Yesaia 8:16 - Katɔti Ɔku Kedee

¹⁶ Kono bunyimi ku ɔda bubo bɔmmɔ na abala-mu kenye ku kɔma ese mina basiakune.

Yesaia 8:16 Referans Kwoze

Daniel 12:4

“Na ɔƒaani ni, Daniel, muubo-ɔ ɔda ka abɛla linyesia lɛni na ɔku ɔmɛni ɔdanku uti utédu uwi ɔmɛni kawɔlɔkɔ, ina ka bekyuli pii badubɔsia ulu biala lɛlɔ na kesi kesii banii baawia bati lɛla lɛni nkya ɔku ɔmmɔ kemmo.”

Hebriƒuɔ 3:5

Mose ɔ́bla lɛla biala ulu lɛlɔ na Katɔti kaduli aani kabla ɔblane. Na údie ala ani na Katɔti ɔdubo ubasu ɔ́tina.

Marko 4:34

Útetemi útete-ma ɔni na útebo agba. Nsu si uwi ɔni na anwu ku nwuna batɛyane lɛti belie ni, na uudie-nya kalɔ taatina-ma.

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Budie Taatina 10:4

Ka línu kɔku bonwu kɔmɛni ni, líse kalɔ nnii muunweni lɛla lɛni na línu. Nsu lɛdi lɛdi lɛ́si katɔ na lɛ́su-mi lɛnini, “Ɔlɛka abɛla lɛla lɛni na énu na kɔku bonwu kɔmmɔ kemmo ese, na tenweni-nya.”

Budie Taatina 5:5

Amu na benengu bammɔ akɔ unwi ɔ́su-mi ɔnini, “Sɔ tewulo. Nu! Yesu ɔni baalɔ banii Gyata ɔni nási Yuda kaba kemmo na ɔdi Dawid Kugyii Ugyiitu ni, ɔ́di lɛlɔ. Anwu námanku ka ɔƒɛnimi kɔma kɔni na béti bábala ekpo maatɛ ammɔ.”

Budie Taatina 5:1

Amu na lɛ́nu ka anwu ɔni nlie lɛgaboku lɛmmɔ lɛlɔ ɔda kakunkɛ kadi na nwuna kɔdianu, na bénweni ala ani ndubo abalɛ básia-ka anumi ku kama. Na báƒɛ-ka, na béti kɔma bábala-nwu kenye ekpo maatɛ kalɛ na ukyuli keeke ulakana bubimi.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Marko 10:10

Kama, uwi ɔni na bésie kaduli ni, nwuna batɛyane béye-nwu etemila básiku lɛla lɛni na ɔ́su na ɔda bubo bɔmmɔ lɛlɔ.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Yesaia 54:13

Ndubɔtina bina bebi ala na bakɔ katɔ ku keyi buɛɛ.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Baga 2 11:12

Ɔmmɔ kama Yehoiada ɔ́kpanku Yoas ɔ́lɛku keyi. Na úti ɔga kabua úbi-nwu na úti bunyimi kakunkɛ ɔ́kya-nwu enu kemmo. Na béwi Yoas nnɔmii lili na bébo-nwu kudu ka anwu ndi ɔga. Na bekyuli bammɔ bágya anukpɛ na báva momoomo básu banini, “Ɔga uli ngba gyɔlɔɔ!”

Lɛkpa Ulu 4:45

Ɔda bubo bɔmɛni ku ala ani ƒui na adanku mmɔ ni, údie-nya ɔ́tina-ma uwi ɔni na bálɛ Egyipte kalɔ lɛlɔ.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.