Yoel 2:3 - Katɔti Ɔku Kedee

³ Ogya ɔdubo butaakywi na bana anumi ku kama na mmɔ ɔni na ɔdi ulakana bukeli. Na kalɔ kani nse aani Eden kemo kadubunwini kɔnwinimi kalɔ kakwiidi kani nsɔ naaadia lɛla lɛdi bɔbla si uwi ɔni na békpo na bébile ala báwɔlɔ.

Yoel 2:3 Referans Kwoze

Yesaia 51:3

Ina ka bébile Sion na lɛla biala lɛsɔ liiise kaduɛ na ɔma ɔmmɔ kemmo ɔƒɛni ni, Unwoti ɔdubɔya na kaƒɔ bɔyala ku ebiti ebo ɔma unengudi ɔmmɔ kemmo, na ɔsɔ ɔdia bɔnu aani Eden ɔban ɔni na Unwoti ɔ́bla. Na mmɔ na lɛlɔ lɛdubɔyɔ Sion na udie lɛnu na ɔtɔ ku ebiti uti ɔgya Unwoti enu.

Ala Kalɔ Buse 2:8

Amu na Unwoti Katɔti ɔ́bla kemo kadi na kesii kani baalɔ banii Eden na ɔƒɛ katukɔ kakɛ. Na mmɔ ni, úti ukyuli ɔni na ɔ́vɔ mmɔ ɔ́kya.

Sakaria 7:14

Anwuɔsu na líbo na ndaku ɔƒɛƒɛɛ kpakplaa ɔni mɔɔkya ligede na ḿbegyingya bana ƒui lɛ́kya kaƒɔ kɔlɔ ƒui lɛlɔ, na báda bana ɔma ɔbuni ɔmmɔ béwi, na bekyuli bása-nwu kemmo na bébile ala lɛnɔ.’ ”

Israelƒuɔ Bɔlɛ 10:15

Baalɔlɔ bammɔ báƒɔ Egyipte kalɔ lɛlɔ kesii biala na bewi totonto. Na bádi lɛla biala na etubankɛ atakpɛ ammɔ étebile. Na bádi egyiibi ku evete biala. Ɔni na ina livete linwi lítebu lɛɛɛsia kugyii iye edula kugyii kɔdi lɛlɔ na Egyipte kalɔ lɛlɔ.

Israelƒuɔ Bɔlɛ 10:5

Badubɔƒɔ kalɔ kammɔ kesi kesii na ukyuli ɔdi ɔsɔ ulakana lɛla lɛdi bɔnu. Ndubɔya na baalɔlɔ bammɔ bayalɛ edula blii ani nébu evete na etubankɛ atakpɛ ammɔ bɔna kama na egyii ani ƒui mɔɔkwɛ́ bina mmo lɛnɔ bebile-nya.

Amos 7:4

Unwoti Katɔti údie ɔ́tina-mi na kɔyu kemmo ka ɔdubɔya na ogya bonwu ɔdi ubo na ubakyula ɛpu ɔmmɔ na ɔkyula kalɔ kammɔ ƒui.

Yeremia 5:17

Bina edula na kadi bekyuli bamɛni badubo bɔdi na bakun bina bebuo. Na adingyii ebi adi elébu na bina adingyii mmo. Na ina ka bɛɛkali bɛnii bɛ́kɛ kakyakɔ na bina awodu kpakplaa ani na bɛ́tu bɛ́mana bina ɔma ɔmmɔ kama ni, badubo-mii lɛma bubo bɔbwɛ na badu bina bebi.”

Kɔgya 50:3

Bula Katɔti ɔdubo ubabla lɛla lɛdi na ɔɔɔdubo buse buɛɛ. Ɔkɛ ku kudu ku ogya ku ɔƒɛƒɛɛ kpakplaa na ɔɔka taamana-nwu.

Ala Kalɔ Buse 13:10

Amu na ka Lot ɔ́kɔliku anumi na ɔ́nu ɔ́mana ni, ɔ́nu ka Yordan kalɔ kani nwi késela ƒui ni, ntu bɔkya-ka kemmo geen. Na kese aani Katɔti kemo kani na ɔ́bla na Eden. Na kese aani Egyipte kalɔ kani nwi késie ɔma ɔni ndi Soar kakɛ. Na uwi ɔni na ɔɔnu ala amɛni ƒui lɛni ni, ɔdi uwi ɔni na Katɔti útakyula tɔ Sodom ku Gomora kalɔ.

Kɔgya 97:3

Ogya bonwu ɔdi ɔtɔ-nwu anumi na ɔɔkyula nwuna bekisine ƒui taamana-nwu.

Yesaia 9:18

Geen ni, kalala bɔbla buse aani lɛku kemmo ogya. Ɔɔkyula liyu ku alakpi bamba, na lɛku limodi lɛmmɔ lɛɛkywí, na uudie uyɔ litigbli taakɔliku kayaa.

Yesaia 9:19

Unwoti Ɔyikune Ƒui kɔnyi kpakplaa ɔsu ni, kalɔ kammɔ kadubɔkula lɛlɔ geen, na bekyuli bénwini ekyweni bete ogya ɔmmɔ, na ɔkpanadi kɔnyana bɔnu buuubo.

Yesaia 14:17

Na awɔ nésusu kayawi kammɔ na kénwini kalɔ kakwiidi, na ábwɛ lɛma linengudi na étete kuƒi ka bekyuli bani na éƒie basɔ benwini besie bana lɛma?”

Yesaia 15:6

Nimrim ntukpa bɔ́kwii! Na ɔƒɛ ɔ́du utubili livo lɛmmɔ ƒui, na livo lɛdi lɛsɔ liiide mmɔ.

Esekiel 36:35

Mmomu bɔsu na badubo banii kaadia bɔnu aani kalɛ na Eden ɔban kemmo kése dii. Na bekyuli balanu ka lɛma lɛmmɔ lɛ́bwɛ liwi, mmomu badubɔnu lɛma lɛni bátu bényene kpakplaa na bekyuli báƒɔ-mi kemmo tɛɛ.

Yesaia 33:4

Buukpóku bula bekisine aani baalɔlɔ, na buuƒie bana ala ƒui taaƒɔ.

Habakuk 1:6

Ndubo Babilonƒuɔ bɔtala na babwɛ bavi kalɔ kammɔ ƒui lɛlɔ ku kɔnyi na badi lɛma linengudi ku libliidi ƒui lɛlɔ.