Yohane 15:2 - Katɔti Ɔku Kedee

² Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Yohane 15:2 Referans Kwoze

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Mateo 15:13

Yesu údie kenye ɔnini, “Mina ɔti ɔni nkya katɔ ɔdubɔgyu kugyii biala na útalɛ ɔvaakun.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Yohane 15:8

Na si bɛ́nwu ebi pii ni, ɔmɛni ɔɔyá na bekyuli baakɔliku mina Ɔti lɛnyi katɔ. Na ɔmmɔ ɔɔtina lɛnɔ ka bɛdi mina batɛyane.

Mateo 13:12

Ɔsika ukyuli ɔni mbo ala ammɔ udu ni, Katɔti ɔdubute-nwu ubu na ɔkɛ utulo kalɛ na ɔɔwia. Nsu ukyuli ɔni neeebo ala ammɔ adi ni, libliidi lɛni nse-nwu muedi ni, Katɔti ɔdubɔƒɔ-ni ɔ́siku-nwu kudɔ.

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Mateo 21:19

Na ka ɔ́nu kɔdingyii kɔdi na ulu kudɔ mmɔ ni, údeyi úsie mmɔ. Nsu útanu lɛla lɛdi útetulo kuna evete. Anwuɔsu ɔ́su kugyii kɔmmɔ ɔnini, “Asɔ alanwu ebi adi kudii lɛnɔ.” Kɔnakunwi ni, kɔdingyii kɔmmɔ kúse kalɔ kɔɔyɛyɛ.

Hiob 17:9

Bekyuli bani nse siin beenye bana ala siin bɔbla lɛlɔ, na bana ɔyikun ɔɔkɔ́ katɔ teebu uwi biala.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Luka 8:13

Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ.

Malakai 3:3

Unwoti ɔdubo Lewi bebi ku bawɔ lɛlɔ bɔƒɔ na babla sɛɛn aani sika ɔƒualadi iye ugyiedi. Na ɔmmɔ kama na beti akpala ani nse sɛɛn beboku Unwoti.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Korintoƒuɔ 1 13:1

Si lɛ́kana na mɔɔtɛmi adi lidu lidu ani na bekyuli ku Katɔti batu ƒui bebo na naaayɔ bekyuli ni, mina kenye kani mɔɔsu ƒui kadi lɛsɛ likpludi aani kalɛ na lebomo iye kabontobi kaaku.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Yohane 17:12

Uwi ɔni na nkya-ma kudɔ ni, lɛ́da-ma kɔkɔɔkɔ na lɛ́gyumana-ma ɔkɛnku ɔyikun ɔni nkya lɛnyi lɛni na éte-mi kemmo. Ńtayila bana akɔ ɔdi, amu ntu anwu ɔni básu bese ka ayila-nwu udu. Ɔmɛni ndubɔya na Bunweni Kedee Ɔku kemmo etemila ebo-nwu kemmo kalɛ na básu.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Mateo 13:33

Yesu ɔ́sɔ úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Uleku ɔdi úti bɔnyii ɔ́salaku ɔlaaƒɔ koƒo kunwi na ɔ́nwu ɔ́sala útédu uwi ɔni na bɔnyii bɔmmɔ bɔ́ƒɔ ɔlaaƒɔ ɔmmɔ ƒui na úƒu.”

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Kɔgya 92:14

Na ina ábi lɛlɔ muedi adubo butaanwu, ɔsika ebo ntu na eedie evete wɔwɔɔwɔ.

Daniel 11:35

Na bana badi bani náda anu ni, badubo abi bubo kalɛ na Katɔti ɔbla-ma kedee na ɔƒɔ-ma utédu uwi ɔmmɔ kawɔlɔkɔ ɔni ndubo na nwuna lɛla lɛni na ɔ́lɛ ugyii úse kenye.

Mateo 7:19

Kugyii kɔdi biala na kulánwu ebi abuni ni, baadá-ku na beeti-ku taakya ogya.

Mateo 25:29

Ɔsika ukyuli ɔni mbo lɛla lɛdi ni, anwu kani na basɔ badubo bute na ɔsɔ ɔkɛ ubu. Na ukyuli ɔni neeebo ɔdi anwu ni, ubliidi ɔni nse-nwu muedi ni, badubɔƒɔ balɛku-nwu lɛkɔkɔ.

Marko 4:20

“Na bekyuli badi lɛnɔ bénu Katɔti litemi aani egyiibi ani nálɛ ébo kalɔ kabuni lɛlɔ. Bekyuli bammɔ báƒɔ-ni ku kayi kemmo ƒui. Na uwi ndi uwi ni, baalɛ́ lili na baanwu kɔyu kemmo ebi. Badi bese aani edula ani nánwu ebi avlaatɛ, iye liti ku leevu, iye eti anyɔ.”

Yohane 15:1

Ami ndi kɔdingyii kɔbuni, na mina Ɔti ndi kugyii kɔmɛni lɛlɔ ɔnune.

Yohane 15:3

Lɛni kani na lɛ́ya na amii lɛnɔ bɛ́bla sɛɛn ɔkɛnku ala ani na lɛ́su-mii ɔsu.

Yohane 15:6

Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Romaƒuɔ 11:17

Na si kɔgba kɔdi kɔ́ƒɛ kɔ́lɛ kugyii kɔmmɔ lɛlɔ na békulo-mii aani lɛku kemmo kugyii kagba blii kadi bébenyimi báda kesii kani na kugyii kɔmmɔ ntu bɔɔyu na ɔ́kun ɔ́da ni, bɛɛní ntu taasiku kugyii kɔmmɔ ligyiitu kudɔ.

Romaƒuɔ 11:22

Ɔmɛni ɔɔtina-bu kalɛ na Katɔti ɔɔnu kɔnyana ku kalɛ na nwuna litemi libo ɔkplu. Ɔ́yu bekyuli bani nébo kalɔ ɔkplu, na ɔdi lɛƒɔndia ute amii si binye bɔƒɔtaadi bɔmmɔ lɛlɔ kpakplaa uwi ƒui. Si bítabla lɛni ni, Katɔti ɔdubukulo-mii udie kugyii kɔmmɔ lɛlɔ.