Yesaia 44:1 - Katɔti Ɔku Kedee

¹ “Israelƒuɔ, binu, ami náƒuna-mii aani mina kabla bablane.

Yesaia 44:1 Referans Kwoze

Yesaia 41:8

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Yeremia 4:7

“Bekpone badi badubɔda babalɛ-mii lɛlɔ aani gyata ɔni nási ɔ́lɛ nwuna lɛtabi ubu kemmo na babakyula kadi bekyuli pii na ɔbwɛ bina lɛma na lɛsɔ liwi ukpludi.

Kɔgya 105:6

Nwuna kabla ɔblane Abraham kaba bebi na bɛdi. Na bɛdi-nwu bekyuli baƒunadi bani ndi Yakob bebi.

Luka 13:34

“Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yesaia 43:1

Unwoti ɔnini, “Ami nédie amii Yakob kaba kemmo bebi na lɛ́bla-mii na bɛdi Israel kadi. Bɛda bɔyia bɛya, ɔsika ami nédie-mii. Lɛ́sia-mii lɛnyi lɛni na mɔɔlɔ-mii na ɔƒaani bɛdi mina badi.

Yesaia 42:23

Bi ɔsu na bekyuli bamɛni balatɛya kalɛ beenú litemi?

Ala Kalɔ Buse 17:7

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

Kɔgya 136:22

Ɔdi kese ute Israel, nwuna kabla ɔblane. Ɔsika ɔɔyɔ́-bu uwi ndi uwi.

Yesaia 14:1

Unwoti ɔdubo Israelƒuɔ kɔnyana bɔnu, na ɔsɔ ɔƒuna-ma, na ɔsɔku-ma utésie bana keliekɔ na bana kalɔ lɛlɔ. Baƒɔ badubɔsalaku-ma na bablaku Israelƒuɔ unwi.

Yesaia 41:9

Lɛ́kpanku-mii lɛ́siku kalɔ ɔgyu na kana kɔkunɔ ƒui líboku mɛni na lɛ́su-mii nnini, ‘Amii ndi mina kabla bablane baƒunadi na ńteni-mii.’

Yesaia 44:21

O Israel kadi bekyuli, bitaakali ala amɛni taanu, ɔsika mina kabla bablane na bɛdi, na budie na lídie-mii nnii bitaabla mina kabla. Anwuɔsu lɛɛɛdubo-mii bɔyiƒala kudii.

Yesaia 45:4

Kores, ina ka aaagyi-mi ni, lɛ́kpali-ɔ ku lɛnyi lɛni na lɛ́sia-a na líti ɔbu líte-ɔ geen na mina kadi bekyuli Israelƒuɔ bani na lɛ́ƒuna na badi mina kabla bablane ɔsu.

Yesaia 48:12

“Israel, mina kadi bekyuli baƒunadi, bise atu na binu. Ami lɛti kani ndi Unwoti udeedi ku ukplodi.