Yesaia 8:10 - Katɔti Ɔku Kedee

¹⁰ Bisie kelisa na bɛkya bina kekpo kɔkwɛ ƒui, na bɛtaa kasiakɔ biala bite lɛlɔ, nsu ɔmmɔ ƒui ɔdubɔbla keeke, ɔsika Unwoti Katɔti ulieku-bu.

Yesaia 8:10 Referans Kwoze

Kɔnyana Buwulo 3:37

Ukyuli ɔdi ulakana lɛla lɛdi bɔbla si Unwoti útete-nwu kuƒi kɔmmɔ.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Hiob 5:12

Na kɔkwɛ kukpidi kɔni na bekyuli baakya ƒui ni, uubile-ku kemmo.

Agba 21:30

Kɔkwɛ kɔni na bekyuli baakya ƒui si ina dɛ na béti lɛnunda kemmo bákya-ku ni, kulakana Unwoti lɛlɔ bɔdi kudii.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Samuel 2 15:31

Na ɔƒɛni ni, bábasu Dawid banini, “Ahitoƒel lɛnɔ ɔkya Absalom badi bani nása lili likpidi ƒula lɛlɔ akɔ.” Mmɔ na Dawid ɔ́kpali katɔ ɔnini, “O Unwoti, nwini Ahitoƒel kasusu kani na ɔɔkya-ma bla adɔlɔla.”

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Ala Alɛdi 2 13:12

Ɔmmɔ ɔsu na Katɔti unye-bu kama na ɔdubo-bu bɔtɔnku na kekpo kamɛni kemmo na bɔdubɔta bukpo-mii uwi ɔni na bula bakpane bávwi bana ese ammɔ na béte-bu kati. Israelƒuɔ, kɔsia kɔdi kuuubo-nwu kemmo kuuute-mii, ɔsika bɛdubo lili bute, ɔsika ulu biala uuubo na bɛdubɔkana Unwoti Katɔti ɔni na bina bati kuuku bátaakpa lɛlɔ bɔdi.”

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Samuel 2 17:23

Ɔƒɛni ka Ahitoƒel ɔ́nu ka béteti nwuna kasusu kani na ɔ́kya-ma ni, ɔ́bala nwuna ebuo ala utine na ɔ́kɔ úlie-nwu lɛlɔ na ɔ́tɔlɔ úsie nwuna ɔma. Na ka ɔ́klibi ala úsie nwuna ɔtɔ ɔ́wɔlɔ ni, úsie útákya lɛlɔ ɔbuli na úkpi na báva-nwu bana ɔti kaƒiɔtɔ.

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Romaƒuɔ 8:13

Si bɛsiaku likyulikpi udu ala bɔbla kama ni, bɛdubo bukpi. Nsu si bɛkɛnku Katɔti Kɔyu lɛlɔ na bɛ́du bina ɔlɔna udu ukpidi ɔmmɔ ni, bɛdubɔkɛ ngba.

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yesaia 8:8

Na kadubɔgbala ala laa ketédu Yuda, na kabuala kavi na keyi kadanku-ma amɔ. Na kana avwi ani na úgyingya adubo bɔbɛbɛ bubi ƒula kalɔ kammɔ ƒui, O Imanuel!”

Samuel 2 17:4

Kasusu kamɛni kádia Absalom ku Israelƒuɔ benengu bammɔ bunu.

Ala Kalɔ Buse 21:22

Na uwi ɔmmɔ kemmo ni, Abimelek ku nwuna bekpone ɔtɔnkune ɔni baalɔ Pikol básu Abraham banini, “Bɔɔnu ka Katɔti uliku-ɔ na ƒula lɛla biala na aabla kemmo.

Yesaia 28:18

Na lɛla lɛni na bínyimi ku kukpi ku kaƒiɔtɔ mmɔ ƒui ɔbla kekeeke. Na si kawɔlɔkɔ lɛbibo kpakplaa lɛmmɔ lídu ni, lɛdubo-mii bubo bɔva kalɔ.

Yesaia 43:5

Bitayia, ɔsika nliku-mii. Na ndubɔsala-mii lɛsiku ɔƒɛ katukɔ ku kanukɔ ƒui liboku liku linwi.

Yeremia 42:11

Bitayia Babilon ɔga, ɔsika ndububo-mii bɔgyumana bɔsiku nwuna bukpoku kudɔ.

Yeremia 46:28

Anwuɔsu bɛsɔ bitayia ina bɛ́manku ka bani-mii kɔtɔ na bégyingya-mii bákya baƒɔ kɔlɔ lɛnɔ lɛlɔ ɔƒɛni. Nsu si uwi ɔni na lɛ́yila-ma udu ni, ndubo-mii bɔgyumana. Ami Unwoti násu.”

Yoel 3:9

Bɛkɔ ɔmɛni lɛsa bite kadi bekyuli ƒui. Na bɛklibi lɛlɔ bite kekpo! Bitiku bekpone benengudi bammɔ na bebo bebékpo na benye basiaku-mi!

Bumomo Bɔka 14:9

Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

Baga 2 6:12

Amu na bana kabla bablane bammɔ kemmo unwi údie kenye ɔnini, “Bula ɔdi biala uuunye ɔga ɔmmɔ kama. Mmomu Elisa, Katɔti Kenye Udiene ɔni nkya Israel mmɔ, mɔɔsu Israelƒuɔ ɔga ɔmmɔ kɔtɛ kɔni na aatɛmi na ƒula katɔma muedi.”

Kɔgya 21:12

Badubɔtu kama benwini na bekeli si áda álɛ-ma anumi ku ƒula kataminta ku atula ka ebo alɛ-ma.

Kɔgya 46:8

Bibo na bibanu Unwoti ablala na bɛnu kalɛ na úgyingya lɛla biala na úbile kayawi kemodi kammɔ ƒui.

Yesaia 14:27

na úudie kɔnu úse na kɔnyi kemmo ka ɔni kayawi kɔtu na ɔdi uletile-nwu kuƒi.

Hagai 1:13

Mmɔ na Hagai ɔ́su-ma ɔnii Unwoti úse kenye ka ɔdubulieku-ma.