Yohane 12:43 - Katɔti Ɔku Kedee

⁴³ Na baayɔ́ ɔbu ɔni nási bekyuli kudɔ teetulo ɔni nási Katɔti kudɔ.

Yohane 12:43 Referans Kwoze

Yohane 5:44

Dɛ na ɔdubɔbla asa na bɛƒɔ-mi bɛdi ka bilie bɛɛwia bumwi taasiku bina lɛlɔ kudɔ, na biláwia ka Anwu ɔni lɛti pɛ ndi Katɔti umwi-mii?

Yohane 5:41

“Naaawia bekyuli bayawine bumwi.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Tesalonikaƒuɔ 1 2:6

Bútawia bumwi bútasiku amii iye bekyuli bamba kudɔ. Ina ka bubo kuƒi aani Kristo batalane kalɛ na bula lɛlɔ bɔnu bunwini etila bɔsia-mii lɛlɔ muedi ni,

Korintoƒuɔ 2 10:18

Ɔsika ukyuli ɔni na Katɔti uumwi ni, anwu ndi lɛla lɛdi, na ɔɔɔdi ukyuli ɔni muumwi lɛlɔ.

Mateo 6:2

Anwuɔsu si éte ukyuli lɛla lɛdi ni, tebo-ni kudu aani kalɛ na anumi lɛlɔ bekyuli baabla. Ama beebó kudu na kasalakɔ ku ɔma kemmo kalɛ na bekyuli bemwi-ma. Na mɔɔsu-mii geen nnii báakɛ bana lɛyuƒɔla na kayawi kamɛni kemmo.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Yohane 8:54

Amu na Yesu údie kenye ɔnini, “Si banii mina lɛlɔ na muumwi ni, nka bumwi bɔmmɔ bɔɔɔdi lɛla lɛdi. Nsu ukyuli ɔni muumwi-mi ni, anwu ndi mina ɔti. Anwu ndi ɔni na bɛnii anwu ndi bina Katɔti.

Luka 19:17

“Mmɔ na Unwoti ɔmmɔ úte-nwu mbo ɔnii, ‘Ábla-nwu kaduɛ! Kabla ɔblane ɔbuni na adi! Ka áda kabla blii suɛ kamɛni ulu lɛlɔ ɔsu ni, ndubuti-ɔ linyene lɛma linengudi leevu kenye.’

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Kɔgya 22:29

Balakɛne bani mɔɔdi taani kalɛ kalɛ ƒui badubɔkya lili kalɔ bete Unwoti. Na bani ƒui nkɛ na baayɔ́ bekpi na basɔ balákana lɛla lɛla bɔbla bute lɛlɔ ƒui badubɔkya lili kalɔ bete-nwu.

Samuel 1 15:30

Mmɔ na Saul ɔnini, “Lɛ́bla likpidi sɔsɔ, nsu te-mi ɔbu na mina bekpone ku Israel kadi bekyuli bammɔ ƒui anumi, na abasiaku-mi na lɛsɔ ntákya lili kalɔ lite Unwoti, ƒula Katɔti.”

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Yohane 7:18

Na ukyuli ɔni mɔɔtɛmi na anwu ɔlati ɔyikun kemmo ni, nwuna lɛlɔ bumwi na ɔɔwia. Nsu ukyuli ɔni mɔɔwia ka umwi ukyuli ɔni nátala-nwu ni, ɔɔbla ala ulu lɛlɔ na ulányi ɔkɔ.

Romaƒuɔ 2:29

Mmomu ukyuli ɔni ndi Yudani geen ndi ukyuli ɔni mɔɔtina na nwuna ablala kemmo ka úti nwuna kayi úte Katɔti. Na ɔɔɔkɛnku ɔlɔna ɔni na békulo na ɔda bubo ɔdi kenye lɛlɔ. Mmomu ɔkɛnku Katɔti Kɔyu lɛlɔ. Na ɔɔɔdi ukyuli ɔyawine mɔɔkɔliku ukyuli ɔmmɔ lɛnyi katɔ, mmomu Katɔti.