Yohane 12:42 - Katɔti Ɔku Kedee

⁴² Nsu ina ka use lɛni ni, Yudaƒuɔ batɔnkune pii báƒɔ Yesu bádi. Mmomu ka baayia lɛla lɛni na Ƒarisiƒuɔ badubo-ma bɔbla ɔsu ni, bátakana na basu ɔmɛni nwaa. Ɔsika badubɔgya-ma balɛku bana kasala kemmo.

Yohane 12:42 Referans Kwoze

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Yohane 9:22

Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Yohane 7:13

Nsu Yudaƒuɔ bɔyia ɔsu ni, ukyuli ɔdi útakana na ɔsu lɛla lɛdi ɔlɛku ƒui na nwuna lɛlɔ.

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Mateo 10:32

“Si ukyuli ɔdi udie lɛlɔ kenye na kadi anumi ka ɔdi mina ɔdi ni, ami lɛnɔ ndubudie-nwu kenye na mina Ɔti anumi na katɔ.

Yohane 1 4:15

Si ukyuli biala údie ɔ́su ɔnii Yesu ndi Katɔti Ubidi ni, ɔɔtina ka Katɔti uliku-nwu, na anwu lɛnɔ uliku Katɔti.

Yohane 1 4:2

Na ukyuli biala ɔni muudie kenye taasu ɔnii Kristo Yesu úbo aani ɔyawine kalɛ ni, ukyuli ɔmmɔ ubo Kɔyu kɔni nási Katɔti kudɔ. Na ɔmɛni ndi ulu ɔni lɛlɔ na bɛdubɔsia bɛti Katɔti Kɔyu.

Romaƒuɔ 10:10

Ɔsika ƒula kayi kemmo na aaƒɔ́ taadi na aabla siin na Katɔti anumi. Na ƒula kenye kani na éti eedie ɔmɛni taatina, na aakɛ́ bɔƒɔ.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Yohane 19:38

Ɔmmɔ kama ni, Yoseƒ ɔni nási ɔma ɔni baalɔ banii Arimatea ni, úvele Pilato ɔnii ɔnyonu Yesu ukpine ute-nwu. Na Yoseƒ ɔmɛni ɔdi Yesu kama basiakune akɔ unwi. Nsu útabla na bekyuli bati, ɔsika ɔɔyia Yudaƒuɔ benengu bammɔ ɔsu. Na ka Pilato ɔ́tuna ni, úbo úbaƒɔ ukpine ɔmmɔ ɔ́tɔlɔku.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Yohane 12:11

Ɔsika ɔkɛnku-nwu lɛlɔ ɔsu na Yudaƒuɔ pii baalɛ́ bakpane benengu bammɔ kama na basiaku Yesu ka báƒɔ-nwu bádi ɔsu.

Yohane 11:45

Ɔmɛni ɔsu ka Yudaƒuɔ pii bani nébo Maria kudɔ mmɔ bánu lɛla lɛni na Yesu ɔ́bla ni, báƒɔ-nwu bádi.

Yohane 9:34

Amu na benengu bammɔ banini, “Awɔ ɔni na likpidi kemmo na báwɔ-ɔ bákya na lɛni kani na éti ábi lɛlɔ ni, awɔ mɔɔwia ka atina-bu ala?” Mmɔ ni, bábɔku-nwu bédie Yudaƒuɔ kasalakɔ mmɔ.

Yohane 3:2

Ɔ́bɛ úbo Yesu kudɔ usien na úbeye-nwu ɔnini, “Ala ɔtinane, buvele, bula ƒui bɔgyi ka awɔ nási Katɔti kudɔ ébo abatina-bu ala, ɔsika ukyuli biala ɔdi ulakana akɔla budie bɔtina bɔmɛni udu bɔbla amu ntu Katɔti uliku-nwu.”

Luka 12:8

“Mɔɔsu-mii nwaa ka ni, ukyuli ɔni masu na kadi anumi ka ɔdi mina ɔdi ni, Ukyuli Ɔyawine Ubi lɛnɔ ɔdubɔsu lɛni kani na Katɔti batu anumi na nwuna lɛlɔ.

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Yesaia 57:11

“Bi ndi baƒiɔ bani kama na bɛsiaku, na ama na bɛɛyia teetulo ami ɔsu na bɛ́yiƒala-mi ku mina ala ani na lɛ́bla, na bɛsɔ binyimo adi na bina kayi kemmo? Munuu ɔni na líbile kenye mɔɔnu-mii kpoo ɔsu na mina lɛlɔ liƒu lɛsɔ liiibo-mii lɛlɔ kemmo?

Yeremia 38:19

Mmɔ na Sedekia údie kenye ɔnini, “Naaakana lili kalɔ bɔkya bute Babilonƒuɔ bani na ama ku Yudaƒuɔ báabla benwi mɛni na beleti-mi belete-ma na babla-mi kalala, ɔsika Yudaƒuɔ bammɔ lɛlɔ libo-mi liƒu geen na mɔɔyia ka badubo-mi bususu kalɛ udu naaadia bɔnu.”

Luka 23:13

Pilato ɔ́lɔ bakpane benengu ku batɔnkune ku bekyuli bammɔ ɔ́sala.

Yohane 7:31

Nsu bana akɔ pii báƒɔ-nwu bádi na béye banii, “Na si Ukyuli Ɔƒunadi ɔmmɔ úbo ni, ɔdubɔbla akɔla budie bɔtina butulo ani na ukyuli ɔmɛni ɔ́ɔbla?”