Yesaia 5:11 - Katɔti Ɔku Kedee

¹¹ Na amii bani mɔɔta ɔtanta tutuutu teelie ntɛ bɔni lɛlɔ teetédu usien lɛdiba ni, Unwoti uwi úudu ka ɔkyula-mii.

Yesaia 5:11 Referans Kwoze

Romaƒuɔ 13:13

Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.

Yesaia 5:22

Bɔbuɛ beete bani na ntɛ kanikɔ na badi bayikune na ama ntulo ƒui ka baasála-mu lidu lidu taani ɔsu.

Agba 20:1

Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Galatiƒuɔ 5:21

ku lɛnungyie ku ntɛ bukpi ku adikpi emeyi bɔdi ku ana udu. Na muubó-mii ɔda na ana lɛlɔ aani kalɛ na lɛ́ɛsu-mii ḿbavi ka bekyuli bani mɔɔbla ala ammɔ udu ni, baladi Katɔ Ɔga Ɔma ala!

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Habakuk 2:15

“Bɔbuɛ ute amii bani muute bina bakpana ntɛ bɛnii bani bekpi na bɛnu-ma kasɔngya.

Agba 23:32

Ɔsika kawɔlɔkɔ ni, bɔdubo-ɔ lɛlɔ bɔdu aani si kɔlakpi nádu-ɔ, na utulo kɔlakpi kɔni ugyulo kenye mbo ɔkplu geen!

Samuel 1 25:36

Uwi ɔni na Abigail ɔ́sɔ únwini útéduo kaduli ni, Nabal ku anwu badi belie baadi taani aani ɔga mɔɔdi limeyi. Na ɔ́ɔni-mu sɔsɔ na aatí ka bɔsia-nwu anumi. Anwuɔsu Abigail útasu-nwu lɛla lɛdi useyi uwi ɔmmɔ útédu ka kadi kégye.

Samuel 2 19:35

Lɛ́ɛƒɔ akwa liti ku avlaatɛ na nsɔ lɛɛɛgyi kayawi kammɔ emini iye kana ɔdu. Adila muedi nsɔ lɛɛɛdubo-nya emini adi bɔti. Atu lɛnɔ asɔ elenu-mi na menu lɛnu mini mini lɛni begblebi ku bakloƒu beedie. Na bi ɔsu na ami ƒula kabla ɔblane lɛsɔ mbenwini etila ku bɔnɔ lɛsia mina ati ku ɔga lɛlɔ?

Yesaia 22:13

Nsu bɛɛnu ka lɛlɔ mmomu mɔɔyɔ́-mii, na bɛɛtɔ́ taaƒia taadi limeyi, na bɛɛdú bebuo taakun na bɛɛdi na bɛɛní ntɛ! Na bɛɛsu bɛnini, “Bɛya bɔdi na bɔni, ɔsika kɔnaadi bɔdubo bukpi.”

Yesaia 24:9

Ntɛ kalɔ lɛnu lɛsɔ liiibo na beedie, ɔsika butudi bɔni na banine baakya lɛlɔ ogya bubo ɔdu butulo lɛla biala.

Yesaia 28:3

Na lɛlɔtina lɛka kagabwa kani na beti ni, bekyuli badubɔkɔ banya-ka lɛlɔ bavi.

Yesaia 56:12

Na bɔsu kani na bɛɛsu lɛlɔ bɛnini, “Bɛya na bɔni-mu na bukpi-mu! Na kɔnaadi lɛnɔ ɔsia-nwu lɛlɔ lɛni kani, na bɔkya lɛlɔ ebiti.”

Habakuk 2:5

“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala.