Yohane 14:10 - Katɔti Ɔku Kedee

¹⁰ Átaƒɔ átadi ka ami nliku Katɔti, na anwu lɛnɔ uliku-mi? Ala ani ƒui na lɛ́su-mii ni, aaadi ami ɔlati etemila kani na adi. Mmomu adi Katɔti ɔni nliku-mi na ɔɔbla nwuna kabla ɔdi.

Yohane 14:10 Referans Kwoze

Yohane 5:19

Mmɔ na Yesu údie kenye ɔnini, “Mɔɔsu-mii geen nnii ami Katɔti Ubidi naaakana lɛla lɛdi bɔbla na ami ɔlati ɔyikun kemmo. Mmomu lɛla lɛni na mɔɔnu ka mina Ɔti ɔɔbla ni, ani kani na ami lɛnɔ mɔɔbla. Anwuɔsu mina Ɔti ablala kama na ami Ubi lɛnɔ nsia.

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Yohane 12:49

Ɔsika ɔɔɔdi ami ɔlati ɔyikun kemmo na lɛ́tɛmi. Mmomu mina Ɔti ɔni nátala-mi nátina-mi lɛla lɛni na ɔdi ka lɛsu ku kalɛ na lɛsu-ni.

Yohane 10:30

Ati ku ami ƒui ni, bekyuli benwi na bɔdi.”

Yohane 8:28

Anwuɔsu Yesu ɔ́su-ma ɔnini, “Si uwi ɔni na bɛ́kɔliku Ukyuli Ɔyawine Ubi katɔ ni, mmɔ na bɛdubɔti ka ami ndi Anwu ɔmmɔ. Na naaabla lɛla lɛdi na ami ɔlati ɔyikun kemmo. Mmomu mɔɔtɛmi kalɛ kani na mina Ɔti ɔ́tina-mi.

Koloseƒuɔ 2:9

Ɔsika Kristo kemmo ni, Katɔti ulie ngba na ɔlɔna kemmo ku nwuna udu ƒui.

Yohane 17:8

Kenye kani na ásu-mi ka mabasu-ma ni, bégyingya enu báƒɔ-ka. Na bagyi ka sɔsɔ na ɔdi ka ƒula kudɔ na lɛ́si, na awɔ nátala-mi.

Yohane 5:17

Nsu Yesu ɔ́su-ma ɔnini, “Mina Ɔti uubunku bekyuli limeyi ndi limeyi, na ɔlɛka ami lɛnɔ lɛbla lɛni kani.”

Yohane 1 5:7

Ala ani muudie-nwu kenye mmɔ ebo atɛ. Na anya ndi

Korintoƒuɔ 2 5:19

Na lɛsa lɛmɛni ndi ka Katɔti ɔkɛ Kristo lɛlɔ na ɔ́klibi anwu ku bekyuli ƒui ntɛ. Na údie atu na bana ekpidi ƒui lɛlɔ. Na kenye kani na ɔda úte-bu ndi ka ɔɔwia ka bɔsu bekyuli ƒui ntɛ bɔklibi litemi lɛmɛni.

Yohane 8:38

Lɛla lɛni na mina Ɔti ɔ́tina-mi ni, ani na mɔɔsu. Na amii lɛnɔ bɛɛbla lɛla lɛni na bínu bɛ́siku bina ɔti kudɔ.”

Koloseƒuɔ 1:19

Na nwuna kemmo na Katɔti ɔ́ya na bekyuli bánu nwuna ukyuli udu ƒui báti.

Yohane 14:20

Si limeyi lɛmmɔ lídu ni, bɛdubɔti ka ami nliku mina Ɔti, na amii biliku-mi aani kalɛ na ami lɛnɔ nliku-mii.

Yohane 7:16

Amu na Yesu údie kenye na ɔ́su-ma ɔnini, “Mina ala bɔtina bɔɔɔdi ami alati bɔdi. Mmomu ukyuli ɔni nátala-mi ala bɔtina na bɔdi.

Yohane 8:40

Nsu ami ɔni mɔɔsu-mii litemi geen lɛni na línu lɛ́siku Katɔti kudɔ ni, ami mmomu na bɛɛwia bɛdu. Ɔɔɔdi ɔmɛni udu na Abraham ɔ́bla.

Yohane 11:26

Na ukyuli ɔni nli ngba si ɔ́ƒɔ-mi ɔ́di ni, ulekpi kudii. Áƒɔ ɔmɛni ádi?”

Yohane 3:2

Ɔ́bɛ úbo Yesu kudɔ usien na úbeye-nwu ɔnini, “Ala ɔtinane, buvele, bula ƒui bɔgyi ka awɔ nási Katɔti kudɔ ébo abatina-bu ala, ɔsika ukyuli biala ɔdi ulakana akɔla budie bɔtina bɔmɛni udu bɔbla amu ntu Katɔti uliku-nwu.”

Yohane 14:11

Bɛƒɔ-mi bɛdi si lɛ́su-mii nnii ami nliku Katɔti, na anwu lɛnɔ uliku-mi. Si alakana ɔmɛni bɔbla ni, ɔlɛka bɛƒɔ mina ala ani na mɔɔbla lɛti bɛdi.

Yohane 14:24

Na ukyuli ɔni naaayɔ-mi ni, uladi mina ala ani mɔɔtina lɛlɔ. Na ala ani bínu ka lɛ́su mɛni ni, ɔɔɔdi ami ɔlati kani náta mɔɔsu-nya. Mmomu mina Ɔti ɔni nátala-mi kudɔ na ási.