Yohane 13:8 - Katɔti Ɔku Kedee

⁸ Mmɔ ni, Petro úni na ɔ́su ɔnini, “Kudii! Lɛɛɛdubo kalɔ bunu na aƒɔ-mi lɛgba uwi ɔdi.” Amu na Yesu ɔ́su-nwu ɔnini, “Si étenu kalɔ na lɛƒɔ-ɔ lɛgba ni, agyi anii bɔsɔ buuubo kɔna kɔdi.”

Yohane 13:8 Referans Kwoze

Tito 3:5

ɔ́ƒɔ-bu. Ɔɔɔdi banii bula lɛbuni lɛni na bɔ́bla ɔsu, mmomu Katɔti ɔkɛ anwu ɔlati kɔnyana bɔnu ɔsu na ɔ́ya na nwuna Kɔyu kɔ́ƒɔ-bu. Kɔyu kɔmmɔ mɔɔsɔku-bu taawɔ na kuute-bu ngba bɔwɔdi, na kɔɔyá na bɔɔbla kedee.

Batalane Kabla 22:16

Na ɔƒaani ni, lɛla lɛdi lɛ́sɔ lítebu. Ta, na aƒɔ ntu bɔkpila ɔdi. Na akpali Blɔti lɛnyi, na ɔdubɔƒɔ ƒula ekpidi udie-ɔ lɛlɔ.’

Hebriƒuɔ 10:22

bɛya na bɔni bude Katɔti ku kayi kani naaatɔlɔ-bu na bɔda bɔƒɔtaadi bɔmmɔ kpakplaa. Yesu ɔ́kuna nwuna ubugya ɔmmɔ úwi-bu lɛlɔ kalɛ na bula kayi kaládu-bu kɔtɔ. Na úti ntu bɔni nse sɛɛn ɔ́ƒɔ-bu lɛlɔ ƒui.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Koloseƒuɔ 2:23

Na bɔgyi ka ala ani baasu mɛni ni, aatina aani si adanku lɛnunda lɛdi bɔdi na Katɔti kabla kani na bánwi bámana-ka lɛlɔ ɔsu ku kalɛ na baabla ala adi na bekyuli anumi na baaní ɔlɔna ɔmmɔ kɔtu. Nsu ala ammɔ eléte kebunku kani maya na ukyuli ɔlɛ nwuna ɔlɔna ɔkwɛ adala kemmo.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Mateo 26:33

Amu na Petro ɔ́su Yesu ɔnini, “Si ina bakladi ƒui béni-ɔ muedi ni, ami lɛɛɛdubo-ɔ kama bɔlɛ kudii!”

Mateo 21:29

“Amu na ubi ɔmmɔ údie ɔti ɔda ɔnii, ‘Lɛɛɛdubo busie.’ Nsu kama ni, ɔ́vumana kasusu na úsie.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Yesaia 4:4

Na Unwoti ɔdubɔkpila Yerusalem beleku bammɔ ƒui sɛɛn na bana ekpidi ɔsu. Na udie ubugya ɔni na ɔ́dɔli Yerusalem ƒui na nwuna lɛlɔ, ku kɔyu kɔni mɔɔtɛ litemi siin na kuse aani ogya ɔni mɔɔkyula ala.

Mateo 26:35

Petro údie kenye ɔnini, “Si ina ɔlɛka badu ami ku-ɔ muedi ni, lɛɛɛdubo bɔsu nnii lɛɛɛgyi-ɔ.” Na lɛni kani na nwuna batɛyane bammɔ ƒui básu.

Mateo 16:22

Petro ɔ́da-nwu úsienku kɔmadɔ na ɔ́dɔnku-nwu. Na ɔ́su-nwu ɔnini, “Pɛ kuse Blɔti! Tuo lisuo lɛmmɔ wiakun! Ɔmmɔ utebo-ɔ lɛlɔ kudii!”

Ala Kalɔ Buse 42:38

Mmɔ na Yakob ɔ́su Ruben ɔnini, “Mina ubi ulayu ulu ulasiaku-ɔ ulesie mmɔ! Ɔnwani úkpi na anwu lɛti kani nébu. Na si ɔgbankpi ɔdi úsie útásiaku anwu lɛnɔ na ulu ni, agyi anii lɛbibo kemmo na ndubuti mina liliƒuala ntéduo kekpine.”

Yohane 13:6

Ka Yesu úbo úbedu Simon Petro kudɔ ni, Petro úye-nwu ɔnini, “Blɔti, bɔƒɔ na adubo-mi lɛgba?”

Lɛkpa Ulu 12:12

Na amii ku bina bebi ku bina kabla bablane banana ku beleku ku Lewiƒuɔ bɛdi limeyi na mmɔ na lɛlɔ litaayɔ-mii na Katɔti anumi. Na binyimo ka Lewiƒuɔ bammɔ beeebo kadikɔ kadi na mmɔ.

Samuel 2 20:1

Na uwi ɔmmɔ kemmo ni, lɛsɛ ɔkyane ɔdi baalɔ Seeba na ɔdi Bikri ubidi na Benyamin kɔdua kemmo ɔ́kya mmɔ. Na ɔ́vwi kakpɛɛ momoomo ɔnini, “O Israelƒuɔ, buuubo kadikɔ kadi na Dawid lɛgadi kemmo. Na bɔɔɔkɛnku Yisai ɔni ndi ɔti lɛla lɛdi kemmo lɛnɔ. Anwuɔsu bina ƒui ɔdi biala unwini na biteesie bina adi nvo kemmo.”

Baga 1 12:16

Uwi ɔni na bekyuli bammɔ bánu báti ka ɔga ɔmmɔ ulabla bana lɛyɔla ulete-ma ni, mmɔ na báva momoomo básu banini, “Bi kadikɔ na bubo ɔ́siku Dawid kudɔ? Kakɛ kamani na bunye na Yisai ubidi kudɔ? Israel banana, bɛya na bunwini buteesie bula nvo kemmo! Dawid utiku nwuna kaduli na utaanu-ka lɛlɔ.” Ɔmmɔ ɔsu Israelƒuɔ bénwini bésie bana ɔma.

Kɔgya 51:2

Kpila-mi kede kede na mina ekpidi ɔsu na lɛlɛ sɛɛn na mina bɔƒiɔ ƒui kudɔ.

Kɔgya 51:7

Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Yohane 13:9

Lɛla lɛmmɔ lɛ́gyu Petro ɔtɔtɔ! Anwuɔsu ɔ́su Yesu ɔnini, “Blɔti, si use lɛni ni, ɔɔɔdi mina lɛgba lɛti! Mmomu adubɔƒɔ mina enu ku lili lɛnɔ!”