Yesaia 7:6 - Katɔti Ɔku Kedee

⁶ “Bɛya na bukpoku Yuda na bɔgyingya ɔma ɔmmɔ na bule-nwu bɔkya lɛlɔ. Na bɔdubɔbwɛ buduo Yerusalem na buti Tabeel ubidi buse lɛga aani Yudaƒuɔ ɔga.”

Yesaia 7:6 Referans Kwoze

Yesaia 7:1

Uwi ɔni na Ahas ɔni ɔti ndi Yotam, na ɔdi Usia uwɔ, ɔɔdi lɛga na Yuda ni, Aramƒuɔ Ɔga Resin ku Ramalia ubidi ɔni baalɔ Peka na ɔɔdi lɛga na Israel kalɔ lɛlɔ báta banii bebékpo Yerusalem, nsu bátakana na badi Yerusalem lɛlɔ.

Yesaia 7:5

Sɔsɔ na ɔdi ka Aram ku Israel kalɔ baga bamɛni báta ka bebékpo-ɔ na baasu banini,

Yesaia 7:7

Nsu ami Unwoti Ɔyikune Ƒui mɔɔsu nnii, “ ‘Ulebo ulete lɛni, na balakana-mii lɛlɔ bɔdi kudii,

Baga 1 12:16

Uwi ɔni na bekyuli bammɔ bánu báti ka ɔga ɔmmɔ ulabla bana lɛyɔla ulete-ma ni, mmɔ na báva momoomo básu banini, “Bi kadikɔ na bubo ɔ́siku Dawid kudɔ? Kakɛ kamani na bunye na Yisai ubidi kudɔ? Israel banana, bɛya na bunwini buteesie bula nvo kemmo! Dawid utiku nwuna kaduli na utaanu-ka lɛlɔ.” Ɔmmɔ ɔsu Israelƒuɔ bénwini bésie bana ɔma.

Baga 2 11:2

Na ubidi Yoas kani nékeli. Na nka badubo-nwu bɔdu ku bekyuli bakladi, nsu ɔti ɔnwani ulekubi ɔni baalɔ-nwu Yehoseba na ɔdi Ɔga Yoram ubidi na ɔdi Ɔga Ahasia ɔnwani ulekubi néti-nwu úkeliku. Na Yehoseba úti Yoas ku uleku ɔni mɔɔnu-nwu lɛlɔ mmɔ útábɛla kakpakɔ ɔtɔ ɔni kemmo baatɛ ɔdi kemmo kalɛ na Atalia ulanu-nwu uládu.

Ala Alɛdi 2 13:8

“Na mɔɔnu ka awɔ ku ƒula bekpone bayikune bani na aanu ka ebo mɛni bɛɛkali ka bɛdubɔkana na binye bɛsiaku lɛgakadikɔ kani na Unwoti úti úte Dawid ku nwuna ɔtɔ kemmo bawɔ. Lɛla lɛni kani na ebo ndi Yeroboam sika ugyiedi baƒiɔ bani na bávɔ béte-ɔ na ɔmantɛ bakɔ bebi udu kenye.

Ala Alɛdi 2 21:7

Nsu ka Unwoti úse kenye ka Dawid bebi ku bawɔ akɔ na ukyuli ɔdubɔsi uwi biala na ɔdi lɛga na Yuda ɔsu ni, útayila Dawidi ɔtɔ kemmo bebi ku bɔwɔ udu.

Ala Alɛdi 2 28:5

Ahas ku Yuda kadi bekyuli ƒui bábla likpidi báƒiɔ Unwoti na bénwini kama bákya Katɔti ɔni na bana bati kuuku bákpa. Anwuɔsu na Katɔti úti-ma ɔ́kya Aram kadi bekyuli enu kemmo na bétiku nwuna bekyuli pii bátɔlɔku aani bekyuli biƒiedi bésienku Damasko. Na lɛni kani na Israelƒuɔ lɛnɔ bésusu-ma geen na kekpo kammɔ kéƒie bana bekyuli pii bátɔlɔku.

Kɔgya 21:11

Ina béti kasusu ka babla-a likpidi ni, ulebo-nwu kemmo ulete-ma lɛni.

Kɔgya 83:3

Na básala ku bekyuli bamba na baakya kɔkwɛ kukpidi na ƒula bekyuli bani na ada aanu lɛlɔ geen mmɔ lɛlɔ.

Agba 19:21

Adubɔkana na eti kasusu kɔkwɛ pii, nsu Unwoti lɛƒɔyɔ kani ndubo bunye.

Yesaia 8:6

“Ka kadi kamɛni béni kalɛ na nda-ma aani Siloa Ketu kani mɔɔgbá buɛɛ, na Resin lɛlɔ mɔɔyɔ́-ma kaƒɔ mmomu ku Remalia ubidi ɔnanabi ɔsu ni,