Yesaia 59:3 - Katɔti Ɔku Kedee

³ Bina ɔkɔ bɔnyi ku bekyuli bɔdu ku bekyuli lɛlɔ bɔta teenye ɔ́ya na bɛ́dɔli ku ekpidi ammɔ na Unwoti anumi.

Yesaia 59:3 Referans Kwoze

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Esekiel 13:8

“Anwuɔsu ndubo ɔkɔ kenye bediene bammɔ kɔtu bɔni, ɔsika baatɔ́lɔ Israel kadi bekyuli bammɔ ku ɔkɔ etemila.

Yeremia 2:34

Bɛ́du bekyuli bani nátabla-mii lɛla lɛdi kekeeke. Na ina ka bana ubugya ɔ́ƒɔ-mii adala lɛlɔ muedi ni,

Yeremia 2:30

Lɛ́du bina bebi líti lɛ́ni-mii kɔtu nsu bíni na bítenwini bítebo-mii kudɔ. Bina kuwii na amii alati bíti bɛ́du bina kenye bediene aani bagyata bani néti kɔnyi.

Yesaia 1:21

“Bɛnu kalɛ na Yerusalem ɔma ɔni kemmo na balawia ala basa basa balanu ɔƒɛni amu úbenwini aani ɔyalɛ ɔni kudɔ banana lidu lidu beeduo taalɛ. Ɔma ɔni kemmo na nka bátaadi mina etemila lɛlɔ ulu lɛlɔ ku ala bɔbla siin ni, ɔƒɛni amu bekyuli badune néyi-nwu kemmo tɛɛ.

Mika 7:2

Naaanu ukyuli ɔdi na ɔsiaku Katɔti kama siin. Na ɔdi lɛnɔ ulábla lɛla lɛbuni lɛdi. Ulikplu ku kalala kani nkya ukyuli biala na kalɛ na bebile bana bakpana ngba lɛlɔ kagyumana kani na ɔdi biala unye.

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Hosea 7:13

Bɔbuɛ muute-ma, ɔsika ala adubo-ma bukpoku na bayii udu aani bana lɛyuƒɔla ka béni-mi ɔsu. Nsu lɛ́yɔ ka nka lidie-ma.

Hosea 4:2

Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Esekiel 35:6

Anwuɔsu geen ni, muudie-mii bɔƒiɔ ka bɛ́du ukyuli na ɔlɛka badu amii lɛnɔ.

Esekiel 9:9

Amu na Unwoti údie kenye ɔnini, “Israel ku Yuda kadi bekyuli bábla ekpidi ani ndi ekisila geen. Na bekyuli badune béyii kalɔ kammɔ kemmo na Yerusalem alati ni, kalala kábɔ mmɔ geen na baakali ka lídie-ma atu ɔsu naaanu ala ani na baabla.

Esekiel 7:23

“Ala ƒui adubo buƒu na kalɔ kammɔ ƒui kemmo. Na bekyuli bɔdu ku kalala bɔbla bɔdubɔƒɔ Israel ƒui.

Yeremia 7:8

Nsu amii alati bɛnu lɛla lɛni mɔɔlɛ́ ɔƒɛni! Bíti bina kayi ƒui bɛ́sia ɔkɔ bɔnyi ku ala ani neeebo kɔsia kɔdi lɛlɔ.

Timoteo 1 4:2

Bekyuli bamɛni mɔɔtina ɔkɔ ala, na baabɛla ama alati bana likyulikpi, ɔsika bana kayi kaladu-ma kɔtɔ.

Mateo 27:4

Na ɔ́su-ma ɔnini, “Lɛ́bla likpidi ka lɛ́kya ukyuli ɔni nátaƒiɔ ɔmmɔ kakya nnii badu-nwu.” Na bédie kenye banini, “Ɔmɛni anwu ɔɔɔkɛ-bu. Ƒula litemi na lɛdi!”

Hosea 7:3

“Na bana ɔbladu ɔmɛni ɔdi bana benengu bammɔ ƒui lɛlɔyɔ.

Esekiel 22:2

“Esekiel, ɔyawine ubi, enye kagyumana ka esie atádu Yerusalemƒuɔ kɔtɔ? Bekyuli badune sɔɔn néyi ɔma ɔmmɔ kemmo, anwuɔsu tényimene-ma bana likyulikpi ala ani na baabla

Yeremia 22:17

Nsu awɔ ƒula kasusu kani ndi kalɛ na abla na anya bekyuli akya iye akɛ-ma lɛlɔ kɔsia kɔdi iye adu bekyuli bani na bátabla-a lɛla lɛdi.

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yesaia 6:5

Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”

Yesaia 9:15

Ɔma benengu ku batɔnkune ndi lili. Na ɔkɔ kenye bediene ndi lɛgba lɛmmɔ.

Yesaia 28:15

Bɛɛkun lɛmɛnɛ taasu bɛnini, “Abu ku kukpi bínyimi ka kɔsɔ kuládu-bu, na bɔsɔ buleduo kaƒiɔtɔ kemmo iye si lɛbibo ku kawɔlɔkɔ lɛbibo kpakplaa lɛmmɔ lídu ni, ɔdubɔvia-bu lili, ɔsika búti ɔkɔ bɔ́nyi búnwini katamikukɔ na búti katuala bɔ́bla kabɛkɔ.”

Yesaia 30:9

Báta bénye Unwoti lɛlɔ na bénwini kama bákya-nwu ku ɔkɔ ala bɔbla. Anwuɔsu baaadi bekyuli bani na muunú-nwu bɔlɛ.

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Yesaia 59:13

Bɔ́ta búnye-ɔ lɛlɔ na búni bɔnii bulasiaku-ɔ kama. Ɔkɔ etemila sɔɔn néyi-bu kayi kemmo anwuɔsu na ɔkɔ ɔmmɔ kani na bɔɔnyi na bɔɔnya bula bakpana taakya.

Agba 6:17

ɔnusɛ ukpidi ukyuli bɔnu, ku unyemi ɔni mɔɔnyi ɔkɔ, ku enu ani mɔɔta pla pla taadu bekyuli bani nátabla lɛla lɛdi,

Yeremia 9:2

Na si busie na ndubɔkana na lisie kalɔ kakwiidi lɛlɔ ntábɛ, na lɛlɛ bekyuli bekpidi bamɛni akɔ ɔkɔ banyine bani naaasiaku Katɔti kama siin kudɔ nka ndubɔyɔ.

Yeremia 9:7

“Anwuɔsu ndubo mina bekyuli kɔnyi bukpo na lɛƒɔ-ku lɛbla sɛɛn aani kalɛ na baakya sika ugyiedi ogya kemmo taaƒɔ-nwu na ɔɔbla sɛɛn. Nsɔ liiibo ulu bamba ɔdi lɛlɔ na ndubo bɔsia.

Mika 3:4

Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.