Yohane 11:11 - Katɔti Ɔku Kedee

¹¹ Ka Yesu ɔ́su ɔmɛni ni, ɔ́sɔ ɔ́su úbunku ɔnini, “Bula ɔkpana Lasaro ɔ́ɔlɛɛ, nsu muusié ntágyila-nwu.”

Yohane 11:11 Referans Kwoze

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Yohane 11:13

Nsu bɔsu na Yesu ɔda ɔnii Lasaro úkpi, nsu nwuna batɛyane bákali ka lɛlɛɛ geen na ɔɔlɛɛ.

Tesalonikaƒuɔ 1 5:10

Yesu ɔmɛni nékpi na bula lili ɔni na si bulie o-o, si bukpi o-o ni, bɔdubulieku Blɔti na nwuna bɔsɔ bubo kemmo.

Korintoƒuɔ 1 15:51

Binu lɛbɛla lɛmɛni. Ɔɔɔdi bula ƒui ndubukpi. Nsu si kakpɛɛ kekplodi káku ni, Katɔti ɔdubo bula ƒui udu bɔvumana kɔnakunwi.

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Mateo 27:52

Na kɔƒiɔtɔ kúbimi, na bekyuli kedee bani nékpi báta bálɛ bekpine akɔ.

Eƒesoƒuɔ 5:14

Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Marko 5:39

úduo úsie-ma kudɔ na úye-ma ɔnini, “Bi néboku lɛsɛ lɛmɛni? Bi ɔsu na biiwulo? Ɔnamu ɔmɛni útekpi. Bɔlɛɛ na ɔda!”

Mateo 9:24

Na ɔ́su-ma ɔnini, “Ukyuli biala ɔlɛ keyi. Ulekubi ɔmmɔ útekpi, mmomu bɔlɛɛ kani ɔda.” Amu na bése kalɔ baamá-nwu.

Israelƒuɔ Bɔlɛ 33:11

Na Unwoti ɔɔtɛmi-ku Mose anumi ku anumi aani kalɛ na bakpana baatɛmi. Na Mose ɔ́sɔ únwini úsie nwuna keliekɔ. Nsu okloƒu ɔni muubunku Mose na baalɔ-nwu banii Yosua na ɔdi Nun ubidi ni, anwu ɔɔƒɔ́ lɛlɔ taakya Katɔti kevo kammɔ kemmo.

Yakobo 2:23

Na Bunweni Kedee Ɔku kemmo etemila ébo éte lɛni anini, “Abraham ɔ́ƒɔ Katɔti ɔ́di. Na ɔkɛnku nwuna bɔƒɔtaadi ɔsu ni, Katɔti ɔ́bu-nwu aani ukyuli ɔni nse siin.” Na anwuɔsu Katɔti ɔ́lɔ-nwu ɔnii mina ɔkpana.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Korintoƒuɔ 1 15:18

Na nwuna kalɔ ndi ka Kristo baƒɔtaadine bani nékpi lɛnɔ báyii.

Yohane 11:3

Lasaro banwani belekubi bamɛni básia Yesu kenye banini, “Blɔti ƒula ɔkpana ɔyɔne uuƒi.”

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Yesaia 41:8

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Ala Alɛdi 2 20:7

Bula Katɔti, awɔ nábɔku kadi bekyuli bani ƒui na nka beli mɛni kukuuku álɛku mɛni asa na ƒula kadi bekyuli bani ndi abu Israelƒuɔ búbelie mɛni. Na awɔ néti kalɔ kamɛni éte ƒula ɔkpana ɔni ndi Abraham bebi ku bawɔ ka kenwini bana kadikɔ uwi ƒui.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Baga 2 4:31

Na Gehasi anwu ni, ɔ́gyu ɔtɔ-ma. Na útéti ugyii ɔmmɔ ɔ́sia ɔnamu ɔmmɔ anumi lɛlɔ, nsu kɔku biala kulébo. Iye lɛla biala lilalɛ. Anwuɔsu, Gehasi únwini kama na útásiaku Elisa. Na ɔ́su-nwu ɔnini, “Ubi ɔmmɔ útagyinya.”

Yohane 11:10

Nsu si usien na ɔkɛ bɔdi ni, ɔdubo butulo ɔsika bukeye bɔdi buuubo.”

Yohane 11:12

Ka batɛyane bammɔ bénu lɛni ni, básu Yesu banini, “Blɔti, si bɔlɛɛ na ɔ́nya ɔda ni, ɔlɛ ɔmmɔ ɔdubɔsa-nwu.”