Yohane 13:5 - Katɔti Ɔku Kedee

⁵ Na údu ntu bɔdi úwi lɛkpibui lɛdi kemmo, na úse kalɔ ɔɔƒɔ nwuna batɛyane bammɔ lɛgba, na uuni-ma ku ɔsa ɔni ɔ́sabla mmɔ.

Yohane 13:5 Referans Kwoze

Luka 7:44

Mmɔ na Yesu únwini útánu uleku ɔmmɔ na ɔ́su Simon ɔnini, “Aanu uleku ɔmɛni? Ka líbo-ɔ kudɔ ni, étete-mi ntu anii nƒɔ lɛgba. Nsu uleku ɔmɛni úti nwuna imii ɔ́ƒɔ-mi lɛgba, na úti nwuna lili linwini úni-ni.

Kɔgya 51:2

Kpila-mi kede kede na mina ekpidi ɔsu na lɛlɛ sɛɛn na mina bɔƒiɔ ƒui kudɔ.

Ala Kalɔ Buse 19:2

Mmɔ na ɔ́su ɔnini, “Ati bene, buvele binwini bibo-mi kaduli mɛni na bibaƒɔ bina lɛgba na bɛtɛ-mi kudɔ. Na si kadi kégye ni, na bɛsɔ bɛyu ulu biteesie ƒaa.” Amu na bédie kenye banini, “Oowo, kalɔ ntɛ na kadi kasakɔ, na bɔdubo bunye usien umodi.”

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Ala Kalɔ Buse 18:4

Ya na beboku ntu bɔdi na bina ƒui bɛƒɔ lɛgba na bɛnwuna na kugyii kɔmɛni kalɔ.

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.

Hebriƒuɔ 10:22

bɛya na bɔni bude Katɔti ku kayi kani naaatɔlɔ-bu na bɔda bɔƒɔtaadi bɔmmɔ kpakplaa. Yesu ɔ́kuna nwuna ubugya ɔmmɔ úwi-bu lɛlɔ kalɛ na bula kayi kaládu-bu kɔtɔ. Na úti ntu bɔni nse sɛɛn ɔ́ƒɔ-bu lɛlɔ ƒui.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Batalane Kabla 22:16

Na ɔƒaani ni, lɛla lɛdi lɛ́sɔ lítebu. Ta, na aƒɔ ntu bɔkpila ɔdi. Na akpali Blɔti lɛnyi, na ɔdubɔƒɔ ƒula ekpidi udie-ɔ lɛlɔ.’

Baga 2 3:11

Amu na Ɔga Yehosaƒat úye ɔnini, “Kenye udiene ɔdi ɔkya mɛni na bɔsia-nwu lɛlɔ buye Unwoti lɛla lɛdi bunu?” Amu na Ɔga Yehoram bekpone unwi údie kenye ɔnini, “Saƒat ubidi Elisa ɔkya mɛni, na anwu nátaabla lɛla biala teete Elia.”

Samuel 1 25:41

Amu na úbo kalɔ buɛɛ na ɔ́su ɔnini, “Línu kalɔ ka ndi-nwu kabla ɔblane na lɛ́tuna ka maƒɔ-nwu lɛgba na mabla-nwu kabla.”

Lewiƒuɔ Ɔda Bubo 14:8

“Na ukyuli ɔni na baabla lɛlɔ bɔbla sɛɛn ɔdi ɔmmɔ teete ɔlɛka ɔƒɔ nwuna adala na ukpeyi lili na ɔkpi ntu na ɔmmɔ ɔɔtina ka ɔ́bla sɛɛn. Na ɔmmɔ kama ɔkana utéduo nwuna badi akɔ. Nsu ɔdi ka ɔka kevoma bulie emeyi maatɛ asa.

Yohane 1 5:6

Yesu ɔmɛni ndi Ukyuli Ɔƒunadi ɔni nébo kayawi, na bɔ́nu-nwu bɔ́ti ɔkɛnku ntu bɔkpila ɔdi ɔni na ɔ́ƒɔ ku nwuna ubugya ɔni néwi kalɔ lɛlɔ ɔsu. Na ɔɔɔdi ntu lɛti pɛ lɛlɔ na ɔkɛ úbo, mmomu ntu ku ubugya ƒui lɛlɔ. Na Katɔti Kɔyu muudie-nwu kenye na ulu lɛlɔ. Ɔsika Kɔyu kɔmmɔ ablala ƒui adi litemi geen.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Yohane 19:34

Mmomu ukpone unwi ɔ́tu-nwu ɔƒɛnyi ɔ́ƒuala ku nwuna lɛtula. Na mmɔ mmɔ ni, ubugya ku ntu bɔ́lɛ.

Luka 7:38

Úbenye Yesu kudɔ na uuwulo teewi-nwu lɛgba lɛlɔ. Na uleku ɔmmɔ úti nwuna lili linwini úni imii bɔni néwi Yesu lɛgba mmɔ, na ɔ́dada-nwu lɛgba. Na úti nnɔmii bɔmmɔ úwi Yesu lɛgba lɛnɔ.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Yesaia 1:16

Bɛkpi ntu na bɛbla lɛlɔ sɛɛn. Na bɛsɔ bitaya na ntaanu bina alaekpidi ani na bɛ́bla mmɔ. Na bɛda bina udunkpi ala bɔbla bɛya.

Israelƒuɔ Bɔlɛ 29:4

Na akpanku Aaron ku nwuna bebi eboku Adi Kevo kammɔ kayakun kenye na abla-ma ntu bɔkpila ɔdi.

Yohane 13:10

Amu na Yesu ɔ́su-nwu ɔnini, “Ukyuli ɔni náakpi ntu ni, ɔ́lɛ bɔkpi. Anwuɔsu lɛgba kani na ɔlɛka ɔƒɔ. Bina ƒui bɛ́lɛ bɔkpi, amu ntu ukyuli unwi pɛ kani.”

Yohane 13:8

Mmɔ ni, Petro úni na ɔ́su ɔnini, “Kudii! Lɛɛɛdubo kalɔ bunu na aƒɔ-mi lɛgba uwi ɔdi.” Amu na Yesu ɔ́su-nwu ɔnini, “Si étenu kalɔ na lɛƒɔ-ɔ lɛgba ni, agyi anii bɔsɔ buuubo kɔna kɔdi.”

Ala Kalɔ Buse 43:24

Ɔmmɔ kama ni, ɔnana ɔmɛni ɔkpanku-ma na bétéduo Yoseƒ kaduli kemmo, na úte-ma ntu, na báƒɔ lɛgba. Na ɔ́wia adila úte bana bebuo ala betine.

Litemi Batɛne 19:21

Anwuɔsu útiku-ma úsienku kaduli na úte nwuna bebuo adila na bádi. Ɔmmɔ kama ka báwia ntu bɔdi báƒɔ lɛgba ni, bádi na báni básala.

Yohane 13:6

Ka Yesu úbo úbedu Simon Petro kudɔ ni, Petro úye-nwu ɔnini, “Blɔti, bɔƒɔ na adubo-mi lɛgba?”