Yohane 15:18 - Katɔti Ɔku Kedee

¹⁸ “Si kayawi bekyuli beekisi-mii ni, bɛti kɔnakunwi ka ami na báka bukisi lɛni.

Yohane 15:18 Referans Kwoze

Yohane 1 3:13

Anwuɔsu ni, banwa, utabla-mii dɛye dɛye si kayawi bekyuli beekisi-mii.

Yohane 7:7

Kayawi kalakana amii bukisi. Nsu keekisi ami, ɔsika muudie taasu kede kede ka bayawine ablala adi likpidi.

Yohane 3:20

Ukyuli biala ɔni mɔɔbla likyulikpi ala ni, ukisi bukeye na ulakpɛ teede-mu. Ɔsika ɔɔyia ka nwuna ablala adubɔlɛ keyi na Katɔti ɔdubɔni-nwu kɔtu.

Marko 13:13

Ukyuli biala ɔdubukisi-mii, ɔsika bɛɛyɔ́-mi. Nsu ukyuli biala ɔni ndubunye kpakplaa na nwuna bɔƒɔtaadi kemmo wetédu nwuna ngba bulie kawɔlɔkɔ ni, Katɔti ɔdubɔda-nwu udie kɔtu bɔni bɔni nse nte ekpidi bablane ƒui kemmo.

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Mateo 5:11

“Lɛlɔ litaayɔ-mii si bekyuli beedumi-mii na beekpóku-mii na baanyi ɔkɔ taasia-mii ka bɛsiaku-mi ɔsu.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Baga 1 22:8

Amu na Israelƒuɔ ɔga údie Yehosaƒat kenye ɔnini, “Kenye udiene unwi ɔdi úbu ɔni na bɔkana buye-nwu Unwoti kasusu bunu, nsu muukisi-nwu. Ɔsika ulédie kenye kabuni biala na mina lɛlɔ. Na kenye biala wasu mina lɛlɔ kaaadia. Na anwu baalɔ Mikaia, na ɔdi Imla ubidi.” Amu na Yehosaƒat ɔ́su Israelƒuɔ ɔga ɔnini, “Útalɛka asu lɛni.”

Yohane 1 3:3

Na ukyuli biala ɔni mɔɔsia Kristo bubo anu ni, ɔɔklibi lɛlɔ teese sɛɛn aani kalɛ na Kristo lɛnɔ use sɛɛn.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Mateo 24:9

“Bina bekisine badubɔya na beƒie-mii bete ɔma benengu na batɛku-mii litemi. Na bani-mii kɔtu na badu-mii. Kadi ƒui bekyuli badubukisi-mii, ɔsika bɛdi mina batɛyane.

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Agba 29:27

Bekyuli babuni balayɔ bekyuli bekpidi. Na bekyuli bekpidi lɛnɔ balayɔ bekyuli babuni.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Yohane 16:1

“Lɛ́ɛsu-mii ɔmɛni kalɛ na enu alaƒɛ-mii na bina bɔƒɔtaadi kemmo.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”