Yesaia 59:1 - Katɔti Ɔku Kedee

¹ Bitakali bɛnii Unwoti ɔyikun ɔ́sɔ na ulakana kɔnu bunene bɔƒɔ-mii iye atu éti-nwu na ulakana na wenu bina bɔkpali.

Yesaia 59:1 Referans Kwoze

Yeremia 32:17

“Unwoti Katɔti, awɔ nédie ƒula kɔnu kɔni na eeti taabla ɔyiku ala na édie katɔ ku kalɔ. Na aakana na aabla lɛla biala.

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Bumomo Bɔka 11:23

Amu na Unwoti údie Mose kenye ɔnini, “Si lídie kɔnu nnii mɔɔbla lɛla lɛdi ni, bɔsɔ na mina ɔyikun ɔ́sɔ? Adubo bɔnu si lɛla lɛni na lɛ́su lɛdubo-nwu kemmo lɛni iye lilebo.”

Yesaia 65:24

Ndubute-ma lɛla lɛni baawia asa na bakpali-mi muedi nsu si baakpali lɛnɔ ni, ndubunu lɛla lɛni na beevele-mi.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Mateo 13:15

Ɔsika bekyuli bamɛni balábu lili kemmo taanu. Na bétile atu na bébile bana anumi. Si ɔɔɔdi lɛni ni, nka bana anumi adubɔnu nwaa. Na bana atu lɛnɔ adubunu na benu kalɔ na benwini bebo ami Katɔti kudɔ na lɛbwi-ma!’

Ala Kalɔ Buse 18:14

Bɛɛkali bɛnii lɛla lɛdi libo ɔkplu litulo Unwoti ka ɔkana bɔbla? Ndubɔsɔ linwini libo-mii kudɔ na uwi ɔni námanku lɛlɔ na lɛkwa lɛni ndubo. Na Sara ɔdubɔwɔ ɔnanabi.”

Yesaia 58:9

Na si bɛ́kpali Unwoti ni, ɔdubɔtuna ute-mii kɔnakunwi ɔnini, ‘Bɛɛnu-mi nnye-mii kudɔ mɛni!’ “Bitabla bina bakpana kalala na bitanyi ɔkɔ na bɛdu-ma kɔtɔ iye bɛda litemi bɛsia-ma lɛlɔ lɛnɔ.

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Yesaia 63:1

Ɔma na ɔdi nási Bosra na Edom kalɛkɛ ɔdubo ku awu ugyiedi na mɔɔnu mɛni? Lɛlɔ ɔdine ɔmani nánya kalɔ ɔdubo ku ɔyikun ku adala ani muukeye lɛni? “Ami Unwoti na ɔdi! Lɛ́di lɛlɔ na kekpokɔ na ndubɔkana-mii bɔƒɔ!”

Yeremia 14:9

Bɔsu na ada anii aaagyi eeese asa na ɔgbankpi ɔmɛni ɔ́lɛku-bu? Munuu ukpone ɔni na bényimi-nwu enu na adi? Awɔ náƒuna-bu na ƒula kakpakɔ kakya-bu kudɔ mɛni, anwuɔsu teni-bu!

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Mika 2:7

Bɛɛbu bɛnii ɔmɛni ɔɔdia bunu si beeye banini, “Unwoti uuti kɔnyi na ɔbla ala amɛni udu, na uléwi lɛlɔ na ɔkɛ kayi?” Iye Unwoti uléte bekyuli bani mɔɔbla ala ulu lɛlɔ kusɛ kusɛ uwi ndi uwi?

Samuel 1 4:3

Ka bekpone bakladi bénwini bébo bana kakyakɔ ni, bana benengu bammɔ béye banini, “Bi ɔsu na Unwoti ɔ́ya na Ƒilistiƒuɔ bádi-bu lɛlɔ ɔmwi? Bɛya na butágyu Unwoti Bunyimi Adaka bɔsiku Silo buboku, na buti bɔdanku kekpokɔ mmɔ. Na ɔdubɔƒɔ ute-bu na bula bekisine ɔsu.”

Samuel 1 8:18

Ɔƒɛni limeyi lɛdubo lɛni na bɛdubo buwulo bɔkpali-mi bɛnii nƒɔ-mii nlɛku ɔga ɔni na amii alati bɛ́ƒuna bíte lɛlɔ mmɔ enu kemmo. Nsu lɛɛɛdubo-mii bɔkpete limeyi lɛmmɔ.”

Kɔgya 94:9

Unwoti ɔni námana ukyuli kɔtu na úte-nwu anumi ni, uunú na ɔɔnu kede kede.

Yesaia 50:1

Ɔmmɔ kama ni, Unwoti úye nwuna kadi bekyuli ɔnini, “Bi mɔɔtina ka lɛ́nyonu-mii aani kalɛ na ɔnana ɔɔnyonu ulekudi? Munuu bɛɛkali ka buti na líti-mii líye aani kalɛ beeti bebi teeye banii beténwini ukyuli ɔdi kabla bablane na kayu kadi kenye? Oowo, mmomu bina likyulikpi ku alaekpidi ɔsu na béƒie-mii bátɔlɔku bésienku kaƒɔ.