Yesaia 7:11 - Katɔti Ɔku Kedee

¹¹ “Vele ami Unwoti ƒula Katɔti na lɛtina-a likposela lɛdi ɔ́si kalɔ kemmo ƒui útédu katɔ kakaaka.”

Yesaia 7:11 Referans Kwoze

Yesaia 37:30

“ ‘O Hesekia, ɔmɛni ndubɔbla ƒula likposela. “ ‘Na lɛkwa lɛmɛni kemmo ni, edula ani na anya alati nákwɛ na adubo bɔdi. Na lɛkwa bamba ni, edula akukudi ani násɔ áta ebi na adubo bɔdi. Nsu lɛkwa lɛtɛdi ni, awɔ ɔlati kya edula na aƒɛ-nya, na ese adingyii mmo na ede ebi ammɔ adi.

Yesaia 38:22

Mmɔ ni, Hesekia úye ɔnini, “Bi ndi likposela lɛni na ndubɔtina ka ndubɔkana na lisie Katɔti kakpakɔ?”

Baga 2 19:29

“O Hesekia, ɔmɛni ndubɔbla ƒula likposela. “Na lɛkwa lɛmɛni kemmo ni, edula ani na anya alati nákwɛ na adubo bɔdi. Na lɛkwa bamba ni, edula akukudi ani násɔ áta ebi na adubo bɔdi. Nsu lɛkwa lɛtɛdi ni, awɔ ɔlati kya edula na aƒɛ-nya na ese adingyii mmo na ede ebi ammɔ adi.

Yeremia 19:10

“Na si uwi ɔni na ásu ɔmɛni ni, Yeremia, na ebo libui lɛmmɔ abwɛ na bekyuli bammɔ anumi mmɔ kani.

Yeremia 19:1

Unwoti ɔnini, “Yeremia, sie ebui ɔvɔne ala kavɔkɔ na etéye libui lɛdi. Na akpanku ɔma ɔmmɔ bakutine ku bakpane benengu ada.

Luka 2:12

Na lɛla lɛni na bɛdubuti bɛnu bɛti ni, ani ndi ka bɛdubɔnu ubiwɔ ɔni bényimi bákya kɔdi kemmo na ɔtɛ bebuo kadikɔ.”

Israelƒuɔ Bɔlɛ 7:9

“Si Ƒarao ɔ́su-mii ɔnini, ‘Bɛbla akɔla budie taatina bɔdi’ ni, na asu Aaron na uti nwuna ugyii ɔdadi mmɔ ɔva Ƒarao anumi. Na ugyii ɔmmɔ ɔdubunwini kɔlakpi.”

Yesaia 7:10

Unwoti ɔ́sɔ ɔsu Ahas ɔnini,

Yesaia 7:12

Nsu Ahas úbulo na ɔ́su ɔnini, “Oowo, lɛɛɛdubo mina Unwoti bɔkɔku bɔnu.”

Yesaia 55:13

Na egyii abuni enengudi ani mɔɔdia ala buti taabla adubɔkwɛ enye kesii kani na nka liyu alakpi nákya mmɔ. Na egyii ammɔ ndubunye mmɔ uwi ƒui, na atina kalɛ na Unwoti uukeye na ubo ɔbu.”

Yeremia 44:29

Na ɔmɛni na bɛdubuti bɛnu bɛti ka ngba liƒu akyala ani na mɔɔsu ka adubɔlɛku-mii na Egyipte kalɔ lɛlɔ mɛni adubo bɔlɛ lɛni sɔsɔ.

Baga 1 13:3

Limeyi lɛmmɔ kani ni, Katɔti kenye udiene ɔmmɔ ɔ́bla likposela lɛdi na ɔ́su ɔnini, “Ɔmɛni ndi Unwoti likposela ka lɛkpabi lɛmɛni lɛdubo bɔbwɛ na lile lɛlɔ kemmo inyɔ. Na ntɔ bɔni na buwi-nwu kemmo ni, buwilimi buwi kalɔ.”