Yesaia 48:1 - Katɔti Ɔku Kedee

¹ “Israelƒuɔ, Yakob ɔtɔ kemmo bebi na bɛdi na bɛ́si Yuda kɔdua. Bɛɛsu taatina bɛnii ami Unwoti Israel Katɔti na bɛɛbu, nsu ɔmmɔ ƒui ɔkɔ na ɔdi.

Yesaia 48:1 Referans Kwoze

Yeremia 4:2

Na bise kenye biala na mina lɛnyi kemmo! Na bɛdi lɛla lɛni kenye na bíse lɛnɔ lɛlɔ! Na kadi bekyuli ƒui badubo-mii buteemwi na lite-mii kusɛ kusɛ.

Kɔgya 68:26

Amii kasalakɔ kammɔ bekyuli ƒui, bimwi Katɔti. Na amii Yakobo kɔdua kemmo bebi ƒui, bimwi Unwoti lɛnyi!

Yeremia 5:2

Ukyuli biala nése kenye kadi na mina lɛnyi kemmo ni, uládi-ka lɛlɔ.”

Yesaia 65:16

Ami kani ndi Katɔti ɔni lɛlɔ na ukyuli ɔdubɔkana na ɔsia lɛnu. Ala ani na ékpoku-mii dii ƒui ávi ni, ami nsɔ neeeti-nya lɛlɔ kasusu. Si biivele kusɛ kusɛ teete ukyuli ɔdi iye biisé kenye kadi ni, bɛbla lɛla biala na mina lɛnyi kemmo. Ami lɛti kani ndi Katɔti ɔni kani na ukyuli ɔsia lɛnu.

Lɛkpa Ulu 6:13

Bɛyia bina Unwoti Katɔti ɔmmɔ na bɛkpa anwu lɛti. Na si biisé kenye kadi ni, bise-ka na anwu lɛti lɛnyi kemmo.

Ala Kalɔ Buse 32:28

Amu na ɔnana ɔmmɔ ɔ́su Yakob ɔnini, “Asɔ aladi lɛnyi anii Yakob. Mmomu bekyuli badubɔlɔ-ɔ banii Israel, ɔsika énye asiaku Unwoti Katɔti ku bekyuli na ádi lɛlɔ.”

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.

Budie Taatina 2:9

“Ngyi ka biibó abi na bɛɛyaki ala. Nsu geen ni, bibo ala ƒui. Ngyi enyekpi ani na bekyuli bani mɔɔlɔ lɛlɔ banii Yudaƒuɔ básu básiku-mii lɛlɔ. Nsu ni, baaasiaku Katɔti. Mmomu badi kasala kani ndi Satan badi.

Timoteo 1 4:2

Bekyuli bamɛni mɔɔtina ɔkɔ ala, na baabɛla ama alati bana likyulikpi, ɔsika bana kayi kaladu-ma kɔtɔ.

Romaƒuɔ 9:8

Na ɔmɛni ɔɔtina ka ni, ɔɔɔdi Abraham bebi bani ƒui na ɔ́wɔ ndi Katɔti bebi. Mmomu Katɔti bebi ndi bani mɔɔƒɔ́-nwu linyese lɛmmɔ taadi. Na ama na ɔɔnu aani Abraham bebi geen.

Romaƒuɔ 9:6

Ɔɔɔdi bɔsu na nda nnii Katɔti kenye kani na úse ni, útadi-ka lɛlɔ. Ɔsika ɔɔɔdi Yudaƒuɔ ƒui ndi bekyuli bani na Katɔti ɔ́ƒuna aani nwuna badi.

Romaƒuɔ 2:17

Na amii bani mɔɔsu bɛnii bɛdi Yudaƒuɔ ni, bíti lɛlɔ bíkpo Mose ɔda bubo lɛlɔ, na bɛɛkun lɛmɛnɛ ka bibo kɔna ku Katɔti.

Yohane 4:24

Ka Katɔti ɔdi Kɔyu ɔsu ni, ɔlɛka bekyuli bani nsiaku-nwu ƒui bakɔliku-nwu lɛnyi katɔ ku nwuna Kɔyu ɔyikun na litemi geen kemmo.”

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Seƒania 1:5

Na bani ƒui muulie bana lɛtɔ katɔ taakpali ayabi iye baakya lili kalɔ teete Milkom baƒiɔ, nsu baanyi ɔkɔ ka basiaku-mi kama siin ni, ndubo bana ƒui udu bɔyila.

Yesaia 62:8

Unwoti úse kenye kpakplaa ɔnini, “Nsɔ lɛɛɛdubo bina edula buti bute bina bekisine na badi. Na kadi bamba bekyuli basɔ baaadubo bina ntɛ bɔwɔdi bɔni lɛnɔ na bíbo abi bídie bɔni kudii.

Yesaia 58:2

Baakɔ́ taayu limeyi ndi limeyi banii ami na baasiaku. Na beekpóku lɛlɔ aani si mina litemi na baawia batɛya. Na baatina lɛlɔ aani kadi bani bekyuli mɔɔwia ka babla lɛbuni na baadi mina ɔda bubo lɛlɔ. Baawia ka lɛni lide-ma suɛlɛ suɛlɛ na lɛtɛ litemi na ulu lɛlɔ siin lite-ma, na baasu ka lɛlɔ lɛɛyɔ́-ma ka bataasiaku-mi.

Yesaia 45:23

Líse kenye kpakplaa kani na kalavumana kudii, na ukyuli biala ɔdubo lili kalɔ bɔkya bɔbu-mi.

Yesaia 44:5

Na badubɔkun lɛmɛnɛ na ɔdi ɔsu ɔnii, ‘Unwoti ɔdi na ndi.’ Na ɔbambadi ɔsu ka ‘Yakob kaba ubi na ndi.’ Na ɔbambadi unweni ɔsia nwuna kɔnu lɛlɔ ɔnii, ‘Unwoti mbo-mi.’ Na bana ƒui badubɔsu ka Israelƒuɔ na badi na Unwoti mbo-ma na ɔɔɔdi baƒiɔ.

Yesaia 26:13

O Unwoti bula Katɔti, benwoti bamba báadi-bu lɛlɔ na ƒula kama nsu awɔ ƒula lɛnyi kani na buudie kenye teemwi.

Agba 5:16

Bɔda na aada ƒula libiɔ ntu buni ese na buyi bɔgba butéwi lilu lɛlɔ? Na aya na ƒula ntukpa buni ntu bamamba bɔgba butéwi ɔma kemmo kadi ƒui kasakɔ?

Kɔgya 66:3

Bɛsu Katɔti bɛnini, “Ƒula ablala adi akɔla budie taatina. Na ƒula ɔyikun bonwu ɔni na ebo ɔsu ni, ƒula bekisine béboku lɛlɔ kalɔ béte-ɔ ku bɔyia.

Kɔgya 63:11

Nsu lɛlɔ lɛdubɔyɔ ɔga ɔni na Katɔti ɔ́ya na ɔ́di lɛlɔ. Na bani ƒui nése kenye ɔkɛnku Katɔti lɛnyi lɛlɔ ni, badubo-nwu lɛnyi bumwi. Nsu ɔkɔ banyine ama balakana kenye bubimi.

Baga 2 17:34

Na bekyuli bammɔ bamu basiaku bana kuuku ɔdi kama úbedu ɔmwi kadi. Na balakpa Unwoti na baládi nwuna ɔda bubo lɛlɔ, ɔda bubo bɔni na úti úte bana ati kuuku ɔni ndi Yakob ɔni na ɔ́sia lɛnyi ɔnii Israel ku nwuna kaba kemmo bekyuli lɛlɔ.

Lɛkpa Ulu 33:28

Anwuɔsu Yakob bawɔ, bilie na atu bɔyɔ kemmo. Na bilie kpli na kalɔ kani Unwoti úti uute-mii mmɔ kaduɛ. Kalɔ kani nélie lɛmwi na edula ku adingyii ani beeti taabla ntɛ adubɔdia-ka lɛlɔ. Na Unwoti ɔɔyá na amii aasí katɔ teebewi-ka ntu.

Lɛkpa Ulu 10:20

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Lɛkpa Ulu 5:28

Unwoti ɔ́su-mi ɔnini, “Línu lɛla lɛni na bekyuli bamɛni básu-ɔ. Na lɛla lɛmmɔ lɛdia.

Bumomo Bɔka 24:7

Bana kutubui kɔdubo buyi buteewiakun. Na bana egyiibi adubɔkɛ ntu kaduɛ. “Na bana ɔga ɔdubɔƒɔ kuye utulo Agag. Na bana lɛgadi lɛdubɔkɔ katɔ.

Lewiƒuɔ Ɔda Bubo 19:12

“ ‘Ɔdi utakpali-mi lɛnyi keeke na ubile ami bina Katɔti lɛnyi. Ami ndi Unwoti.

Israelƒuɔ Bɔlɛ 23:13

“Bɛsia anumi na bɛdi ɔda biala na líbo-mii lɛlɔ. Bitakpali baƒiɔ biala bitawia bana kebunku, na bitalɔ ɔdi lɛnyi muedi.

Ala Kalɔ Buse 35:10

Mmɔ na Unwoti Katɔti ɔ́su-nwu ɔnini, “Ƒula lɛnyi ndi Yakob, nsu bekyuli basɔ baaadubo-ɔ bɔlɔ banii Yakob, mmomu badubɔlɔ-ɔ banii Israel.” Anwuɔsu ɔ́sia-nwu lɛnyi ɔnii Israel.

Yesaia 46:12

Bise atu na binu, bina atu ebo ɔkplu geen, na kalɛ na bɛkana na bilie ƒaa ku atu bɔyɔ bɔ́gyunku-mii.

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Yeremia 44:26

Bɛdi bina linyese lɛmmɔ lɛlɔ! Nsu mɔɔyá na bɛti lɛla lɛni ndubo-mii bɔlɛku. Ka ami ndi Unwoti Katɔti ɔsu ni, líse kenye ka kenye biala kadi kasɔ keeebo na bɛdubuse na mina lɛnyi kemmo na menu mete-mii.

Sakaria 5:3

Amu na ɔ́su-mi ɔnini, “Kakunkɛ kamɛni muuwida ukyuli biala ɔni muuyú iye ɔɔnyi ɔkɔ taatɔlɔ bekyuli na kalɔ kamɛni lɛlɔ. Ala ani na bénweni básia kakɛ kenwi kaatɛmi taasiku kalɛ na badubo beyune udu bɔyila lɛlɔ. Na ala ani na bénweni básia kakɛ kakladi lɛlɔ ɔɔtɛmi taasiku kalɛ na badubo bekyuli bani mɔɔnyi ɔkɔ lɛnɔ udu bɔyila lɛlɔ.

Baga 2 5:20

Amu na Elisa kabla ɔblane ɔni baalɔ Gehasi ɔ́su lɛlɔ ɔnini, “Aa, mina ati ɔ́nyonu Naaman, Siriani ɔmɛni, na ɔ́tɔlɔ na útaƒɔ lɛla lɛdi. Na Unwoti ɔni nli ngba mɛni anumi ni, ndubukeli lɛsiaku-nwu kama na ntáƒɔ lɛla lɛdi lɛsiku-nwu kudɔ.”

Kɔgya 68:27

Na Benyamin kɔdua kɔni nse blii suɛ ntulo ƒui ntɔ-ma anumi. Na Yuda ku nwuna benengu basia. Na bani nsia ndi Sebulon ku Neƒtali benengu.

Yesaia 51:1

Si bɛɛyɔ́ ka bitaabla ala siin na biteenu Unwoti litemi ni, na bilie ngba na bɛlɛ lɛtakpɛ lɛni lɛlɔ na bámami-mii básiku.

Yesaia 51:2

Abraham ku Sara na Katɔti ɔ́ƒuna ka babla bina nana ati bene. Na Unwoti úte Abraham ɔmɛni kusɛ kusɛ na ɔkɛnku anwu ɔnana unwi pɛ ɔmmɔ lɛlɔ na kaba bekyuli lidu lidu báƒɔ kayawi.

Mika 2:7

Bɛɛbu bɛnii ɔmɛni ɔɔdia bunu si beeye banini, “Unwoti uuti kɔnyi na ɔbla ala amɛni udu, na uléwi lɛlɔ na ɔkɛ kayi?” Iye Unwoti uléte bekyuli bani mɔɔbla ala ulu lɛlɔ kusɛ kusɛ uwi ndi uwi?