Yesaia 48:12 - Katɔti Ɔku Kedee

¹² “Israel, mina kadi bekyuli baƒunadi, bise atu na binu. Ami lɛti kani ndi Unwoti udeedi ku ukplodi.

Yesaia 48:12 Referans Kwoze

Yesaia 41:4

Ɔma mɔɔyá na ala amɛni aalɛ́ na ɔɔnu ana bɔlɛ lɛlɔ na kaba kaba bekyuli akɔ ɔ́si kalɔ kesekɔ útédu kawɔlɔkɔ? Ami Unwoti na ɔdi! Ami nli asa na lɛla biala lɛdubuse kalɔ na ndubo bulie na lɛla biala libo kawɔlɔkɔ.”

Budie Taatina 22:13

Ami ndi Alƒa ku Omega, Udeedi ku Ukplodi, Kalɔ Kesekɔ ku Kawɔlɔkɔ.

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Yesaia 44:6

“Ami ndi Unwoti Ɔyikune Ƒui, udeedi ku ukplodi, Israel Katɔti unwi ɔni kani nkya, na ndi bina Ɔga ɔni náƒɔ-mii ngba.

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yesaia 43:11

Ami lɛti kani ndi Unwoti ɔmmɔ, na ami ndubɔƒɔ-mii ngba.

Yesaia 49:1

Ukyuli biala use kɔtu na unu, amii ɔgyu kadi bamba bekyuli ƒui bani nkya ɛpu ɔvi. Unwoti ɔ́ƒuna-mi na ɔ́sia-mi lɛnyi asa na báwɔ-mi.

Yesaia 46:3

“Amii bani nébu na Israel kalɔ lɛlɔ binu ami Unwoti lɛdi. Ɔsika ɔ́si limeyi lɛni na báwɔ-mii kani na líse kalɔ mɔɔnu-mii lɛlɔ, na nda-mii mɔɔvínku.

Lɛkpa Ulu 32:39

“Bɛnu! Ami lɛti ndi Katɔti, na ɔdi ɔsɔ uuubo. Ami mbo ngba ku kukpi lɛlɔ ɔyikun. Na muudie lɛlɛ teeboku na mɔɔbwi-ni lɛnɔ. Na lɛla biala liiibo na linye litile lɛla lɛni mɔɔbla kenye.

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”

Budie Taatina 2:8

Na ɔ́su-mi ɔnini, “Nweni te Smirna baƒɔtaadine lɛkpa ɔtu anii, “Ami Yesu ndi Udeedi ku Ukplodi. Na líkpi, nsu lɛ́sɔ lɛ́ta líbo nli ngba. Na ami mɔɔsu kenye kamɛni.

Budie Taatina 1:11

Lɛdi lɛmmɔ lɛ́su lɛnini, “Nweni lɛla lɛni na ánu se na eti-ni esienku baƒɔtaadine akpa maatɛ na lɛma linengudi lɛdi kemmo. Ani ndi Eƒeso ku Smirna ku Pergamo ku Tiatira ku Sardi ku Ƒiladelƒia ku Laodikea.”

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Korintoƒuɔ 1 1:24

Nsu ni, bekyuli bani na Katɔti ɔ́ƒuna ɔ́lɛku bani ndi Yudaƒuɔ ku Helaƒuɔ akɔ ni, Kristo ɔni lɛlɔ litemi na bɔɔsu mɛni ɔdi Katɔti ɔyikun ku nwuna lɛnunda.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Romaƒuɔ 1:6

Na amii lɛnɔ ni, Katɔti ɔ́lɔ-mii ɔnii bibebunku Yesu Kristo badi bammɔ.

Mateo 20:16

Amu na Yesu ɔ́wɔlɔ ɔnini, “Lɛni geen na bekyuli bani ntɔ badubɔvi bakpɛ kama, na bani nkpɛ kama bavi batɔ.”

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Yesaia 51:4

Unwoti ɔnini, “Amii ndi mina kadi bekyuli, anwuɔsu binu-mi litemi. Na ala ani na mɔɔtina kadi ƒui bekyuli ɔdubɔya na mina ɔda bubo buti ala bɔbla ulu siin lɛlɔ uboku-ma na unwini bukeye ute-ma na bana keliela kemmo.

Yesaia 51:1

Si bɛɛyɔ́ ka bitaabla ala siin na biteenu Unwoti litemi ni, na bilie ngba na bɛlɛ lɛtakpɛ lɛni lɛlɔ na bámami-mii básiku.

Yesaia 34:1

Bɛlɛ bibo, amii kadi ƒui bekyuli, na amii bayawine ku kalɔ lɛlɔ ala ediedi ƒui, bɛni bide, na bise atu, na binu kenye kadi!

Agba 8:32

“Ɔmɛni ɔsu ni, mina bebi, binu-mi litemi, ɔsika lɛlɔ lɛdubɔyɔ bekyuli bani ƒui mɔɔsia-mi kasiakɔ.

Agba 7:24

Mina bebi, binu ala ani mɔɔsu-mii Na bise atu na ala ani mɔɔsu eduo-nya kemmo kaduɛ.

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Yesaia 43:10

Mina bekyuli, amii ndi mina kabla bablane ku litemi lɛmɛni kenye bediene. Na mɔɔwia ka bɛti-mi na biti bina kayi bɛsia-mi lɛlɔ na binu kalɔ ka ami lɛti ndi Katɔti. Ami kani nákya uwi ɔni návi na ami kani ndubo bɔkya uwi ɔni lɛnɔ mebo, ɔsika ɔdi ɔsɔ uuubo mina kalɛ.

Yesaia 46:4

Na ami ni, kalɛ nse lɛni kani na ndubo buse uwi ɔni na amii bɛ́ɛbi lɛlɔ na eli áƒuala-mii, na ami ndi ukyuli ɔni nda-mii mɔɔnu lɛlɔ. Ami nédie-mii na ami kani ndubo-mii lɛlɔ butaanu na lidie-mii na lɛda-mii kɔkɔɔkɔ.

Yesaia 44:1

“Israelƒuɔ, binu, ami náƒuna-mii aani mina kabla bablane.