Yohane 12:48 - Katɔti Ɔku Kedee

⁴⁸ Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Yohane 12:48 Referans Kwoze

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Romaƒuɔ 2:16

Na litemi buni lɛni lɛsa na mɔɔkɔ́ ni, lɛɛtina ka Katɔti ɔdubɔya na Yesu Kristo ɔtɛku bekyuli litemi ɔ́siku ala ani nábɛ akya-ma kasusu kemmo ƒui lɛlɔ.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Yohane 11:24

Mmɔ ni, Marta údie kenye ɔnini, “Ngyi ka ɔdubɔta uwi ɔni na bekpine badubɔsɔ bata na limeyi likplodi lɛlɔ.”

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Yohane 5:45

“Nsu bitakali bɛnii ami ndubo-mii kɔtɔ bɔdu na mina Ɔti kudɔ! Mose ɔni ɔda bubo lɛlɔ na bibo katɔ busie lɛnunsia ni, anwu mmomu ndubo-mii kɔtɔ bɔdu!

Mateo 21:42

Na Yesu ɔ́su-ma ɔnini, “Bínu na Bunweni Kedee Ɔku kemmo ka ni, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ. Katɔti nábla lɛla bonwu lɛmɛni. Na lɛ́ƒɔ-bu anu geen!’ ”

Samuel 1 10:19

Na muuye-mii nnii, ɔɔɔdi ami ndi bina Katɔti. Na muudie-mii na ala ani muukpóku-mii ku bina lɛbibo kemmo? Nsu bíni-mi na bɛɛwia ka ukyuli ɔdi-mii lɛga. Amii alati náƒuna lɛla lɛni na bɛɛyɔ́. Na ami lɛnɔ ndubuse ɔga lite-mii. Ɔmmɔ ɔsu bɛsala lɛlɔ ƒui bibenye-mi anumi na bina atɔƒi kenye.”

Korintoƒuɔ 2 4:3

Na si litemi buni lɛni lɛsa na bɔɔkɔ́ mɛni lɛmu lise bekyuli badi suu ni, bɛgyi bɛnii bekyuli bani ndaku bɔyii na use ute lɛni.

Luka 20:17

Yesu ɔtɛ anu ɔ́nu-ma na úye-ma ɔnini, “Bi na Bunweni Kedee bɔmɛni kalɔ bɔɔtina bɔni mɔɔsu bɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ’?

Luka 17:25

Nsu ni, ɔlɛka lɛka abi bubo geen na ɔmwi limeyi bekyuli beni-mi.

Luka 9:26

Si ami ku mina ala ani mɔɔtina ƒui ékpo ukyuli ɔdi kɔƒa ni, anwu lɛnɔ ɔdubukpo ami Ukyuli Ɔyawine Ubi kɔƒa uwi ɔni na mebo na mina bukeye ku Katɔti ku nwuna batu kedee ƒui bukeye kemmo.

Luka 9:22

Yesu ɔ́sɔ ɔ́su-ma ɔnii, “Ɔlɛka ami, Ukyuli Ɔyawine Ubi, libo abi geen na kadi benengu ku bakpane benengu ku ɔda bubo ala batinane enu kemmo na beni-mi, na badu-mi. Nsu na emeyi atɛ kama ni, Katɔti ɔdubɔgyila-mi ɔlɛku bekpine akɔ mbelie ngba.”

Luka 7:30

Nsu Ƒarisiƒuɔ ku ɔda bubo ala batinane béni lɛla lɛni ndi Katɔti lɛyɔla, na bátatuna ka Yohane ɔkpila-ma ntu.

Marko 16:16

Ukyuli ɔni náƒɔ litemi buni lɛmɛni ɔ́di na ɔ́ƒɔ ntu bɔkpila ni, Katɔti ɔdubudie-nwu ɔlɛku ekpidi kɔtu bɔni kemmo. Na ukyuli ɔni nátaƒɔ útadi ni, Katɔti ɔdubɔdu-nwu kɔtɔ.

Marko 12:10

Ngyi ka bɛ́ka Bunweni Kedee Ɔku kemmo kesii kani na ɔ́su ɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Samuel 1 8:7

Amu na Unwoti údie kenye ɔnini, “Awɔ, nu lɛla lɛni na baasu-ɔ. Ɔsika ɔɔɔdi awɔ na béni. Mmomu ami na béni ka balayɔ ka lɛdi-ma ɔga.

Batalane Kabla 3:23

Na ukyuli biala ɔni naaadubo nwuna litemi bunu ni, badubukulo kɔna kɔni nkya anwu ku Blɔti bekyuli ntɛ ƒui.’

Marko 8:31

Amu na Yesu úse kalɔ ɔɔtina nwuna batɛyane ala adi. Ɔ́su-ma ɔnini, “Ɔlɛka Ukyuli Ɔyawine Ubi ubo abi pii na ɔma benengu ku bakpane benengu ku ɔda bubo ala batinane enu kemmo na bedumi-nwu. Badubɔdu-nwu, nsu na limeyi lɛtɛdi lɛlɔ ni, ɔdubɔta ulie ngba.”

Mateo 10:15

Mɔɔsu-mii geen ka limeyi lɛni na Katɔti ɔdubɔtɛku bayawine litemi ni, ɔdubɔnu lɛma likpidi aani Sodom ku Gomora kɔnyana utulo ɔma ɔmmɔ.

Yohane 6:39

Na ukyuli ɔni nátala-mi lɛƒɔyɔ ndi ka bekyuli bani ƒui na úte-mi ni, naaayila bana akɔ ɔdi, mmomu kalɛ na lɛgyila-ma na bana ƒui basɔ bata bebelie ngba na limeyi likplodi lɛlɔ.

Yohane 8:47

Ukyuli ɔni ndi Katɔti ɔdi ni, anwu muunú ala ani na Katɔti ɔɔsu. Na lɛla lɛni ɔsu na bilabla taasiaku mina litemi lɛlɔ ndi ka bɛɛɛdi Katɔti ɔdi.”

Batalane Kabla 17:31

Ɔsika anwu údie limeyi lɛdi úse lɛni lɛlɔ na ukyuli ɔni na ɔ́ƒuna úse wabatɛku-bu litemi ɔ́si bula ɔbladu lɛlɔ. Na údie Ukyuli Ɔƒunadi ɔmɛni ɔ́tina-bu nwaa ɔ́si ɔni na ɔ́gyila-nwu ɔ́siku kekpine na ɔ́sɔ úbo úbelie ngba.”

Hebriƒuɔ 4:12

Katɔti litemi lɛdi lɛla lɛni mbo ngba na lɛɛbla kabla pla pla teetulo kewii kani na bádɔ-ka lɛvi inyɔ. Na liiduo ukyuli kasusu ku kɔyu ntɛ. Na lɛɛbla lɛni aani kalɛ na kewii keele ɔlɔna ku ekubi ntɛ. Litemi lɛmmɔ lɛɛnu lɛla biala lɛni nkya ukyuli kasusu ku kayi kemmo taatina-nwu.

Hebriƒuɔ 10:25

Bitaya na bɔda bɔsa bɔya aani kalɛ na badi badaku lɛlɔ bɔda teedie. Mmomu bɛya na bɔkya lɛlɔ ogya, na bɔbla lɛni butulo na uwi ɔni kemmo na limeyi linengudi lɛmmɔ lɛdaku bɔni teede geen mɛni kemmo.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.