Yesaia 6:11 - Katɔti Ɔku Kedee

¹¹ Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yesaia 6:11 Referans Kwoze

Yesaia 1:7

Bina kɔlɔ ƒui kɔ́yii udu na kuwi ukpludi. Na bákyula-mii lɛma linengudi ƒui. Na binye bɛɛnu baƒɔ bammɔ na béti-mii mmo ku lɛla biala bénwini bana lɛdi na bébile lɛla biala.

Kɔgya 94:3

Uwi ɛlɛ na balalane bamɛni badubulie bataakun lɛmɛnɛ ku lɛlɔyɔ betédu?

Yesaia 3:26

Na Yerusalem lɛban kenye ƒui lɛdubuse aani bekyuli bani néduo kɔnyana, na beewulo bani nékpi. Na ɔma umodi ɔmmɔ ɔdubɔbla aani uleku ɔni náyu uwi kalɔkplu na ɔsɔ uuubo lɛla lɛla.

Kɔgya 90:13

O Unwoti, buuvele-ɔ bɔnii kaƒɔ kayɔ-ɔ. Buuvele na anu ƒula kabla bablane kɔnyana.

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Kɔgya 79:5

O Unwoti, adubuti kɔnyi akya-bu ƒui na ɔ́sa? Na eteekpo-bu lɛlɔ kogyulo lɛni?

Kɔgya 74:10

Katɔti, adubunye ataanu na bula bekisine bataama-a na beteebile-ɔ lɛnyi uwi ƒui?

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yesaia 5:9

Unwoti Ɔyikune Ƒui ɔ́su na ami ɔlati línu ku mina atu ɔnini, “Lɛtɔ pii ku katu taasia lɛtɔ buni lɛmmɔ lɛdubo buse ukpludi ɔni na basɔ balákɛ bekyuli bani nelie-ni kemmo.

Yesaia 13:12

Ndubɔya na bekyuli basa na kebu ɛlɛɛ geen utulo kalɛ na Oƒir sika ugyiedi ɔbuni ƒui use ɛlɛɛ.

Yesaia 32:14

Baga kesii kadubɔƒɔ lɛlɔ kese ukpludi na ɔma ɔni kemmo na nka bekyuli báƒɔ-nwu kemmo tɛtɛɛtɛ dii ɔdubɔsa ɔbla ukpludi. Na bekpone kɔgyumakɔ kpakplaa ku lɛma kɔgyumanakɔ ƒui kɔdubunwini alakpi akɔ bebuo kaƒiakɔ na kunwini baƒonu kadikɔ.

Yesaia 35:1

Lɛlɔ lɛdubɔyɔ kalɔ kakwiidi kani mɔɔwia ntu na kaládia lɛla lɛdi, ɔsika egyiibi lidu lɛdubɔlɛ linye-ka lɛlɔ ƒui na alɛ anwula ku ebiti.

Yesaia 60:15

“Bekyuli békisi-mii na béni-mii uwi ɔni návi nsu ndubɔbla-a ɔma unengudi ɔni mɔɔdia bɔnu geen na bataakun lɛmɛnɛ na ƒula lɛlɔ úsela uwi ƒui.

Yesaia 64:10

Ƒula lɛma linengudi lɛni na áƒuna ése sɛsɛɛ ƒui línwini ketele kalɔ kakwiidi. Sion únwini kalɔ kakwiidi na Yerusalem ɔsɔ ɔɔɔdi kesii kani madia lɛla lɛdi bɔbla.

Yeremia 4:7

“Bekpone badi badubɔda babalɛ-mii lɛlɔ aani gyata ɔni nási ɔ́lɛ nwuna lɛtabi ubu kemmo na babakyula kadi bekyuli pii na ɔbwɛ bina lɛma na lɛsɔ liwi ukpludi.

Yeremia 22:6

“Binu kasusu kani na lɛ́bla. Yuda ɔga kesii kammɔ keekeye aani Gilead iye Lebanon abi kangya eli katɔ katɔ ƒui. Nsu mmɔ kadubo buwi aani ɔma ɔni na ukyuli ɔdi uuubo si uwi ɔni na lɛ́wɔlɔ lɛla lɛni na nnii mɔɔblaku-nwu.

Yeremia 44:2

“Ami ndi Unwoti Ɔyikune Ƒui, Israel Katɔti. Na bɛ́nu kalɛ na lɛ́yila Yerusalem udu ku lɛma lɛni nkya Yuda kalɔ lɛlɔ. Na ɔmwi ni, lɛma lɛmmɔ lɛ́bwɛ na liwi ukpludi,

Esekiel 6:6

Na Israel lɛma ƒui lɛdubo bɔbwɛ na lɛnu ka bana baƒiɔ bammɔ ku baƒiɔ lɛtɔ ku abi ammɔ ku ala avɔdi ku anwidi ammɔ ƒui áyii udu.

Daniel 8:13

Amu na Katɔti batu kedee bammɔ akɔ unwi úye nwuna ɔkpana ɔnini, “Limeyi lɛmani na kuƒi kɔdubɔsɔ kɔtɛ na bataabla limeyi ndi limeyi akpala ammɔ? Na kalɛ na kebweyi kamɛni káta kénye ayabi amɛni lɛlɔ kpakplaa na ɔɔda liƒu mɛni ni, uwi ɔmani na kadubɔda-ma lɛlɔ bɔkɔ taanya teesusu-ma lɛgba taakya lɛti akɔ bɔya?”

Mika 2:4

Si uwi ɔni na ala amɛni álɛ ni, bekyuli badubo-mii kenye bunye na batu kɔnyana ɔnu ɔmɛni basiku-mii lɛlɔ banini, ‘Bɔ́yii udu! Bɔ́yii udu kede kede! Unwoti ɔ́ƒɔ-bu kalɔ úte bula bekisine.’ ”

Mika 5:11

Na bina lɛma linengudi ku ɔma kɔgyumanakɔ kɔni na bɛ́tu ƒui ndubo-ku bubile.

Mika 6:13

Anwuɔsu na líse kalɔ mɔɔkyula-mii na bɛyii udu na bina ekpidi ɔsu.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Lɛkpa Ulu 28:62

Na ina ka bimomo aani katɔ ayabi kalɛ ni, bɛdubɔsa bɛbla blii suɛ, ɔsika bítenu bina Unwoti Katɔti litemi.

Lɛkpa Ulu 28:63

Kalɛ kani na ɔ́yɔ Unwoti kaƒɔ na ɔbla-mii lɛƒɔndia na bímomo bíbu ni, lɛni kani na ɔdubɔyɔ-nwu kaƒɔ ka ɔyila-mii udu na bina lɛma lɛbla kuliekɔ kukpludi. Na ɔda-mii udie kalɔ kani na nka bísela bitéti binwini bina kadikɔ na bilie mmɔ lɛlɔ.

Mika 7:13

Na ɔkɛnku ala ani na bábla-mii ɔsu ni, kɔlɔ kɔmɛni bekyuli badubo abi bubo na ɔgbankpi lidu lidu kemmo.