Yesaia 8:21 - Katɔti Ɔku Kedee

²¹ Ala adubo-ma bukpoku na kɔka lɛnɔ kutaada-ma na bakɛ bataavi kalɔ kammɔ ƒui lɛlɔ. Na si kɔka kɔmmɔ kútulo-ma ni, badubo kɔnyi buti geen na bataanu katɔ teewida bana ɔga ku bana Katɔti.

Yesaia 8:21 Referans Kwoze

Yesaia 9:20

Benye kesi kesii beemú taadi, nsu belemo na kɔka kɔsa. Ama alati bebi na badubo bɔkun ɔƒɛni amu.

Agba 19:3

Bekyuli beebile bana ngba na bana kɔdɔlɔ ɔsu, na beeti kɔnyi taakya Unwoti.

Yeremia 52:6

Na kɔbuli kunedi limeyi yaalenwi kemmo ni, uwi ɔmmɔ na kɔka kɔmmɔ kenye kébo kaayu ɔkplu geen ute bekyuli bammɔ kalɛ bakɛ lɛla lɛdi muedi badi.

Yeremia 14:18

Mɔɔnu kalɛ na bani bádu na kekpokɔ bewi alakpi akɔ. Na mɔɔnu kalɛ na kɔka kɔɔdú bekyuli lisu bani nkya lɛma kemmo lɛnɔ. Nsu ɔmɛni ƒui kenye bediene bammɔ ku bakpane bewi bana kabla lɛlɔ na belenu lɛla lɛdi kalɔ ɔ́si lɛla lɛni mɔɔlɛ́ lɛlɔ.”

Hiob 2:9

Amu ka ulekudi ɔ́da úbalɛ ni, úye-nwu ɔnini, “Bi? Bɔsiaku na amu asiaku Unwoti kama? Wida-nwu na ekpi!”

Hiob 2:5

Nsu si banii énene kɔnu ɔƒaani na ákya-nwu ɔlɔna ɔlɛ ɔdi ni, adubɔnu ka ɔdubo-ɔ animi butaakywɛɛ na uteewida-a anumi ku anumi.”

Hiob 1:11

Na si aawia-mi ɔkɔ ni, na ayila ala ani ƒui na ubo udu, na anu si ulata ulenye-ɔ anumi na utaakywɛ-ɔ animi teewida-a uwi biala.”

Baga 2 25:3

Na kɔbuli kunedi limeyi yaalenwi na lɛkwa lɛmmɔ kani kemmo ni, uwi ɔmmɔ na kɔka kɔmmɔ kenye kébo kaayu ɔkplu geen úte bekyuli bammɔ kalɛ bakɛ lɛla lɛdi muedi badi.

Israelƒuɔ Bɔlɛ 22:28

“Na bitetemi enyekpi na bina Katɔti lɛlɔ. Na ɔdi utewida bina batɔnkune.

Baga 2 6:33

Na uwi ɔni na Elisa ɔmu ɔdaku bɔtɛmi kani na ɔga ɔmmɔ ɔtalane ɔmmɔ ɔ́da úbalɛ na ɔɔsu ka ɔga ɔnini, “Unwoti kudɔ na ɔgbankpi ɔmɛni ɔ́si. Na bi ɔsu na mɔɔsɔ linye ntaanu Unwoti anumi lɛnɔ?”

Samuel 1 8:18

Ɔƒɛni limeyi lɛdubo lɛni na bɛdubo buwulo bɔkpali-mi bɛnii nƒɔ-mii nlɛku ɔga ɔni na amii alati bɛ́ƒuna bíte lɛlɔ mmɔ enu kemmo. Nsu lɛɛɛdubo-mii bɔkpete limeyi lɛmmɔ.”

Hiob 18:12

Kɔka kɔdubo-nwu butaada uwi ndi uwi, na ɔgbankpi ɔni na unye ɔgya-nwu kemmo kani na ɔdubukeli butéduo.

Yesaia 9:21

Manase ɔdubo Eƒraim badi bɔkun, na Eƒraim ɔ́kun Manase badi aani beƒiebuo kalɛ. Na bana inyɔ benwini benye Yuda lɛlɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yesaia 14:30

Ndubute bawabane geen ƒui na badi aani baƒonu ɔdane buni kalɛ na bani mɔɔyaki ƒui batɛ ku banwuna. Nsu amii ni, ndubɔya na kɔka kɔdu-mii ƒui na bɛyii udu ku ligyiitu.

Yesaia 51:19

Kɔka ku kekpo kɔ́du-mii ƒui. Na nsɔ naaakana-mii kɔnu kɔdi bɔsia lɛnɔ.

Yesaia 59:9

Ka bénu ala amɛni ni, básu banini, “Ukyuli biala útebo ɔnii ubekpo ute-bu iye ubatɛ bula etemila ute-bu na ulu siin lɛlɔ. Nka bula anu asia bukeye nwaa lɛlɔ, nsu lɛdisa kemmo na bɔkɛ susuusu.

Yesaia 65:13

“Binu! Ami Unwoti Ɔyikune Ƒui mɔɔsu-mii nwaa ka mina kabla bablane badubo bɔdi, nsu kɔka kɔdubo amii alaekpidi bablane butaada uwi biala. Na badubo bɔni, nsu ntukwɛ ɔdubo-mii butaada uwi ndi uwi. Na lɛlɔ lɛdubo-ma bɔyɔ, nsu kɔƒa kɔdubo-mii bukpo.