Yohane 16:10 - Katɔti Ɔku Kedee

¹⁰ Na badubɔnu ka baaasiaku ulu siin ɔmmɔ lɛlɔ, ɔsika lísela mina Ɔti kudɔ na bɛsɔ bɛɛɛdubo-mi bɔnu.

Yohane 16:10 Referans Kwoze

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Batalane Kabla 3:14

Bíni ukyuli ɔbuni mmomu, na bɛ́tuna bɛnii ɔnyonu bekyuli ɔdune na ukyuli ɔbuni ɔmmɔ kenye.

Galatiƒuɔ 5:5

Na abu ni, ɔkɛnku bɔƒɔtaadi ku Katɔti ɔyikun lɛlɔ ni, bɔsia anu kpakplaa ka Katɔti ɔdubɔnu-bu aani bekyuli bani nse siin. Na ɔmɛni na bunye bɔgya.

Romaƒuɔ 1:17

Na litemi buni lɛmɛni muudie ulu siin ɔni mɔɔyɔ́ Katɔti kaƒɔ taatina. Na ulu siin ɔmɛni ɔkɛnku bɔƒɔtaadi lɛlɔ ɔ́si kalɔ kesekɔ útédu kawɔlɔkɔ. Na lɛni na bénweni na Bunweni Kedee Ɔku kemmo banini, “Bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Batalane Kabla 17:31

Ɔsika anwu údie limeyi lɛdi úse lɛni lɛlɔ na ukyuli ɔni na ɔ́ƒuna úse wabatɛku-bu litemi ɔ́si bula ɔbladu lɛlɔ. Na údie Ukyuli Ɔƒunadi ɔmɛni ɔ́tina-bu nwaa ɔ́si ɔni na ɔ́gyila-nwu ɔ́siku kekpine na ɔ́sɔ úbo úbelie ngba.”

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Batalane Kabla 2:32

Yesu ɔmɛni na Katɔti ɔ́gyila ɔ́lɛku bekpine akɔ, na litemi geen lɛmɛni lɛlɔ ɔsu na bɔdi kenye bediene.

Yohane 5:32

Nsu ukyuli ɔdi lɛnɔ ɔkya ɔni muudie-mi kenye, na ngyi ka lɛla lɛni na ɔɔsu libo ɔkplu.

Yohane 3:14

“Bínu na Mose ɔku kalɛ na ɔ́kana kɔlakpi kɔni bávɔ ku lɛbuala ɔ́mana ugyii lɛlɔ, na ɔ́kɔliku-ku katɔ na ketele kukuuku kalɛ na bekyuli bammɔ bakɛ ngba. Lɛni kani na ɔlɛka bakɔliku ami Ukyuli Ɔyawine Ubi katɔ,

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Yesaia 42:21

Ka Katɔti use siin na ɔɔbla lɛla biala kaduɛ ɔsu ni, ɔdi-nwu lɛƒɔyɔ ka bekyuli banu kalɛ na nwuna ɔda bubo buukeye na bemwi-nwu.

Yohane 7:33

Amu na Yesu ɔ́su-ma ɔnini, “Ndubɔsɔ lɛkya-mii kudɔ libu uwi klukui ɔdi kani na lɛtɔlɔ nteesie Anwu ɔni nátala-mi kudɔ.

Yohane 16:5

Nsu ɔƒaani ni, bɔtɔlɔ na nda. Lísela mina Ɔti ɔni nátala-mi kudɔ. Nsu bina ɔdi úteye-mi ɔnii, ‘Wɛ na ésela?’

Yohane 16:28

Sɔsɔ na ɔdi ka Ati kudɔ na lɛ́si líbo kayawi. Na ɔƒɛni mɔɔtɔlɔ kayawi kamɛni kemmo nteesie Ati kudɔ.”