Yohane 1:33 - Katɔti Ɔku Kedee

³³ Kudeedi ni, ńtati-nwu. Nsu uwi ɔni na Katɔti ɔ́tala-mi ɔnii ntaabla bɔkpila ɔdi ɔmɛni ni, ɔ́su-mi ɔnini, ‘Si ánu ka mina Kɔyu kɔ́yu kuulie ukyuli ɔdi lɛlɔ ni, adubɔnu ati ka anwu ndi ukyuli ɔni muuti Katɔti Kɔyu taabla bɔkpila ɔdi ɔmmɔ.’

Yohane 1:33 Referans Kwoze

Batalane Kabla 1:5

Ɔsika Yohane anwu ni, ntu na úti ɔ́bla Katɔti ntu bɔkpila ɔdi ɔmmɔ úte bekyuli. Nsu na emeyi klukui adi kemmo ni, Katɔti ɔdubuti nwuna Kɔyu ɔkpila-mii.”

Luka 3:16

Anwuɔsu Yohane ɔ́su bana ƒui ɔnini, “Ntu na ami líti mɔɔkpila-mii. Nsu ukyuli ɔdi ɔsia-mi kama ɔdubo ɔni na utulo-mi ƒui! Ńtedu ka lɛbla kabla kadi lite-nwu muedi. Na ukyuli ɔmɛni ndubuti Katɔti Kɔyu ku ogya ɔkpila-mii.

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Batalane Kabla 2:4

Na Katɔti Kɔyu kɔ́ƒɔ-ma lɛlɔ kemmo ƒui, na bése kalɔ baasu bumwi etemila na adi lidu kemmo aani kalɛ na kúte-ma kalɛ.

Yohane 1:31

Ami lɛnɔ lɛɛɛgyi nnii anwu ndi ukyuli ɔmmɔ. Nsu nwuna bubo ɔsu na líbo mɔɔbla bɔkpila ɔdi ɔmɛni kalɛ na lidie-nwu lɛtina bula kadi bekyuli Israelƒuɔ.”

Yohane 7:39

Mɛni ni, Kɔyu kɔni ndubɔƒɔ bekyuli bani náƒɔ-nwu bádi lɛlɔ kemmo litemi na ɔɔsu. Ɔsika úti úbedu ɔƒɛni ni, Katɔti útatala tɔ Kɔyu kɔmmɔ ɔnii kutáƒɔ-ma lɛlɔ kemmo. Ɔsika Yesu úteduo tɔ nwuna lɛga bɔdi bukeye kemmo.

Yohane 14:26

Katɔti Kɔyu kɔni ndi Ubunkune ɔni na Katɔti ɔdubɔtala ɔkya-mii na mina lɛnyi kemmo ni, anwu ndubɔtina-mii lɛla biala. Na ɔdubɔya na binyimo ala ani ƒui na lɛ́su-mii.