Yohane 1:27 - Katɔti Ɔku Kedee

²⁷ Anwu ndi ukyuli ɔni nkpɛ-mi kama ɔdubo, na ami ńtedu ka lɛbla kabla kadi lite-nwu muedi.”

Yohane 1:27 Referans Kwoze

Yohane 1:30

Anwu ndi ukyuli ɔni lɛlɔ na ńtaatɛmi taasiku uwi ɔni na lɛ́su nnii ukyuli ɔdi ɔkpɛ-mi kama ɔdubo ɔni ntulo-mi ƒui, ɔsika ɔkya kukuuku asa na báwɔ-mi.

Luka 3:16

Anwuɔsu Yohane ɔ́su bana ƒui ɔnini, “Ntu na ami líti mɔɔkpila-mii. Nsu ukyuli ɔdi ɔsia-mi kama ɔdubo ɔni na utulo-mi ƒui! Ńtedu ka lɛbla kabla kadi lite-nwu muedi. Na ukyuli ɔmɛni ndubuti Katɔti Kɔyu ku ogya ɔkpila-mii.

Marko 1:7

Nwuna linyesia lɛni lɛlɔ na ɔɔkɔ́ lɛsa ndi ɔnii, “Ukyuli ɔni nkpɛ-mi kama ɔdubo ni, anwu utulo-mi ƒui. Ńtedu ka lɛbla kabla kadi lite-nwu muedi.

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Yohane 1:15

Yohane údie-nwu ɔ́tina bekyuli uwi ɔni na ɔ́kɔ lɛsa úte kasalakɔ ƒui ɔnini, “Ɔmɛni ndi ukyuli ɔni lɛlɔ na ńtaatɛmi taasiku ɔni lɛ́su nnii ukyuli ɔdi ɔkpɛ-mi kama ɔdubo ɔni ntulo-mi ƒui, ɔsika ɔkya kukuuku asa na báwɔ-mi.”

Batalane Kabla 19:4

Amu na Paulo údie kalɔ ɔ́tina-ma ɔnini, “Yohane ɔ́kpila bekyuli bani nénwini kama bákya bana ekpidi ntu. Na ɔ́su-ma ɔnii baƒɔ ukyuli ɔni ndubɔsia anwu Yohane kama badi. Na ukyuli ɔmmɔ ndi Yesu Kristo.”

Ala Kalɔ Buse 14:23

‘Lɛɛɛdubo lɛla lɛni ndi awɔ lɛdi lɛdi bɔƒɔ ina ƒula lɛgbanvuo kabuli muedi.’ Na alasu anii ami ɔsu na Abram únwini ɔlakɛne.

Yohane 10:41

Na bekyuli pii bébo-nwu kudɔ. Na básu lɛlɔ banini, “Yohane útabla akɔla budie taatina bɔdi. Nsu lɛla biala na Yohane ɔ́su na ukyuli ɔmɛni lɛlɔ ni, líbo-nwu kemmo lɛni.”

Batalane Kabla 13:25

Uwi ɔni na Yohane kabla kadaku kawɔlɔkɔ budu ni, úye ɔnii, ‘Bɛɛbu ka ami ndi Ukyuli Ɔƒunadi ɔmmɔ? Oowo! Nsu ni, ɔkpɛ-mi kama ɔdubo, na ami ńtedu ka lɛbla kabla kadi lite-nwu muedi.’