Yesaia 6:8 - Katɔti Ɔku Kedee

⁸ Amu na línu ka Unwoti uuye ɔnini, “Ɔma na ndubɔtala aani mina ɔtu kalɛ lɛkya mina bekyuli na ɔma ndubusie ute-bu?” Mmɔ na lɛ́su nnini, “Ami ndubo busie! Tala-mi!”

Yesaia 6:8 Referans Kwoze

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Batalane Kabla 22:21

“Nsu Blɔti ɔ́su-mi ɔnini, ‘Ta, na eteesie ɔgyu kakaaka na kesii kani mɔɔtala-a na bekyuli bani naaadi Yudaƒuɔ akɔ!’ ”

Yesaia 65:1

“Lídie lɛlɔ lɛ́tina bekyuli bani na béteye-mi lili. Na bekyuli bani na bátawia-mi kama ulu bánu-mi. Na kadi bani bekyuli nátakpali-mi lɛnyi kudii ni, lɛ́su-ma nnini, ‘Bɛɛnu-mi mɛni, nnye mɛni.’

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Ala Kalɔ Buse 1:26

Amu na Katɔti ɔ́su ɔnini, “Bɛya na bɔbla ukyuli na ɔlɛ-bu na bula udu kenye kalɛ na utaadi ɛpu ku kalɔ ku kayaa bebweyi ƒui lɛlɔ.”

Ala Kalɔ Buse 11:7

Anwuɔsu bɛya na bɔyu busie-ma kudɔ. Na butéƒu bana lɛdi lɛni na baatɛmi kalɛ na ɔdi ɔsɔ ulenu ɔkpanadi butemi kalɔ.”

Esekiel 1:24

Si uwi ɔni na bebweyi bamɛni beeveyi ni, bana avwi aabla kɔku bonwu aani kalɛ na ɛpu ɔɔbla kɔku iye aani bekpone lisu bonwu lɛdi iye aani Unwoti Ɔyikune Ƒui muudie lɛdi. Na si uwi ɔni na bédi bénye na báda buveyi báya ni, na baƒɛ bana avwi bébi bana ɔlɔna lɛlɔ.

Baga 1 22:20

Na Unwoti úye-ma ɔnini, ‘Ɔma ndubɔkana na ɔtɔlɔ Ahab na usie Ramot kesii kani na badubo-nwu bɔdu mmɔ?’ “Na bani nása bénye mmɔ bátɛmi básiku ɔmɛni lɛlɔ uwi klukwii ɔdi.

Esekiel 10:5

Na kɔku kɔni na bebweyi bammɔ avwi aabla aaku momoomo aani Unwoti Ɔyikune Ƒui lɛdi, na kɔɔku teesie kaduli kamaadi kemmo muedi.

Ala Kalɔ Buse 3:22

Amu na Unwoti Katɔti ɔ́su ɔnini, “Ɔƒaani ni, ukyuli ɔgyi lɛbuni ku likpidi lɛnɔ aani abu kalɛ. Anwuɔsu ɔ́sɔ útalɛka ɔkɛ kuƒi na ude kugyii ebi ani mɔɔyá na ukyuli uulie ngba mmɔ ɔdi na ɔsɔ ulekpi.”

Batalane Kabla 9:4

Na ɔ́lɛ úbo kalɔ na únu ka lɛdi lɛdi lɛɛsu-nwu lɛnini, “Saulo, Saulo, bi ɔsu na eekpóku-mi lɛni?”

Batalane Kabla 26:19

“Anwuɔsu ni, Ati Agripa, ńtada atu ńtedie budie bɔtina bɔni na lɛ́nu lɛ́siku katɔ mmɔ lɛlɔ!

Samuel 1 3:4

Ɔmmɔ kama ni, Unwoti ɔ́kpali Samuel na ɔ́tuna ɔnii, “Ati aanu-mi.”

Esekiel 9:1

Na ala amɛni kama ni, línu ka Unwoti údie lɛdi momoomo ɔnini, “Amii bani na báƒuna bése ka bɛkyula ɔma unengudi ɔmɛni ni, bibo Yerusalem mɛni ku bina ekpola!”

Ala Kalɔ Buse 22:1

Akwa adi kama ni, Katɔti ɔ́kɔku Abraham ɔ́nu na ɔ́kpali-nwu ɔnini, “Abraham!” Na Abraham lɛnɔ ɔ́tuna ɔnini, “Ati, aanu-mi.”

Ala Kalɔ Buse 22:11

Kɔnakunwi ni, Katɔti ɔtu ɔdi ɔ́kpali ɔ́siku Katɔ ɔnini, “Abraham! Abraham!” Amu na Abraham údie kenye ɔnini, “Aanu-mi mɛni.”

Samuel 2 1:7

Na ɔni na únwini lɛlɔ na ɔ́nu ka nnye mmɔ ni, ɔ́kpali-mi úmene. Na líye-nwu nnini, ‘Bi na aayɔ́ ka lɛbla lite-ɔ?’