwoze

Yohane 12:31

“Ɔƒɛni na uwi údu ka Katɔti ɔdu kayawi kamɛni bekyuli kɔtɔ. Na Katɔti ɔdubɔbɔku kayawi kamɛni lɛlɔ ɔdine ɔlɛku nwuna lɛga kadikɔ.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Koloseƒuɔ 2:15

Na ugyii ɔmmɔ lɛlɔ ni, Kristo ɔ́ƒɔ ɔyikun ɔ́lɛku bayikune ku kenyekɔ biala enu kemmo. Na ɔ́kya-ma kɔƒa na bekyuli anumi ka ɔ́di-ma lɛlɔ.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Yohane 14:30

Nsɔ naaakana-mii bɔtɛmiku gyɔlɔɔ. Ɔsika ukyuli ɔni mɔɔdi kayawi kamɛni lɛlɔ ni, ɔ́si ɔdubo. Na uuubo ɔyikun ɔdi na mina lɛlɔ.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.

Hebriƒuɔ 9:27

Katɔti ɔ́lɛ ugyii úse ka ukyuli ukpi kunwi pɛ kani, na ɔmmɔ kama na ɔtɛku-nwu litemi.

Hebriƒuɔ 6:2

Na adanku lɛla lɛni ɔsu na beeti ntu taabla ntu bɔkpila ɔdi ku enu lili bɔsia ku kalɛ na bekpine badubɔsɔ bata balɛ bekpine akɔ ku Katɔti litemi lɛni na ɔdubɔtɛku-bu na ɔsɔ ulavumana-ni kudii lɛlɔ.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Batalane Kabla 10:42

Na abu na ɔ́tala ɔnii bɔsu litemi buni lɛmɛni na kesi kesii. Na budie kenye ka ni, Katɔti néti Yesu ɔ́bla bekpine ku bayawine ƒui litemi ɔtɛne.

Luka 10:18

Amu na Yesu ɔ́su-ma ɔnini, “Lɛ́nu Satan ka ɔ́si katɔ úbanu aani ogya bɔtu kalɛ.

Mateo 12:36

Mɔɔyá na ɔbla-mii nwaa ka litemi bɔtɛ limeyi ni, ukyuli biala ɔdubudie lɛlɔ kenye na etemila keeke biala nálɛ-nwu kenye lɛlɔ.

Mateo 12:18

“Ɔmɛni ndi mina kabla ɔblane ɔni na lɛ́ƒuna, na mɔɔyɔ́-nwu. Na mina kayi kasia-nwu lɛlɔ geen. Ndubuti mina Kɔyu lɛkya-nwu lɛlɔ kemmo na wedie litemi bɔtɛ siin keyi watina kadi ƒui.

Kɔgya 68:18

Uwi ɔni na ákɔ ésie katɔ ƒui ni, éti bekyuli bani na ékpo áƒɔ ƒui átɔlɔku. Na éte-ma etela. Na ƒula bekisine bani naaayɔ ka elie mmɔ muedi lɛnɔ béte-ɔ ala.

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Romaƒuɔ 2:16

Na litemi buni lɛni lɛsa na mɔɔkɔ́ ni, lɛɛtina ka Katɔti ɔdubɔya na Yesu Kristo ɔtɛku bekyuli litemi ɔ́siku ala ani nábɛ akya-ma kasusu kemmo ƒui lɛlɔ.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Yohane 16:12

“Mbo ala pii na lɛsu-mii. Nsu adubo bumomo butulo-mii ɔƒɛni.