Yohane 10:1 - Katɔti Ɔku Kedee

¹ Yesu ɔ́su-ma ɔnini, “Mɔɔsu-mii geen ka ni, ukyuli ɔni naaadubo kayakun kammɔ kenye bɔsia buduo lɛƒonuyu lɛmmɔ kemmo mmomu ɔba kama na ɔdubɔkɔ uduo ni, ɔdi uyune ku ala ubilene.

Yohane 10:1 Referans Kwoze

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Hebriƒuɔ 5:4

Ukyuli ɔdi ulakana ɔkpane unengudi kenyekɔ kamɛni bɔƒuna bute lɛlɔ. Mmomu ɔdi ka Katɔti náƒuna-nwu aani kalɛ na ɔ́ƒuna Aaron.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Petro 2 2:1

Kalɛ na ɔkɔ kenye bediene bákya uwi ɔni návi ni, lɛni kani na ɔkɔ ala batinane bammɔ udu badubɔkya-mii akɔ. Badubo ɔkɔ bɔnyi bɔtina ala na ulu ɔni lɛlɔ na ɔdi ka bekyuli basia bada bana ngba lɛlɔ. Nsu ɔmmɔ ɔdubɔya na bekyuli bayii. Na badubuni ala ƒui lɛlɔ ɔdine Blɔti ɔni nédie-ma ɔ́lɛku bana ekpidi kemmo. Na ɔmmɔ ndubɔyila-ma udu.

Petro 1 1:10

Katɔti kenye bediene béwi lɛlɔ báwia kalɛ na Katɔti ɔdubɔƒɔ-bu ngba kemmo, na béduo-nwu kemmo kaduɛ na básu-bu bése kalɛ na Katɔti lɛƒɔndia lɛdubɔsiaku-bu.

Romaƒuɔ 10:15

Na si bátatala bekyuli nɔɔ? Dɛ na ɔdubɔbla na bakɔ lɛsa lɛmmɔ? Anwuɔsu na bénweni banii, “Binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti!”

Yohane 3:3

Amu na Yesu údie kenye ɔnini, “Mɔɔsu-ɔ geen ka ni, si bátasɔku ukyuli bátawɔ ni, Katɔti ulakana lɛga bɔdi na nwuna kayi kemmo.”

Yeremia 23:21

Ńtatala kenye bediene bamɛni na ńtasu-ma lɛla lɛdi lɛnɔ, nsu bakɛ usi bébo-mii kudɔ bébo baakɔ́ ama alati bana etemila lɛsa teete-mii.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Yeremia 14:15

Ɔkɔ kenye bediene bammɔ baasu taatina ka bekyuli badubɔkɛ keyi buɛɛ na bakɛ adila pii lɛnɔ. Nsu ami mɔɔsu ka kekpo ku kɔka ndubo kenye bediene bammɔ alati bɔdu.

Yoel 2:9

Bábuma lɛlɔ bétéwi ɔma unengudi ɔmmɔ kemmo na bakɛ awodu eli na béduo kɔduli kemmo na badi bakɛ ƒansili aani beyune kalɛ.

Yohane 10:7

Ɔmɛni ɔsu ni, Yesu ɔ́sɔ ɔ́su-ma ɔnini, “Mɔɔsu-mii geen ka ni, ami ndi ɔba kayakun ute baƒonu bammɔ.