Yoel 3:16 - Katɔti Ɔku Kedee

¹⁶ Na Unwoti ɔɔkwanyi taasiku Sion Kɔbi lili ku lɛdi momoomo, na katɔ ku kalɔ ƒui kaakunku. Nsu Unwoti ɔmmɔ kani ndubɔbla katamikukɔ ku kagyumanakɔ kpakplaa ute nwuna kadi bekyuli Israelƒuɔ.

Yoel 3:16 Referans Kwoze

Amos 1:2

Nwuna kenye kammɔ ndi ɔnini, “Unwoti ɔɔkwanyi taasiku Sion na kudu kɔni mɔɔsí Yerusalem mmɔ kɔ́ya na bebuo kadikɔ livo lɛmmɔ ƒui lɛ́yɛyɛ. Na livo lɛni na liwi Karmel Kɔbi lɛlɔ ƒui líkpi.”

Hagai 2:6

Na uwi uletu nsɔ ndubo katɔ ku kalɔ ku ɛpu ku kalɔ kakwiidi kammɔ ƒui bɔkunku.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Yesaia 42:13

Unwoti ɔ́nya kalɔ ɔɔví aani ukpone, na uudie lɛdi ku kɔnyi momoomo uwi ɔni na uubó nwuna bekisine teewi kalɔ.”

Agba 18:10

Unwoti lɛnyi lɛdi lɛtakpɛ bonwu lɛni na ukyuli ukpo kama. Na nwuna kudɔ na bekyuli babuni beekeli teesie na baakɛ́ bɔƒɔ.

Esekiel 38:19

Na ndubo bɔya na kalɔ bɔkunku kpakplaa bɔdi bubo na bubakunku Israel kalɔ kammɔ na mina kɔnyi kɔmmɔ kemmo.

Yesaia 51:16

Lɛ́tina-mii lɛla lɛni na bɛsu na nda-mii na mina lɛkɔkɔ kemmo kɔkɔɔ. Ami nébimi kayaa lɛ́ƒala katɔ na lɛ́kya kowodu kalɔ ɔka líte kalɔ kammɔ ƒui. Na mɔɔsu ɔƒaani nnini, ‘Yerusalem bekyuli ni, ami ɔdi na badi.’ ”

Kɔgya 61:3

Adi mina kabɛkɔ na ese aani katu taasia kagyumanakɔ ɔtɔ kpakplaa éte-mi, kesii kani na muunye taanu mina bekisine eli.

Budie Taatina 16:18

Na kayaa kábwɛ ogya ku kɔku bonwu, na katɔ keedu taasia kama! Na kalɔ kaakunku ɔni na kalɔ bɔkunku bɔmmɔ udu bútalɛ kudii ɔ́si uwi ɔni na Katɔti údie ukyuli!

Kɔgya 18:2

Unwoti unye ute-mi aani lɛtakpɛ ku katamikukɔ kani lɛlɔ na líkpo kama. Ɔɔgyumana-mi aani ukyuli ɔni muunye teetile-mi na ɔɔƒɔ́-mi na ɔɔyá na mɔɔkɛ́ ɔyikun.

Yesaia 33:16

badubulie bekpone kagyumakɔ kpakplaa kemmo na lɛtakpɛ lili na bakɛ adila badi kaduɛ na bani lɛnɔ kaduɛ.

Kɔgya 29:11

Unwoti Katɔti uute nwuna kadi bekyuli ɔyikun. Na uute-ma kusɛ kusɛ na keyi kaayɔ́ku-ma.

Samuel 1 15:29

Ɔƒɛni ni, Unwoti ɔɔɔdi ukyuli ɔyawine ɔni na muunwíni nwuna kasusu. Mmomu Israel Katɔti ɔni muukeye na ɔdi, na ɔɔsu litemi geen lɛmmɔ na ulányi ɔkɔ. Anwuɔsu ɔsɔ ulavumana kenye kammɔ.”

Budie Taatina 11:19

Amu na bálɛmi Katɔti kakpakɔ kedee, na bánu Bunyimi Adaka kedee ka use mmɔ. Na kayaa kábwɛ ogya ku kɔku bonwu. Na katɔ keedu taasia kama. Kalɔ kákunku, na etubankɛ áyu pii!

Budie Taatina 11:13

Kɔnakunwi ni, kalɔ bɔkunku kpakplaa bɔdi bɔ́lɛ na ɔma ɔmmɔ lɛkpa leevudi lɛ́bwɛ, na bekyuli mpim maatɛ békpi. Liƒu pim líƒie bekyuli bakladi, na bákɔliku Ati ɔni nkya katɔ lɛnyi katɔ!

Hebriƒuɔ 12:26

Uwi ɔmmɔ kemmo ni, nwuna lɛdi lɛkunku kayawi. Nsu ɔƒɛni ni, ɔ́su-bu úse ɔnini, “Nsɔ ndubo kayawi kammɔ bɔkunku kunwi. Na ɔɔɔdi aka lɛti, mmomu ku katɔ lɛnɔ.”

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Amos 3:8

Liƒu lɛɛda ukyuli biala si gyata ɔɔkwanyi. Na si Katɔti ɔ́su lɛla lɛdi ni, usi na ukyuli biala ɔkɛ na ɔdubo-ni lɛsa bɔkɔ.

Hosea 11:10

“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata.

Sakaria 10:6

“Ndubɔkya Yudaƒuɔ ku Israelƒuɔ lɛga kɔdikɔ kɔmmɔ ɔyikun. Na ndubɔnu-ma kɔnyana, ɔsika ami ndi Unwoti, bana Katɔti. Ndubunu-ma buvele na lɛkpanku-ma liboku ɔma na ɔbla aani si buni na ńteni-ma kudii.

Yesaia 33:21

Bula Unwoti Ɔyikune ɔni muukeye ɔdubɔsiaku-bu, na ntukpa bɔni nábɛbɛ na bɔ́gyu bɔdubɔka bɔmana-bu, na bekisine lɛkɔlɔ libendi lɛdi lilakana-mu lɛlɔ bɔsia bɔvi.

Yeremia 17:17

Mina kayi ƒui kasia-a lɛlɔ ka adubudie-mi na ɔgbankpi uwi. Anwuɔsu sɔ takya-mi bɔyia.

Nahum 1:7

Unwoti ɔdia, na ɔɔgyumana bekyuli bani néti bana anu básia-nwu lɛlɔ, na uudie-ma na lɛbibo uwi.

Hagai 2:7

Ndubo kadi bekyuli ƒui bɔkunku ku bana akɛla ani náƒɔ-ma kuye na beti-nya beboku mɛni. Mmɔ na kalɛ na mina bukeye bɔɔtu anumi bɔdubɔƒɔ kakpakɔ kammɔ kemmo ƒui.

Sakaria 9:12

na lɛya na bɛsɔ bɛkɛ lɛnunsia. Binwini bisie bina kagyumanakɔ kpakplaa kammɔ. Ɔsika ɔmwi ni, ndubo-mii kayu bɔƒɔ akpa anyɔ na kabla ala ani nése-mii dii ɔsu.