Yesaia 7:3 - Katɔti Ɔku Kedee

³ Amu na Unwoti ɔ́su Yesaia ɔnini, “Awɔ ku ƒ'ubidi Sea-Yasub, ɔni kalɔ ndi Badi Badubo Bubu, bisie na bitásiaku Ɔga Ahas na ketu kammɔ kawɔlɔkɔ kesii kani muuduo ligyu kemmo mmɔ. Mmɔ kedenku ulu ɔni néti úsela kesii kani na baakya adi kuvo mmɔ.

Yesaia 7:3 Referans Kwoze

Yesaia 36:2

Ɔmmɔ kama ni, Asiria ɔga ɔ́tala nwuna bekpone unengu ɔ́kya Ɔga Hesekia na Yerusalem, na ɔdanku bekpone pii badi na bási Lakis ɔma kemmo. Ɔnii utásu Hesekia na ute lili ka ɔ́di-nwu lɛlɔ. Amu ka bakɛ ulu ni, batásia ulu ɔdi na ude adi bablane badi kabla kablakɔ na bébedu kesii kani na békulo ketu kadi ntu kasiakɔ na kási katɔ kakɛ bábla lɛba bonwu lɛdi na ude kemo kadi.

Baga 2 18:17

Ɔmmɔ kama ni, Asiriaƒuɔ ɔga úti bekpone batɔnkune lidu ɛtɛ ɔ́siku nwuna bekpone akɔ na bátɔnku bekpone pii badi básiku Lakis na bésie Ɔga Hesekia kudɔ na Yerusalem. Na ka bétéduo Yerusalem ni, béduo ɔkwalɛ ulu ɔni na ntu bɔɔsí teetéwi ligyu lɛni nnye katɔ kakɛ kemmo.

Romaƒuɔ 9:27

Katɔti Kenye Udiene Yesaia úbo kudu úte Yudaƒuɔ ɔnini, “Si ina Yudaƒuɔ bemomo aani ɛpu kɔnwinimi muedi ni, bana akɔ ɛlɛɛ badi kani ndubo bubu na bakɛ bɔƒɔ.

Yesaia 6:13

Na ina bekyuli bammɔ lɛkpa leevudi kani nébu ni, ama lɛnɔ ndubɔyila-ma udu. Nsu kalɛ na egyukwii eebú teenye si báda egyii báwɔlɔ ni, lɛni na mina badi bani na lɛ́ƒuna badi badubo bubu bulie kama.”

Yeremia 22:1

Unwoti ɔ́tala-mi na lísie Yuda ɔga kesii ńtátɛmiku ɔga ɔmmɔ ku nwuna benengu ku bekyuli bani ƒui nkya mmɔ.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yesaia 10:21

Yakob kaba kemmo nkyuli ɛlɛɛ badubunwini bebo Katɔti Ɔyikune Ƒui kudɔ.

Baga 2 20:20

Na lɛla biala na Ɔga Hesekia ɔ́bla ku nwuna kayi buse ablala ku kalɛ na ɔ́bla asa na ɔ́tu ntu kewikɔ na úku libu na ntu buubo teebewi ɔma kemmo ni, bénweni-nya bákya Yudaƒuɔ baga lɛlɔ kɔtɛ ɔku kemmo.

Israelƒuɔ Bɔlɛ 7:15

Ɔmɛni ɔsu, sie na atásiaku Ƒarao ɔtanta uwi ɔni na ɔ́ta úsela Nil Ketu kemmo. Na si ésela ni, na eti ƒula ugyii ɔdadi ɔni nénwini kɔlakpi mmɔ ada. Na enye agya Ƒarao na ketudɔ mmɔ.

Nehemia 3:16

Na ɔni nsɔ nsia ni, Asbuk ubidi Nehemia ɔni mɔɔnu Bet-Sur kalɛkɛ lɛlɔ náklibi lɛwoduku lɛni nkya ɔ́si Dawid bekyuli kɔƒiɔtɔ útédu ligyu lɛni bekyuli béti enu béku ku kɔduli kɔni baalɔ-ku Lɛlɔ Bɔdi Kɔduli.

Baga 2 16:1

Na lɛkwa leevu-maatɛdi lɛni na Remalia ubidi Peka ɔɔdi lɛga na Israel ni, bése Yotam ubidi Ahas lɛga na Yuda.

Yesaia 22:10

Na bɛ́sia lɛtɔ lɛdi anu na bɛ́bwɛ-ni bíwi kalɔ kalɛ na biti atabi ammɔ bɛsɔku bɛtu awodu ani náaƒɛ áwɔlɔ ƒui mmɔ na asɔ enye kpakplaa.

Yesaia 22:11

Bɛ́bla ntu kaƒɔkɔ aani akpambui bɛ́kya kalɔ kemmo na ɔban awodu ammɔ ntɛ kalɛ na bitaaƒɔ libiɔ lɛkukudi lɛmmɔ ntu teewi, nsu bɛ́yiƒala Katɔti ɔni nábla lɛla lɛmɛni iye anwu ɔni nákya kasusu kammɔ úse ɔ́si kukuuku ƒui.