Yesaia 6:3 - Katɔti Ɔku Kedee

³ Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”

Yesaia 6:3 Referans Kwoze

Kɔgya 72:19

Bemwi-nwu lɛnyi lɛni muukeye úsela uwi ƒui. Na nwuna bukeye bɔƒɔ kalɔ lɛlɔ ƒui. Ɔsia lɛni! Na ɔsɔ ɔsia lɛni!

Esra 3:11

Na beedie lɛnu teemwi Unwoti na baagyá-nwu enu banini, Unwoti ɔdia geen. Na nwuna bɔyɔ bɔni na ubo ute Israel buse búsela uwi ƒui. Na bekyuli bammɔ ƒui bébo kudu momoomo bémwi Unwoti ka bákya Unwoti kakpakɔ kowodu ɔka kalɔ ɔsu.

Bumomo Bɔka 14:21

Nsu mɔɔsu geen ka ni, ami Unwoti ɔni nli ngba na mina bukeye bɔ́ƒɔ kayawi ƒui mɛni ni,

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Yesaia 40:5

Na Unwoti ɔni muukeye ni, ɔdubɔda ɔlɛ kayaa na ukyuli biala ɔdubɔnu-nwu nwaa.’ ” Lɛni na Unwoti ɔlati ɔ́su!

Yesaia 24:16

Binu bumwi lɛnu lɛni nda ɔ́siku kayawi kawɔlɔkɔ ekpo ekpo ƒui, úte Unwoti ɔni muukeye na use siin. Nsu bɔbuɛ muute lɛlɔ, ɔsika lɛlɔ kemmo kaanwá-mi ku kɔnyana, na bani na bátaƒɔ bátadi bana taƒɔ tadi ku ulikplu ala bɔbla ɔsu.

Kɔgya 57:11

O Katɔti, ya na bekyuli ƒui bakɔliku ƒula lɛnyi katɔ besienku ɔgyu kakaaka. Na banu kalɛ na eekeye na kesi kesii na kalɔ lɛlɔ.

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Habakuk 2:14

Kalɛ na ɛpu ɔɔƒɔ́ ntu na uuyi ni, lɛni kani na bekyuli bani mɔɔbu na baayia Unwoti badubɔƒɔ kalɔ kammɔ lɛlɔ ƒui.

Kɔgya 90:16

Ya na abu ƒula kabla bablane bɔnu ƒula akɔla ala budie taatina na bula akɔ. Na bula bawɔ banu kalɛ na ebo ɔyikun na eekeye.

Kɔgya 97:6

Kayaa ku kana ala eebó kudu na kalɛ na Katɔti use siin lɛlɔ. Na bayawine ƒui baanu kalɛ na uukeye.

Kɔgya 99:3

Bɛya na ɔdi biala umwi Unwoti lɛnyi lɛni ntulo na lɛɛda liƒu mmɔ, ɔsika anwu kani nse kedee.

Yesaia 54:5

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Esekiel 43:2

Mmɔ na lɛ́nu Israel Unwoti Katɔti bukeye ka bɔ́si ɔƒɛ katukɔ bɔdubo. Na línu kɔku kɔdi aani kalɛ na ɛpu ɔɔbla kɔku bonwu, na Unwoti bukeye bɔmɛni bɔ́ya na lɛla biala nkya amadɔ liikeye taatu anumi.

Esekiel 44:4

Ɔmmɔ kama ni, ɔnana ɔmmɔ útiku-mi na bútásia ɔban kayakun kani na katɔ kakɛ na kakpakɔ anumi mmɔ. Na lɛ́nu kalɛ na Unwoti uukeye na bukeye bɔmmɔ bɔ́ƒɔ kakpakɔ mmɔ ƒui. Kɔnakunwi ni, líbo kalɔ na líti mina anumi líbi kalɔ.

Kɔgya 8:2

Ábla banamu ku bebiwɔ anii beti bumwi bɔni náƒɔ kuye geen bete-ɔ. Elie kalɔ kpi ɔni na ƒula ukisine ɔdi ulakana-a bɔni bude kudii. Na bekyuli bani mɔɔta teenye-ɔ lɛlɔ ƒui aayila-ma udu.

Kɔgya 66:2

Na bidie lɛnu bimwi nwuna lɛnyi na bɛtina kalɛ na uukeye.

Kɔgya 99:9

Bimwi Unwoti bula Katɔti na bɛkpa-nwu na nwuna kɔbi kedee lɛlɔ, ɔsika Unwoti, bula Katɔti, use kedee.