Yesaia 42:1 - Katɔti Ɔku Kedee

¹ Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Yesaia 42:1 Referans Kwoze

Luka 3:22

Na Katɔti Kɔyu kɔ́yu kúbo kúbelie-nwu lɛlɔ aani abloduma kalɛ. Amu na bénu Katɔti lɛdi ka lɛ́si katɔ lɛnini, “Awɔ ndi mina Ubi Ɔyɔne. Aaƒɔ́-mi anu geen.”

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 52:13

Unwoti ɔ́su ɔnini, “Mina kabla ɔblane ɔdubo lɛlɔ bɔdi! Na bekyuli badubo-nwu bumwi ku ɔbu unengudi ƒui.

Ƒilipiƒuɔ 2:7

Mmomu ɔ́bla lɛlɔ aani si ɔɔɔdi lɛla biala. Ɔ́bla lɛlɔ aani ukyuli ɔni mɔɔbla ukyuli bamba kabla. Ɔsika úbo aani ukyuli ɔyawine kalɛ.

Yesaia 43:10

Mina bekyuli, amii ndi mina kabla bablane ku litemi lɛmɛni kenye bediene. Na mɔɔwia ka bɛti-mi na biti bina kayi bɛsia-mi lɛlɔ na binu kalɔ ka ami lɛti ndi Katɔti. Ami kani nákya uwi ɔni návi na ami kani ndubo bɔkya uwi ɔni lɛnɔ mebo, ɔsika ɔdi ɔsɔ uuubo mina kalɛ.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Petro 1 2:4

Bibo Blɔti kudɔ. Anwu ndi lɛtabi lɛni mbo ngba, nsu batune béni-ni. Na anwu na Katɔti ɔ́ƒuna na ɔ́ƒɔ-nwu kuye geen.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Yesaia 41:8

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Yesaia 59:21

“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.

Petro 1 2:6

Ɔsika Bunweni Kedee Ɔku ɔ́su ɔnini, “Binu! Lɛ́ƒuna lɛtabi lɛni náƒɔ kuye, na líti mɔɔbala Sion kowodu likpo. Na ukyuli biala ɔni maƒɔ-nwu madi ni, kɔƒa kulékpo-nwu kudii.”

Batalane Kabla 28:28

Amu na Paulo ɔ́wɔlɔ-ma bɔtɛmiku ɔnini, “Ɔlɛka lɛsu-mii na bɛti ka ni, bekyuli bɔƒɔ litemi lɛmɛni ni, béeti-ni béselaku bani naaadi Yudaƒuɔ. Na ama ni, badubɔƒɔ-ni!”

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Luka 9:35

Amu na bénu Katɔti lɛdi na ɔmmɔ kemmo ka lɛɛsu lɛnini, “Ɔmɛni ndi mina Ubi Ɔƒunadi. Binu-nwu litemi!”

Sakaria 3:8

“Ɔkpane Unengudi Yosua, se kɔtu kaduɛ na enu ku amii bakpane bamba ƒui lɛnɔ. Amii ndi likposela lɛni nnye ala ani ndubo abalɛ uwi ɔni mebo kenye ɔƒaani. Ɔsika ndubɔsɔku mina kabla ɔblane, Ɔga Ɔƒunadi ɔmmɔ, ɔni baalɔ banii kugyii kagba liboku.

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Yohane 16:32

Uwi ɔdubo, na úudu lɛnɔ ɔni na bɛdubo bugyingya bɛtɔlɔ-mi kudɔ, na ɔdi biala uteesie nwuna kaduli na bɛda ami lɛti binyene. Nsu geen ni, ɔɔɔdi ami lɛti nnye. Ɔsika mina Ɔti unye-mi kudɔ.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Yesaia 32:16

Na litemi lɛlɔ bɔdi ku ala bɔbla ulu lɛlɔ siin ndubɔkya mmɔ.

Luka 4:18

“Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Luka 4:19

Na lɛya bati ka Katɔti uwi ɔni na weti waƒɔ nwuna bekyuli údu.”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Yesaia 41:9

Lɛ́kpanku-mii lɛ́siku kalɔ ɔgyu na kana kɔkunɔ ƒui líboku mɛni na lɛ́su-mii nnini, ‘Amii ndi mina kabla bablane baƒunadi na ńteni-mii.’

Yesaia 42:2

Ulakyaku ukyuli ɔdi unyeƒi iye bɔva. Na ɔdi ulénu-nwu lɛdi na kuyeya ulu lɛlɔ.

Hagai 2:23

Na Kadi Ƒui Unwoti ɔnini, ‘Na limeyi lɛmmɔ lɛlɔ ni, ndubuti awɔ Serubabel, mina kabla ɔblane Sieltel ubidi ɔnanabi, lɛbla aani ɔgagyii, ɔsika awɔ na lɛ́ƒuna.’ Lɛni na Unwoti ɔ́su.”

Kɔgya 72:4

Na unye kpakplaa ute bawabane na ubunku bani mɔɔyaki ala na ɔyila bani mɔɔnya bekyuli taakya ulikplu kemmo udu!

Kɔgya 89:4

‘Ndubɔnu ka ƒula kaba kemmo ubi mɔɔdi lɛga uwi ndi uwi. Na lɛgadi lɛmmɔ lilása mmɔ kudii.’ ”

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Yesaia 63:1

Ɔma na ɔdi nási Bosra na Edom kalɛkɛ ɔdubo ku awu ugyiedi na mɔɔnu mɛni? Lɛlɔ ɔdine ɔmani nánya kalɔ ɔdubo ku ɔyikun ku adala ani muukeye lɛni? “Ami Unwoti na ɔdi! Lɛ́di lɛlɔ na kekpokɔ na ndubɔkana-mii bɔƒɔ!”