Yesaia 43:3 - Katɔti Ɔku Kedee

³ Ami ndi bina Unwoti Israel Katɔti Kedee ɔni mɔɔƒɔ́-mii ngba. Na kalɛ na amii bɛkɛ bɔnwuna ɔsu ni, lídie Egyipte ku Kus ku Seeba kadi bekyuli ƒui atu.

Yesaia 43:3 Referans Kwoze

Yesaia 60:16

Na adubɔkpala kadi bamba ku bana baga akɛla asiku-ma kudɔ ƒui kede kede na bɛnu bɛti ka ami Unwoti Israel Katɔti nédie-mii na lɛ́ƒɔ-mii ngba.

Yesaia 45:15

Awɔ ɔni mɔɔƒɔ́ Israelƒuɔ ngba ni, sɔsɔ na ɔdi ka adi Katɔti ɔni mɔɔbɛla lɛlɔ.

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Yesaia 49:26

Na ɔdubɔya na bekyuli bekpidi bammɔ bakun ama alati bana ɔlɔna aani lɛna na bani bana ubugya bekpi aani kalɛ na baaní ntɛ teekpi. “Na ukyuli biala ɔdubɔnu ɔti ka ami ndi Unwoti Israel Katɔti Ɔyikune Ƒui ɔni mɔɔƒɔ́-mii ngba na ɔɔyá na bɛɛkɛ́ bɔnwuna.”

Agba 21:18

Uwi ɔdi ɔkya na baaní balalane kɔtu kalɛ na bekyuli bani mɔɔyia Unwoti banwuna. Lɛni kani baabla belikplune na bekyuli bani nse siin ɔsu.

Yesaia 45:21

Bɛta na bɔsa na litemi katɛkɔ, munuu ńtasu-mii ɔ́si kukuuku lɛla lɛni ndubo libalɛ? Ami lɛti kani ndi Katɔti ɔmmɔ! Na ɔdi ɔsɔ uuubunku-mi. Ami kani mɔɔƒɔ́ bekyuli ngba na ami kani mɔɔbla ala ulu siin lɛlɔ.

Yuda 1:25

Anwu ɔmmɔ ndi Katɔti unwi pɛ ɔni náƒɔ-bu ngba ɔkɛ Blɔti Yesu Kristo lɛlɔ. Anwu na buumwi, ɔsika anwu mɔɔdi lɛga na ɔɔdi ala ƒui lɛlɔ ku ɔyikun ɔ́si kukuuku ku uwi ɔmɛni kemmo ku ɔni mebo lɛnɔ kemmo. Ɔsia lɛni.

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

Yesaia 30:11

Na bɛda-bu bɛnyonu na bɛwia kasiakɔ. Ɔsika bɔsɔ buláwia ka bunu lɛla lɛdi bɔsiku Israel Katɔti Kedee ɔmmɔ lɛlɔ lɛnɔ!”

Agba 11:8

Unwoti uudie bekyuli babuni na ɔgbankpi kemmo. Na balalane ama uunye taanu na beesié taatátua ɔgbankpi ɔmmɔ.

Yesaia 41:14

Amii Israel kadi bekyuli, bɛda lɛlɔ bukpoku bɛya ina bekyuli baanu-mii aani liklubi iye biiimomo na bɛɛɛdi lɛla lɛdi. Amii ndi Israel Katɔti kedee ɔni mɔɔgyumana-mii na mɔɔƒɔ́-mii ngba.

Yesaia 20:3

Amu na Unwoti ɔ́sɔ ɔ́su ɔnini, “Kalɛ na mina kabla ɔblane Yesaia úsie ɔ́vi akwa atɛ na ɔɔɔda lɛla lɛdi na ɔɔɔkya lɛgbanvuo lɛnɔ úti ɔ́tina lɛla lɛni ndubo bɔlɛku Egyipte ku Kus lɛlɔ ni,

Israelƒuɔ Bɔlɛ 10:7

Na Ƒarao benengu bammɔ básu-nwu banini, “Bi ɔsu na ɔlɛka bɔya na ɔnana ɔmɛni uteekpoku-bu lɛni? Bɛya bute Israelƒuɔ bamɛni kuƒi na batɔlɔ, na beteesie batákpa bana Unwoti Katɔti. Aanu taati ka Egyipte kalɔ ƒui kadaku udu bɔyii na ama ɔsu?”

Ala Kalɔ Buse 10:7

Na Kus bebi bani na ɔ́wɔ ndi Seba ku Hawila ku Sabta ku Raama ku Sabteka. Na Raama bebi bani na ɔ́wɔ ndi Saba ku Dedan.

Lewiƒuɔ Ɔda Bubo 11:44

Ami ndi bina Unwoti Katɔti. Bidie lɛlɔ bise sɛsɛɛ na bɛbla lɛlɔ kedee ɔsika nse Kedee. Na bitabla na bina lɛlɔ liteese lɛlɔ ɔkɛnku kubweyi kɔni mɔɔkpɛ́ kalɔ mɛni ɔsu.

Kɔgya 72:10

Tarsis ɔga ku ntuntɛ kɔlɔ baga ƒui bataaƒɔ lɛlɔ bɔdi kayu teete ƒula ɔga. Na Sieba ku Seba baga lɛnɔ beti etela beboku ɔga ɔmmɔ.

Yesaia 19:20

Likposela lɛmɛni muudie kenye ka Unwoti Katɔti ɔdubo butaanu na Egyipte kalɔ kammɔ lɛlɔ na si báva bákpali-nwu na bekisine bukpoku ɔsu ni, na Katɔti uti ɔƒɔne ɔdi umene-ma na ubebunku-ma na bakɛ bɔƒɔ.

Yesaia 42:8

“Ami ndi Unwoti na lɛɛɛdubo bunye bɔnu na baƒiɔ iye ukyuli ɔyawine ɔdi ɔta unye ɔnii ami ku-nwu buule mina bukeye ku bumwi bɔni na ɔlɛka bekyuli beti bete-mi.

Yesaia 43:11

Ami lɛti kani ndi Unwoti ɔmmɔ, na ami ndubɔƒɔ-mii ngba.

Yesaia 45:14

“Egyipteƒuɔ ku Kusƒuɔ ku Sebaƒuɔ bani nákuku kangya kangya mmɔ akɛla adubunwini amii adi. Na badubunwini bina kabla bablane na bibo-ma kɔgba bɛda bitaavinku na basiaku-mii kama. Badubɔkya lili kalɔ bete-mii na bevele-mii basu banini, ‘Sɔsɔ na ɔdi ka Katɔti ɔsiaku-mii na anwu lɛti lɛnɔ ndi Katɔti ɔmmɔ.’ ”

Yesaia 63:8

Anwu nédie-ma ɔ́lɛku bana bubie kemmo na ɔ́su ɔnini, “Ami mbo-ma na baaadubo-mi kama bɔlɛ.”

Yeremia 14:8

Awɔ kani ndi bula lɛnunsia na awɔ kani ndubɔkana na aƒɔ-bu ngba ɔƒɛni. Ébunku-bu uwi ɔdi na uwi bamba áda-bu ése.

Yeremia 16:21

Mmɔ na Unwoti údie kenye ɔnini, “Ɔmmɔ ɔsu geen na ndubo-ma lɛnunda bɔtina na banu kalɛ na mbo ɔyikun. Na badubɔnu bati ka sɔsɔ ni, ami ndi Katɔti geen ɔmmɔ.”

Esekiel 39:7

“ ‘Mina kadi bekyuli badubo-mi bɔti na basɔ balakya-mi lɛnyi kɔƒa. Na badubɔti ka ami ndi Israelƒuɔ Ukyuli Kedee.

Amos 9:7

“Israelƒuɔ, ami ndi Unwoti Katɔti, na buse na Kusiƒuɔ bese bete-mi aani bina kalɛ. Ɔsika kalɛ na lɛ́kpanku-mii lɛ́siku Egyipte kalɔ lɛlɔ ni, lɛni kani na lɛ́kpanku Ƒilistiƒuɔ lɛ́siku Kaƒtor. Na lɛ́kpanku Siriaƒuɔ lɛ́siku Kir.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.