Yesaia 8:7 - Katɔti Ɔku Kedee

⁷ Ami bana Unwoti Katɔti ndubɔya na Asiria ɔga ku nwuna bekpone balɛ na bana limomo ku ɔyikun kemmo bebo aani Euƒrate Ketu kani néyi ku atu, na kagbala-ma kavia utubli ɔmmɔ lɛlɔ ƒui.

Yesaia 8:7 Referans Kwoze

Amos 9:5

Unwoti Katɔti Ɔyikune Ƒui ndi anwu ɔni na si útuku kalɔ kammɔ ni, kaayɛɛlɛ, na bekyuli bani na beli-ka kemmo ƒui beewulo kɔnyana. Na kalɔ kammɔ kaata taawɔ aani kalɛ na Nil Ketu keeƒuƒuo taakɔ taayu.

Amos 8:8

Ndubo bɔya na kayawi kemodi kammɔ katɔ kpakpaakpa na bekyuli bani mebu melie-ka kemmo bewulo kɔnyana na bataata teebo aani kalɛ na Nil Ketu keeƒuƒuo taakɔ taasɔ taayu.

Yesaia 7:20

Na Unwoti ɔdubɔya na Asiria ɔga ku anwu badi bekpeyi-mii eli ku bina lɛlɔ linwini ku bina likwi lɛnɔ na bakya-mii kɔƒa.

Yesaia 7:17

Unwoti ɔdubɔya na uwi kpakplaa ɔni nétebo tɔ dii ɔ́si uwi ɔni na béle Salomo lɛga kadikɔ na kénwini Yuda ku Israel ubasiaku-mii, awɔ ku ƒula kadi bekyuli ku ƒula ɔtɔ kemmo bekyuli ƒui lɛlɔ, na ɔya na Asiria ɔga ubo ubekpoku-mii.”

Ala Kalɔ Buse 6:17

“Na ndubɔya na ɔnantu ɔna ɔƒɔ kalɔ lɛlɔ ƒui na ɔyila lɛla biala mbo ngba udu.

Budie Taatina 17:15

Amu na ɔtu ɔmmɔ ɔ́su-mi ɔnini, “Ntukpa bɔni kudɔ na ánu ka ɔyalɛ ɔmmɔ ulie ni, amu nnye nte kalɔ ƒui bekyuli ku bani nkya kaba ku kadi ku kalɔ ku adi ƒui kemmo.

Nahum 1:8

Nsu nwuna bekisine ama ni, ɔɔbɔku-ma taatákya kasuudikɔ aani kalɛ na ketu kani néyi kaagbála ala ku kɔku momoomo taatɔlɔku, na ɔyila-ma udu.

Daniel 11:22

Na ɔdubo bekpone lɛlɔ bɔdi na ɔda Katɔti ɔkpane unengudi ɔƒunadi muedi udie nwuna kenyekɔ.

Daniel 11:10

Ɔga ɔni mɔɔdi lɛlɔ na katɔ kakɛ bebi badubo bɔta ku bekpone lisu bonwu bani ndubo bɔta ku ogya aani kalɛ na ketu keeyi taagbala ala ku kɔku bonwu beti betédu kesii kani na lɛlɔ ɔdine ɔmmɔ kɔgyumanakɔ kpakplaa kunye.

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Yesaia 28:17

Na aani ɔtune kalɛ ni, litemi bɔtɛ ulu lɛlɔ ndubɔdi mina kabuli kani na ndubuti lɛkɔku kowodu kɔmmɔ bunye. Na ugyii ɔni mɔɔtina kowodu kavikɔ ligeen ndubɔtina kalɛ na mɔɔbla ala siin. Na ɔƒɛƒɛɛ ku ɔnantu ku etubankɛ na ndubɔya na ana na agbala bina ɔkɔ ala bɔbla ƒui bɔni ndi bina katamikukɔ ku kabɛkɔ mmɔ na ɔyila lɛla biala.

Kɔgya 72:8

Ɔdi lɛlɔ ɔsi ɛpu ɔvi unwi útédu ɔkladi. Na ɔsi Euƒrate Ketu bonwu kɔtu útédu kalɔ kesii biala.

Luka 6:48

Use aani ukyuli ɔni mɔɔtú ɔtɔ na ɔ́ka awodu libu budie, na ɔ́nwu lɛti ku atabi kpakplaa úti ɔ́kya ɔka kalɔ na lɛtakpɛ lɛlɔ asa na ɔ́tu ɔtɔ ɔ́sia-nwu lɛlɔ. Ka ketu kéyi na kágba kávi awodu ammɔ kalɔ ni, ɔtɔ ɔmmɔ útabla lɛla lɛdi, ɔsika ɔ́kɛ kenyekɔ kabuni.

Esra 4:10

ku bekyuli bani na Asnapar ɔni náƒɔ lɛnyi mmɔ ɔ́bɔku, na úti-ma útákya Samaria ku bakladi bani nkya ketu ɔvi kudɔ.”

Baga 2 19:32

“Anwuɔsu lɛni na Unwoti ɔɔsu taasiku Asiriaƒuɔ ɔga lɛlɔ ɔnii, “ ‘Ɔɔɔdubo ɔma unengudi ɔmmɔ kemmo buduo iye ubo nwuna kataminta kunwi muedi na mɛni. Na ulebo mmɔ ku lɛgyumanala, iye ubatu kesii kani na ɔdubunye ukpoku ɔma ɔmmɔ ɔmana.

Yesaia 10:5

“Bɔbuɛ beete Asiria, mina ugyii ɔni nda ku kɔnyi. Bana enu kemmo na mina kɔnyi ligyiiku lɛkya!

Yesaia 10:16

Anwuɔsu Unwoti Ɔyikune Ƒui, ɔdubɔya na ɔlɛ kpakplaa ubo Asiria ɔga ku nwuna bekpone bani mɔɔtina lɛlɔ lɛlɔ, na bana ɔlɔna kemmo keteenu ɔlɛ aani ogya mɔɔkyula-ma.

Yesaia 11:15

Na Unwoti ɔdubɔya na Ɛpugyie kaviakɔ kani nédie utukwalɛ aani lɛba mmɔ kakwii. Na ɔtalaku nwuna kɔnu ɔsia Euƒrate Ketu na utiku ɔƒɛƒɛɛ ɔni mɔɔkula ala na ukpo ɔvi-ka anumi na ule-ka ɔbla ntukpa wɛlɛ wɛlɛ maatɛ na ɔdia bɔvia ku lɛgba.

Yesaia 28:2

Bɛnu, Unwoti ɔdanku ukyuli ɔni na úbomo, na ubo ɔyikun ku ɔlɔkplu, aani etubankɛ ku ɔnantu ku ɔƒɛƒɛɛ kpakplaa ɔni muubile ala, na ɔdubo ubetiku-ma ku kɔnyi.

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Yeremia 47:2

“Ami Unwoti mɔɔsu-mii nnii bekisine bekpone badubɔsi katɔ kakɛ na babaƒɔ bina kalɔ lɛlɔ ƒui. Na badubo bina lɛma bɔbwɛ na bakpala-mii batɔlɔku na anu ka keku ku kɔvanu kɔda.

Yeremia 51:42

Na Babilonƒuɔ bekisine badubo bɔta aani ɛpu avlɔvɔ na baƒɔ ɔma unengudi ɔmmɔ kemmo ƒui.

Esekiel 26:19

“Ami Unwoti ndubo ɔma ɔmmɔ bɔbla aani kalɛ na ukpine kɔyu kuse. Na lɛya na ɛpu ɔmmɔ ɔyila-a ɔkya nwuna ɔkwalɛ ɔni nágyu geen kemmo

Mika 1:9

Ɔsika Samaria ɔ́ƒɔ ɔlɛ bonwu ɔni na balakana bɔbwi. Na ulu ɔmmɔ kani lɛlɔ na Yuda lɛnɔ ɔkɛ úsela na ɔgbankpi ɔmɛni úudu ɔban kenye na Yerusalem alati.

Mika 5:5

Ɔsika anwu ɔmmɔ geen ndanku keyi buɛɛ ku atu bɔyɔ bammɔ. Si Asiriaƒuɔ békpo-bu kalɛ kalɛ na bébile-bu kalɔ ku bula baga kesii dɛ ni, abu lɛnɔ bula batɔnkune baƒunadi badi badubɔtɔnku-bu na bɔdubukpoku-ma budie kasi.

Kɔgya 46:4

Ketu kadi katɛ Katɔti ɔma. Na lɛlɔ lɛɛyɔ́ Katɔti Ɔga ɔma bekyuli bani nlieku-nwu na mmɔ.

Yesaia 28:15

Bɛɛkun lɛmɛnɛ taasu bɛnini, “Abu ku kukpi bínyimi ka kɔsɔ kuládu-bu, na bɔsɔ buleduo kaƒiɔtɔ kemmo iye si lɛbibo ku kawɔlɔkɔ lɛbibo kpakplaa lɛmmɔ lídu ni, ɔdubɔvia-bu lili, ɔsika búti ɔkɔ bɔ́nyi búnwini katamikukɔ na búti katuala bɔ́bla kabɛkɔ.”

Mika 5:4

Na lɛlɔ ɔdine ɔmɛni ɔdubɔtɔnku nwuna bekyuli ɔkɛnku Unwoti nwuna Katɔti ɔni lɛnyi muukeye lɛlɔ. Na ɔdubɔnu-ma lɛlɔ aani kalɛ na baƒonu ɔdane ɔɔnu nwuna baƒonu lɛlɔ. Na nwuna bekyuli badubulie ku atu bɔyɔ, na lɛla lɛdi lilékpoku-ma. Na kayawi kadi bekyuli ƒui badubɔnu kalɛ geen na úbomo.