Yohane 15:10 - Katɔti Ɔku Kedee

¹⁰ Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 15:10 Referans Kwoze

Yohane 14:15

“Si bɛɛyɔ́-mi ni, bɛdubɔdi mina ɔda bubo lɛlɔ.

Yohane 1 5:3

Na dɛ na bɔɔnu taati ka bɔɔyɔ́ Katɔti? Bɔɔnu ɔmɛni taati si bɔɔdi nwuna etemila lɛlɔ. Na nwuna etemila eeese aani etila ani nétulo-bu.

Yohane 1 2:5

Nsu ukyuli ɔni mɔɔdi nwuna litemi lɛlɔ ni, bɔyɔ bɔni na ubo ute Katɔti búdu bɔ́wɔlɔ. Bɛya na lɛsu-mii kalɛ na bɔɔnu taati ka buliku Katɔti.

Petro 2 2:21

Si nka bétenu ngba siin bulie lɛlɔ litemi kudii muedi ni, nka ɔdia-ma utulo. Nsu bénu-ni asa na básɔ bédeyi ulu ɔmmɔ, na baládi ɔda bubo kedee bɔni na béte-ma lɛlɔ.

Yohane 8:29

Na anwu ɔni nátala-mi ni, unyeku-mi. Na útada-mi útese, ɔsika mɔɔbla lɛla lɛni mɔɔyɔ́-nwu kaƒɔ uwi biala.”

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Yohane 17:4

Lɛ́kɔliku ƒula lɛnyi katɔ na bekyuli akɔ na kalɔ lɛlɔ. Na lɛ́wɔlɔ kabla kani na éte-mi ka mbabla.

Yohane 14:31

Nsu ɔlɛka bayawine bati ka mɔɔyɔ́ Ati, na mɔɔbla lɛla biala kalɛ kani na úbo-mii ɔda. “Amu bibo, na bɔgyu.”

Yohane 12:49

Ɔsika ɔɔɔdi ami ɔlati ɔyikun kemmo na lɛ́tɛmi. Mmomu mina Ɔti ɔni nátala-mi nátina-mi lɛla lɛni na ɔdi ka lɛsu ku kalɛ na lɛsu-ni.

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.

Yohane 14:21

“Ukyuli biala ɔni mɔɔdi mina ɔda bubo lɛlɔ ni, anwu mɔɔyɔ́-mi. Na mina Ɔti ɔdubɔyɔ ukyuli ɔni mɔɔyɔ́-mi. Na ami lɛnɔ ndubɔyɔ-nwu na lidie lɛlɔ lɛtina-nwu na ɔnu-mi.”

Korintoƒuɔ 1 7:19

Ɔsika si ɔdi ékulo lego iye étekulo lego ni, ɔmmɔ ɔɔɔda. Mmomu kalɛ na abla lɛla lɛni na Katɔti ɔ́su-bu ka bɔbla ni, anwu nda.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Yesaia 50:5

Ɔ́ya na muusé atu teenu-nwu litemi na naaabla atu ɔkplu iye linwini kama lɛkya-nwu.

Yohane 8:55

Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Yohane 10:18

Ɔɔɔdi ukyuli ɔdi ndubo-mi bɔkana bɔdu. Mmomu ami ɔlati nénu kalɔ ka likpi. Mbo ɔyikun na lɛkana likpi lɛni. Na mbo ɔyikun lɛnɔ na lɛkana na lɛsɔ linwini libo mbelie ngba. Ɔmɛni ndi lɛla lɛni na Ati úbo-mi ɔda ka mbabla.”

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Yohane 1 2:6

Ukyuli ɔni mɔɔsu ɔnii uliku Katɔti ni, ɔlɛka ulie ngba aani kalɛ na Yesu Kristo úlie.

Israelƒuɔ Bɔlɛ 7:6

Na Mose ku Aaron bábla básiaku Unwoti lɛla lɛni na úbo-ma ɔda lɛlɔ pɛpɛɛpɛ.

Samuel 2 22:22

Mɔɔdi Unwoti ɔda bubo lɛlɔ. Na ńtedeyi ńtalɛ nwuna ulu lɛlɔ na lɛ́ƒiɔ-nwu.

Baga 2 18:6

Na ɔ́bla ala siin na Unwoti anumi na útalɛ-nwu kama kudii. Na ɔ́nu kaduɛ na ɔ́di ɔda bubo bɔni na Unwoti úti ɔ́siaku Mose lɛlɔ ƒui.