Yoel 3:2 - Katɔti Ɔku Kedee

² Ndubɔkpanku kadi bamba bekyuli liboku ɔkwalɛ ɔni baalɔ Yehosaƒat na nwuna kalɔ ndi litemi bɔtɛ na lɛtɛku-ma litemi. Ɔsika ama négyingya mina kadi bekyuli bákya kayawi kesi kesii. Ama néle-ma

Yoel 3:2 Referans Kwoze

Seƒania 3:8

Unwoti ɔnini, “Amii bɛsɔ binye, limeyi lɛni na ndubo amii kadi bekyuli ƒui kɔtɔ bɔdu lɛdubo. Lɛ́ɛlɛ limeyi lɛdi ugyii líse ɔni na ndubo bina kadi bekyuli ku lɛga kɔdikɔ ƒui bɔsala na lɛni-mii kɔtu kaduɛ na mina kɔnyi kpakplaa kemmo. Na kɔnyi kɔmmɔ kɔdubɔkɔ-mi katɔ útédu ka lɛkyula kalɔ kammɔ ƒui.

Yesaia 66:16

Ɔsika ogya ku kewii na Unwoti ɔda ɔdubo ubatɛku bekyuli litemi na Unwoti kewii kammɔ kadubo bekyuli pii bɔdu.

Esekiel 38:22

Ndubo bɔya na ɔlɛ buɛ ubo-mii na kukpi na ndubuti lɛni-mii kɔtu. Na ɔnantu ku ɔƒɛƒɛɛ kpakplaa ku etubankɛ ku ogya aƒɛ ku ɔnyi gbagbangba ndubo butaayu-mii lɛlɔ aani kalɛ na baawɛ́ lɛla lɛdi.

Budie Taatina 16:16

Amu na ayu ekpidi ammɔ ásala baga bammɔ na likpo lɛni baalɔ na Hebri kemmo bani Armagedon.

Yoel 3:12

Katɔti ɔnini, “Amii kadi bekyuli, bɛta ku ogya na butása na Litemi Bɔtɛ Ɔkwalɛ. Mmɔ na ami Unwoti ndubɔtɛku kadi bani náka bámana ƒui litemi.

Esekiel 39:11

“ ‘Si báyila Ɔga Gog udu báwɔlɔ ni, ndubɔya na bava-nwu na nwuna bekpone akɔ na Israel mmɔ na kesii kani baalɔ banii Belusiene Kɔwɛ si éti ésela Ɛpugyie ɔƒɛ katukɔ kakɛ. Na bekyuli kavakɔ kammɔ kadubo bubomo ɔni na kadubutile ukyuli biala masu ɔnii ɔɔsia mmɔ ɔvi ulu. Anwuɔsu na badubɔlɔ mmɔ ɔmmɔ kama banii Gog ku nwuna bekpone kɔwɛ.

Esekiel 35:10

“ ‘Bɛ́bu bɛnii Yuda ku Israel kadi bekyuli kɔlɔ kúnwini amii kɔdi na bɛkana biti bana kɔlɛkɛ kɔmmɔ binwini amii ɔdi uwi biala kemmo. Nsu ami ndi bana Katɔti.

Yeremia 25:31

Na bekyuli ƒui badubunu-mi lɛdi na kalɔ kammɔ lɛlɔ kesi kesii ka mɔɔdu-ma kɔtɔ na bana likyulikpi ala bɔbla ɔsu. Na ndubɔdu badi kukpi kɔtɔ muedi ka badu-ma.”

Budie Taatina 20:8

Na ɔdubo ubatɔlɔ kalɔ lɛlɔ bekyuli bani nkya kayawi ekpo ƒui, na baalɔ-ma na lɛsugba kemmo banii Gog ku Magog. Na ɔdubɔsala-ma kalɛ na betékpo. Na bana bumomo bɔdubɔbla aani ɛpu kɔnwinimi.

Budie Taatina 16:14

Ayu ammɔ ndi ukisine ayu ekpidi ani muudie akɔla taatina. Na ayu atɛ amɛni muusié kayawi baga ƒui kudɔ kalɛ na basala lɛlɔ na bekpo Katɔti bekyuli na Katɔti ɔni ndi Ɔyikune Ƒui limeyi linengudi lɛmmɔ lɛlɔ.

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”

Amos 1:11

Unwoti ɔnini, “Ndubo Edomƒuɔ kɔtu bɔni na bana ekpidi pii ani na ɔ́bla ɔsu, na lɛɛɛdubo mina kasusu bɔvumana. Bádu ama alati bana lɛlɔ bekyuli ku lɛnungyie lɛni ɔsu na bátakana na banu-ma kɔnyana ina blii suɛ.

Esekiel 36:5

Nsu ndubo kadi bekyuli bammɔ lɛlɔ bɔta bunye ku kɔnyi kpakplaa geen, na bani ɔdi ntulo ndi Edomƒuɔ, ɔsika ama náma-mii bétulo ƒui na báda-mii bebuo kadikɔ kɔlɔ lɛnɔ béti.

Esekiel 25:8

Unwoti Katɔti ɔ́su ɔnini, “Moab kadi bekyuli bákali ka Yudaƒuɔ bátavumana ku kadi bamba bekyuli.

Yeremia 49:1

Unwoti ɔ́su ɔ́siku Amon lɛlɔ ɔnini, “Israel kadi bekyuli bebo bebi ku bawɔ bani nádi nwuna kalɔ. Na bi ɔsu na amii bani mɔɔkpá Molek baƒiɔ néti Gad kɔdua lɛma ku kɔlɔ kɔmmɔ bínwini amii kɔdi?

Yeremia 12:14

Unwoti ɔnini, “Mina bekyuli Israelƒuɔ na líti kalɔ kamɛni líte. Nsu bekisine bani náka bámana-ka bekpo na béyu-ka ƒui. Ɔmmɔ ɔsu ndubo-ma bɔgyu budie bana kɔlɔ lɛlɔ aani kalɛ na ndubo Yuda bɔgyu budie nwuna kalɔ lɛlɔ.

Ala Alɛdi 2 20:26

Amu na limeyi linedi lɛlɔ ni, ukyuli biala ɔ́lɛ úbo na bábasa na kɔwɛ kɔni na baalɔ banii Baraka Kɔwɛ kemmo. Na mmɔ na bédie lɛnu bémwi Unwoti. Na ɔmmɔ ɔsu na baalɔ mmɔ banii Bumwi Kɔwɛ.

Budie Taatina 11:18

Bekyuli bani ƒui nátaƒɔ-ɔ bátadi ni, béti kɔnyi. Anwuɔsu ƒula kɔtu bɔni kúbo-ma lɛlɔ. Ɔsika uwi údu ka atɛku bekyuli bekpine litemi. Ɔdi uwi ɔni na adubɔƒɔ kayu kabuni ete ƒula kabla bablane ku kenye bediene ku ƒula bekyuli ƒui. Na benengu ku banamu bani ƒui mɔɔbu-ɔ ni, adubɔƒɔ-ma kayu kabuni. Na adubɔkyula bekyuli bekpidi bani nádu ƒula bekyuli na kalɔ lɛlɔ!”

Yesaia 66:18

“Ngyi bina ablala ku kakali ƒui. Na uwi údu ka libo na ndubɔsala kadi ƒui bekyuli ku adi lidu batɛmine ƒui na lɛya na banu kalɛ na muukeye.

Yeremia 50:17

Israelƒuɔ bese aani baƒonu lisu lɛni na bagyata bani na kɔka kɔɔda bábɔku bégyingya. Na Asiria ɔga náka-ma bɔduli kɔkɛ kɔkɛ lɛni asa na Babilon Ɔga Nebukadnesar úbabwɛ-ma ku ekubi ƒui.

Esekiel 34:6

Anwuɔsu mina baƒonu bégyingya bakya kalɔ lɛlɔ kesii biala. Bakɛ abi lɛlɔ ku abinkpo ƒui lɛlɔ na bátakɛ ukyuli ɔni nawia-ma kama ulu.

Esekiel 36:1

Unwoti ɔnini, “Esekiel, ɔyawine ubi, kɔ lɛsa te Israel abi lɛlɔ badi ƒui anii

Yoel 3:14

Bekyuli mpim mpim báƒɔ Litemi Bɔtɛ Ɔkwalɛ ɔmmɔ! Na Unwoti Limeyi lɛmmɔ lɛnɔ líidu lɛ́wɔlɔ.

Mika 4:12

“Nsu bekyuli bamɛni baaagyi lɛla lɛni na ami Unwoti mɔɔkali. Ndubo-ma bɔkɔ kpɛtɛ kpɛtɛ aani kalɛ na baakɔ́ antabi.