Yoel 2:11 - Katɔti Ɔku Kedee

¹¹ Unwoti Katɔti mɔɔtɔnku bekpone lisu bonwu bamɛni na beenú-nwu lɛdi. Katɔti litemi bɔtɛ limeyi lɛdi liƒu limeyi bonwu geen na ukyuli biala ulakana-ni kenye bunye.

Yoel 2:11 Referans Kwoze

Malakai 3:2

Limeyi lɛni na Unwoti webo ni, ɔdubuse aani ogya lɛyu lɛni kemmo na baaƒɔ sika, iye ɔkwayɛ ɔni mbo ɔbi. Na ukyuli biala ɔɔɔdubo bɔkana na unye-nwu anumi iye unye ɔsiaku-nwu.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Budie Taatina 18:8

Anwuɔsu ɔgbankpi ɔdubuƒie-nwu ɔva limeyi linwi. Na ɔdubuduo ɔlɛ ku kɔnyana buwulo ku kɔka lɛnɔ kemmo. Na ogya ɔdubo-nwu bɔkyula, ɔsika Katɔti úbomo na anwu ndubɔtɛku-nwu litemi.

Budie Taatina 6:17

Ɔsika Katɔti ku Koƒonu Ubi ɔmmɔ kɔnyi kpakplaa limeyi lídu! Na ɔma makana kɔnyi kɔmmɔ kenye bunye?”

Yoel 3:16

Na Unwoti ɔɔkwanyi taasiku Sion Kɔbi lili ku lɛdi momoomo, na katɔ ku kalɔ ƒui kaakunku. Nsu Unwoti ɔmmɔ kani ndubɔbla katamikukɔ ku kagyumanakɔ kpakplaa ute nwuna kadi bekyuli Israelƒuɔ.

Yeremia 30:7

Mina kadi bekyuli, blii kani nébu na bɛdubo abi bubo geen butulo ala ani náalɛku-mii ábavi. Nsu ndubo-mii budie ƒui.

Kɔgya 46:6

Liƒu lɛɛda kadi bekyuli ƒui. Na baga ku bana lɛga kɔdikɔ kɔɔbwɛ. Katɔti údie lɛdi na kayawi ƒui kaakunku.

Amos 5:20

Limeyi lɛni na Unwoti ɔdubulie kalɔ ɔnii litemi na ɔɔtɛ ni, ɔdubo bɔbla suu geen na bukeye bɔdi bulakya kesi kesii munu munu.

Yoel 1:15

Bɔ́nu lɛla lɛni na balanu! Unwoti limeyi lɛmmɔ lɛ́tua-bu na nwuna kɔtu bɔni bonwu bɔmmɔ bɔ́da-bu bɔ́kya.

Yeremia 50:34

Nsu ami Unwoti Ɔyikune Ƒui ndubo-ma budie na lɛya na bakɛ keyi buɛɛ na bana kalɔ kemmo na bukpoku bubo amii lɛlɔ mmomu.

Yesaia 42:13

Unwoti ɔ́nya kalɔ ɔɔví aani ukpone, na uudie lɛdi ku kɔnyi momoomo uwi ɔni na uubó nwuna bekisine teewi kalɔ.”

Yesaia 13:4

“Binu kɔku kɔni nda na abi lɛlɔ aani bekyuli lisu bonwu lɛdi! Na binu kalɛ na kadi ƒui bekyuli lɛga kɔdikɔ bála lɛlɔ bébo baasála na beedie adi. Kadi bekyuli ƒui Unwoti mɔɔsála-ma ka bebo babasala babla bekpone lisu linwi.

Bumomo Bɔka 24:23

Amu na údie kenye kamɛni ɔnini, “Aa! Ɔma ndubɔkana bunye bɔnu uwi ɔni Katɔti ɔɔbla ɔmɛni?

Yoel 2:31

Ɔƒɛ ɔdubɔbla suu, na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo.

Yeremia 25:30

Unwoti ɔsɔ ɔ́su-mi ɔnii nsu bekyuli bammɔ ɔnini, “Ndubo bɔkwanyi momoomo aani kalɛ na katɔ keedu bɔsiku mina kakpakɔ kedee kemmo uwi ɔni na ndubo-ma butaanya teesusu aani kalɛ na baamana kutu.

Amos 5:18

Binye bɛɛnu ulu teete limeyi lɛni na Unwoti webo wabatɛku bekyuli litemi, nsu bɔbuɛ na muute-mii! Ɔsika limeyi lɛmmɔ lɛɛɛdubo buse buɛɛ na ɔƒɛ ɔɔɔdubo bɔlɛ munu munu. Bɔbla na ɔdubo suu geen.

Amos 1:2

Nwuna kenye kammɔ ndi ɔnini, “Unwoti ɔɔkwanyi taasiku Sion na kudu kɔni mɔɔsí Yerusalem mmɔ kɔ́ya na bebuo kadikɔ livo lɛmmɔ ƒui lɛ́yɛyɛ. Na livo lɛni na liwi Karmel Kɔbi lɛlɔ ƒui líkpi.”

Yoel 2:25

“Ami bina Unwoti Katɔti ndubɔsɔku ala ani na bɛ́yila lite-mii. Ala ani na lɛ́tala baalɔlɔ esu esu ammɔ na bébekpoku-mii na bébile mmɔ.

Esekiel 22:14

Na si uwi ɔni na lɛ́wɔlɔ lɛla lɛni na mɔɔyɔ́ lɛbla ni, bina ɔtɔtɔ ɔni na bibo ƒui ɔdubɔyii ɔkya na bɛbla kpɛtɛ kpɛtɛ ɔni na kɔnu muedi bɛsɔ bilakana-ku katɔ bɔkɔliku. Ami Unwoti násu na nsɔ lɛɛɛdubo lɛla lɛdi bɔvumana.

Yesaia 7:18

Na limeyi lɛmmɔ lɛlɔ ni, Unwoti ɔdubɔvwi lise ɔkpali bekpone ɔkya-mii, na bana bumomo bɔdubɔbla aani baalɔlɔ ku banwɛnwɛ ɔsiku Egyipte ntukpa ɔvi na katɔ kakɛ ƒui ku Asiria kalɔ lɛlɔ.

Tesalonikaƒuɔ 1 4:16

Uwi ɔmmɔ kemmo ni, bɔdubunu Blɔti bubo kɔku ku kudu kubendi. Bɔdubunu Katɔti ɔtu unengudi lɛdi. Na Katɔti kakpɛɛ kadubɔku. Na Blɔti ɔlati ɔdubɔda ɔlɛ kayaa. Na bekyuli bani náƒɔ Kristo bádi asa na békpi ni, badubɔka bɔta buli ngba.

Yoel 1:6

Ɔsika kadi bayikune badi bébo na bébekpo bula kalɔ. Badi bayikune bani ukyuli ulakana bɔka. Na bebo anyi aani bagyata adi. Na bana abatayɛ ese yayaaya etulo gyata uwele adi.

Yoel 2:1

Vwi kekpo kakpɛɛ na ete bɔti na Sion, na mina kɔbi kedee lɛlɔ, na liƒu litaada bekyuli ƒui na kalɔ kammɔ lɛlɔ, ɔsika Unwoti limeyi lɛni na ɔtɛ litemi lɛ́si lɛdubo.

Yoel 2:2

Na limeyi lɛmmɔ lɛdubo bɔbla suu, na liƒlukutu suu lɛdi lɛƒɔ kayaa ku abi lɛlɔ. Na bekpone lisu bonwu lɛdi lɛdubɔda lɛlɛ bani udu nétedie tɔ lɛlɔ kudii na badi lɛnɔ basɔ belebo kudii.

Yoel 3:14

Bekyuli mpim mpim báƒɔ Litemi Bɔtɛ Ɔkwalɛ ɔmmɔ! Na Unwoti Limeyi lɛmmɔ lɛnɔ líidu lɛ́wɔlɔ.

Obadia 1:15

“Limeyi lɛdubo lɛni na ami Unwoti ndubɔtɛku kadi ƒui litemi. Na amii Edomƒuɔ ni, bɛdubɔƒɔ kayu kani ƒui na bɛda na bina ablala kenye.

Kɔgya 18:14

Unwoti úbo atula ɔ́kya nwuna bekisine bammɔ akɔ na úgyingya-ma. Na ɔ́ya na ogya ɔni mɔɔbwɛ taalɛ ɔ́bɔku-ma na békeli bátɔlɔ.

Kɔgya 68:18

Uwi ɔni na ákɔ ésie katɔ ƒui ni, éti bekyuli bani na ékpo áƒɔ ƒui átɔlɔku. Na éte-ma etela. Na ƒula bekisine bani naaayɔ ka elie mmɔ muedi lɛnɔ béte-ɔ ala.