Yohane 11:25 - Katɔti Ɔku Kedee

²⁵ Amu na Yesu ɔ́su-nwu ɔnini, “Ami mɔɔyá na bekyuli basɔ baata teebelie ngba. Ukyuli biala ɔni mɔɔƒɔ́-mi taadi ɔdubulie ngba si ina úkpi muedi.

Yohane 11:25 Referans Kwoze

Tesalonikaƒuɔ 1 4:14

Bɔ́ƒɔ bɔ́di ka Yesu úkpi na ɔ́sɔ ɔ́ta uli ngba na ɔdubɔsɔ ɔsi katɔ mmɔ ubo lɛnɔ. Anwuɔsu bɔ́ƒɔ bɔ́di ka baƒɔtaadine bani ƒui nékpi ni, badubɔsɔ bata. Na Katɔti ɔdubɔsia Yesu ɔmmɔ kani lɛlɔ na ɔƒɔ-ma na bebelieku-nwu ngba.

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Yohane 1:4

Na Litemi lɛmmɔ kemmo na ngba geen bɔɔsí. Na ngba bɔmɛni muute bekyuli Katɔti bukeye geen.

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Yohane 6:44

Ukyuli ɔdi ulakana-mi kudɔ bubo si ɔɔɔdi Ati ɔni nátala-mi náya na ɔ́ni úde-mi. Na ndubɔgyila-nwu na limeyi likplodi lɛlɔ.

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Budie Taatina 21:4

Na ɔdubuni-ma imii biala na bana anumi. Na kukpi kɔsɔ kulakya lɛnɔ. Na keku ku kɔnyana buwulo ku ɔlɛ bunu lɛnɔ bɔdi bɔsɔ bulakya, ɔsika ala akukudi ƒui ávi.”

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Budie Taatina 20:5

Na ɔmɛni ndi bekpine bɔgyila kudeedi. Bekpine bakladi ama bátata bátalɛ kekpine útédu uwi ɔni na akwa apim unwi ammɔ ása.

Batalane Kabla 3:15

Amii bɛ́ya na bádu ukyuli ɔni muute bekyuli ngba. Nsu Unwoti ɔ́sɔ ɔ́gyila-nwu ɔ́lɛku bekpine akɔ! Na abu alati bɔ́nu-nwu ku bula anumi!

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 5:26

Kalɛ na ngba ƒui bɔɔsí mina Ɔti kudɔ ni, lɛni kani na ɔ́ya na ngba ƒui bɔɔsí ami Ubidi lɛnɔ kudɔ.

Kɔgya 36:9

Awɔ muute lɛla biala ngba. Na ƒula bukeye mɔɔyá na bɔɔnu nwaa.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Yesaia 38:16

O Unwoti, ƒula ablala ku kenye litemi kemmo na ukyuli ɔɔkɛ́ ngba. Na mmɔ kani na ami lɛnɔ ndubɔkɛ mina kɔyu kemmo ngba. Anwuɔsu muuvele-ɔ nnii bwi-mi na ásɔku ɔlɔkplu éte-mi.

Ƒilipiƒuɔ 1:23

Mina kasusu kéƒu na ala akpa anyɔ amɛni lɛlɔ. Ndubɔyɔ si lɛ́tɔlɔ na lísie nkya Kristo kudɔ. Nka ɔmɛni ɔdia-mi utulo.

Budie Taatina 22:1

Ɔmmɔ kama ni, ɔ́tina-mi ketu kani ntu muute ngba. Ketu kammɔ kaagbá taasi Katɔti ku Koƒonu Ubi ɔmmɔ lɛgaboku kudɔ. Na buukeye aani asogya.

Korintoƒuɔ 2 4:14

Na bɔgyi ka Katɔti ɔni ńagyila Yesu ɔ́lɛku bekpine akɔ ni, lɛni kani na ɔdubɔgyila abu lɛnɔ na uti abu ku-mii ƒui usienku Katɔti anumi.

Romaƒuɔ 4:17

Na lɛni na Bunweni Kedee Ɔku ɔ́su ɔnini, “Líti-ɔ lɛ́bla kadi bekyuli pii ɔti.” Na Abraham ndi bula ɔti ɔni náƒɔ ɔ́di na Katɔti anumi. Katɔti ɔyikun ɔni na úbo ɔsu ni, ɔ́gyila bekpine na básɔ bébo beli ngba. Na ɔkɛnku ɔyikun ɔmmɔ ɔsu ni, útemi na ala ani nátakya kudii áda álɛ!

Luka 23:43

Mmɔ na Yesu ɔ́su-nwu ɔnini, “Mɔɔsu-ɔ geen nnii ɔmwi ɔmɛni kani ni, ami ku awɔ ƒui bɔdubo buduo Paradiso kemmo.”

Korintoƒuɔ 1 15:29

Ɔƒɛni ni, na bekyuli bani mɔɔƒɔ́ ntu bɔkpila ɔdi na bekyuli bani néekpi lili ni, bi na ɔbladu ɔmmɔ ɔdanku? Na bi mɔɔlɛ́ taasiku ɔmmɔ kemmo. Si sɔsɔ na ɔdi kalɛ na badi baasu banii basɔ balata balálɛ kekpine na bebelie ngba ni, bi ɔsu na baakpila bekyuli bammɔ ntu na bani néekpi lili?

Korintoƒuɔ 1 15:18

Na nwuna kalɔ ndi ka Kristo baƒɔtaadine bani nékpi lɛnɔ báyii.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.