Yohane 15:21 - Katɔti Ɔku Kedee

²¹ Nsu kayawi bekyuli badubo-mii bukpoku, ɔsika binye na mina lɛnyi kemmo. Na baaagyi anwu ɔni nátala-mi lɛnɔ.

Yohane 15:21 Referans Kwoze

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 8:19

Amu na béye-nwu banini, “Ńtɛlɛ ƒ'ɔti ɔmmɔ?” Yesu údie kenye na ɔ́su-ma ɔnini, “Bɛɛɛgyi-mi iye mina Ɔti. Ɔsika si bɔgyi na bɛgyi-mi ni, nka bɛdubɔti mina Ɔti lɛnɔ.”

Mateo 24:9

“Bina bekisine badubɔya na beƒie-mii bete ɔma benengu na batɛku-mii litemi. Na bani-mii kɔtu na badu-mii. Kadi ƒui bekyuli badubukisi-mii, ɔsika bɛdi mina batɛyane.

Mateo 10:18

Na ka bɛdi mina batɛyane ɔsu ni, badubɔtɛku-mii litemi na kalɔ kammɔ lɛlɔ badine ku baga anumi. Na bɛsu ama bani naaadi Yudaƒuɔ litemi buni lɛmmɔ.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Budie Taatina 2:3

Ngyi ka binye lɛbibo lɛmmɔ kenye kpakplaa na bɛɛkya ɔkplu na ami ɔsu, na enu átaƒɛ-mii.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Korintoƒuɔ 1 2:8

Kayawi kamɛni bayikune ɔdi biala útati lɛnunda lɛmɛni. Ɔsika si bɔti na báti-ni ni, nka bátakana Blɔti bátamana ugyii lɛlɔ.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Batalane Kabla 17:23

Ɔsika ɔni na nkɛ mɔɔví na lɛ́nu bina kɔkpakɔ ni, lɛ́nu lɛkpatabi lɛdi lɛlɔ ka bénweni básia-ni lɛlɔ banii, ‘Amɛni búti buute Bula Ɔti ɔni na bɔɔɔgyi.’ Na Ati ɔni na bɛɛɛgyi asa na bɛɛkpá-nwu mɛni ni, nwuna lɛlɔ litemi mɔɔyɔ́ ka lɛsu-mii ɔƒɛni.

Batalane Kabla 9:16

Na ndubɔtina-nwu kalɛ na ɔlɛka ubo abi na ami ɔsu.”

Batalane Kabla 3:17

“Banwa, ngyi ka tati tati ɔsu na amii ku bina benengu bɛ́bla lɛla lɛmɛni udu.

Yohane 8:54

Amu na Yesu údie kenye ɔnini, “Si banii mina lɛlɔ na muumwi ni, nka bumwi bɔmmɔ bɔɔɔdi lɛla lɛdi. Nsu ukyuli ɔni muumwi-mi ni, anwu ndi mina ɔti. Anwu ndi ɔni na bɛnii anwu ndi bina Katɔti.

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Mateo 10:39

Na ukyuli biala ɔni mɔɔwia ka ulie ngba ute nwuna lɛlɔ ni, ɔdubɔyila-mu. Na ukyuli ɔni nányonu nwuna ngba na ɔsiaku-mi kama ni, ɔdubɔkɛ ngba geen.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Kɔgya 69:7

Ɔsika awɔ ɔsu na bekyuli beedumi-mi na kɔƒa kɔ́ƒɔ-mi anumi.

Mateo 5:11

“Lɛlɔ litaayɔ-mii si bekyuli beedumi-mii na beekpóku-mii na baanyi ɔkɔ taasia-mii ka bɛsiaku-mi ɔsu.

Marko 13:13

Ukyuli biala ɔdubukisi-mii, ɔsika bɛɛyɔ́-mi. Nsu ukyuli biala ɔni ndubunye kpakplaa na nwuna bɔƒɔtaadi kemmo wetédu nwuna ngba bulie kawɔlɔkɔ ni, Katɔti ɔdubɔda-nwu udie kɔtu bɔni bɔni nse nte ekpidi bablane ƒui kemmo.

Luka 21:12

“Na asa na ala amɛni adububo abalɛ ni, bekyuli badubo-mii buƒie na bekpoku-mii. Bekyuli badubuti-mii bete na batɛku litemi na Yudaƒuɔ kasalakɔ na bakya-mii ɔtɔ. Na badubo-mii buti buboku baga ku lɛlɔ badine anumi na batɛku-mii litemi na ami ɔsu.

Luka 21:17

Ukyuli biala ɔdubo-mii bukisi na ami ɔsu.

Yohane 8:55

Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 17:25

“Ati, ese siin. Na kayawi bekyuli baaagyi-ɔ, nsu ami ngyi-ɔ. Na ƒula badi lɛnɔ bagyi ka awɔ nátala-mi.

Batalane Kabla 4:17

Mmomu bɛya bubo-ma ɔda na bada litemi lɛmɛni bugyingya baya kalɛ na basɔ balasu ukyuli ɔdi litemi lɛdi na Yesu lɛnyi kemmo.”

Batalane Kabla 9:14

Na búunu ka ɔ́ƒɔ ɔku ɔ́siku ɔkpane unengudi kudɔ banii ubeƒie baƒɔtaadine bani nkya Damasko ƒui!”

Batalane Kabla 26:9

“Líti lɛ́sia lɛlɔ nnii ntaabla Yesu ɔni ndi Nasareni basiakune kalala.

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Yohane 3 1:7

Ɔsika bése bana ulu busie kalɔ na Kristo kabla bɔbla kemmo, na bátaƒɔ kebunku kadi bátasiku bekyuli bani nátaƒɔ bátadi kudɔ.