Yoel 2:10 - Katɔti Ɔku Kedee

¹⁰ Na kalɔ ƒui kaagyú taawɔ na kayaa kaakunku. Na ɔƒɛ ku kɔbuli ƒui kɔ́bla suu na ayabi lɛnɔ áda bukeye áya.

Yoel 2:10 Referans Kwoze

Mateo 24:29

“Na lɛbibo emeyi ammɔ kama ni, ɔƒɛ ɔdubɔbla suu, na kɔbuli kɔsɔ kulekeye lɛnɔ, na ayabi adubɔnu asi katɔ, na kayaa ɔyikun ƒui ɔdubɔkunku.

Yesaia 13:10

Na kayaa ayabi lidu ƒui asɔ elekeye. Na ɔƒɛ ɔni nátu ɔdubo lɛnɔ adubɔbla suu. Lɛni kani na kɔbuli lɛnɔ kɔsɔ kɔɔɔdubo bukeye.

Kɔgya 18:7

Kalɔ kemodi kaagyú taawɔ na kaatɔ́ kpakpaakpa. Na abi ƒui ákunku, ɔsika Unwoti úti kɔnyi.

Batalane Kabla 2:20

Ɔƒɛ ɔdubɔbla suu, na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo.

Budie Taatina 6:12

Ɔmɛni kama ni, lɛ́nu ka Koƒonu Ubi ɔmmɔ ɔ́mami kɔma likpo lɛkundi. Na kayawi kemodi kákunku kpakplaa, na ɔƒɛ ɔ́da bukeye ɔ́ya, na ala ƒui ábla suu. Na kɔbuli kumodi kɔmmɔ kɔ́vumana kɔ́bla aani ubugya.

Yeremia 4:23

Ɔmɛni kama ni, lɛ́nu lɛ́mana kalɔ kammɔ ƒui lɛlɔ na lɛ́nu ka kese ƒue, na alanu ngba lɛla lɛdi na kesii kadi. Ɔƒɛ ku kɔbuli ku ayabi ƒui áyii.

Budie Taatina 8:12

Amu na ɔtu unedi ɔ́vwi nwuna kakpɛɛ. Na lɛla lɛdi lɛ́yila ɔƒɛ ku kɔbuli ku ayabi lɛkpa lɛtɛdi bukeye. Anwuɔsu usien ku ɔƒɛ limeyi lɛkpa lɛtɛdi lɛ́sɔ lítanu bukeye.

Nahum 1:5

Na si ɔ́da ɔ́lɛ ni, abi ammɔ aagyú taawɔ, na abinkpo eegyingya aani kalɛ na lɛla lɛdi lɛɛyɛlɛ, na kalɔ kammɔ ku kana lɛlɔ bekyuli ƒui baatɔ́ kpakpaakpa na nwuna anumi.

Yoel 2:31

Ɔƒɛ ɔdubɔbla suu, na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo.

Yesaia 34:4

Ayabi ƒui adubɔyii akya, na kayaa kemodi kammɔ kakono aani kalɛ na baakono ɔku. Na ɔƒɛ ku kɔbuli kɔdubɔnu aani kalɛ na evete ku egyiibi aanú egyii lɛlɔ ƒui.

Kɔgya 114:7

O amii kalɔ ku kana lɛlɔ ala, lɛlɔ litaatɔ-mii ku bɔyia ka Unwoti ɔni ndi Yakob Katɔti ɔ́da ɔ́lɛ ɔsu.

Mateo 27:51

Kɔnakunwi na Katɔti kakpakɔ na ɔma kemmo ni, kakpakɔ bule kɔdi kɔmmɔ kɔ́bwɛ kemmo inyɔ ɔ́si katɔ úbedu kalɔ. Na kalɔ kammɔ ƒui kákunku, na atakpɛ ábwɛ.

Amos 5:8

Unwoti nábla ayabi lidu ɔ́kya katɔ, na enye ana kunyekɔ. Ɔɔyá na usien uugyé kadi nwaa na ɔƒɛ kadi nwaa kaasá teenwini usien. Na uudie ntu na ɛpu kemmo teewi kalɔ lɛlɔ. Nwuna lɛnyi ndi Unwoti.

Yoel 2:2

Na limeyi lɛmmɔ lɛdubo bɔbla suu, na liƒlukutu suu lɛdi lɛƒɔ kayaa ku abi lɛlɔ. Na bekpone lisu bonwu lɛdi lɛdubɔda lɛlɛ bani udu nétedie tɔ lɛlɔ kudii na badi lɛnɔ basɔ belebo kudii.

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Budie Taatina 9:2

Ɔtu ɔmɛni ɔ́lɛmi ubu bonwu ɔmɛni na uyɔ ɔ́lɛ ubu ɔmmɔ kemmo aani uyɔ ɔni mɔɔlɛ́ taasi lɛgyavonku bonwu lɛdi kemmo. Na ɔƒɛ bukeye ku kayaa kábla suu na uyɔ ɔmmɔ ɔsu.

Yesaia 5:30

Na limeyi lɛmmɔ ni, badubɔnwini bakya-ma, aani kalɛ na ɛpu ɔɔnwini. Na liƒlukutu suu lɛdi ku kɔnyana kɔdubɔƒɔ Israel ƒui, na ɔkɛnku ɔmmɔ ɔsu basɔ balanu bukeye bɔdi.

Yoel 3:4

“Amii Tiro ku Sidon kadi bekyuli ku Ƒilistiƒuɔ, bi ɔsu na bɛɛkɔ́ku-mi na bɛɛbla ala amɛni udu, munuu lɛla lɛdi na lɛ́bla-mii na biidie-mi kasi? Bɔdubo bɔnu ɔni muudie ɔkpanadi kasi.