Yesaia 4:5 - Katɔti Ɔku Kedee

⁵ Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

Yesaia 4:5 Referans Kwoze

Nehemia 9:12

Na si ƒula bekyuli bakɛ ɔƒiiwi ni, eeti liƒlukutu teetile ɔƒɛ. Na si bákɛ usien aayá na lɛgyavonku bonwu liite-ma bukeye na ɔɔtina-ma ulu.

Kɔgya 78:14

Kadi nwaa ni, ɔ́ya na ulɔyɔ lisu bonwu lɛ́tɔnku-ma. Na usien ni, ogya unyemi bukeye bonwu bɔdi nátɔnku-ma.

Yesaia 60:1

“Yerusalem kadi bekyuli, bɛta na bikeye! Ɔsika Unwoti bukeye bɔ́tu aani ɔƒɛ na buuwi-mii lɛlɔ.

Yesaia 46:13

Ndubo mbaƒɔ-mii, na uwi ɔsɔ uletu. Ńtagyunku-mii, ɔsu lɛɛɛdubo uwi ɔdi bubile. Ndubo Yerusalem budie na mina lɛnyi likeye na Israel.”

Yesaia 33:20

Bɛkɔliku anumi bɛnu Sion Kɔbi kesii kani na bɔɔdi bula emeyi buni. Bɛdubɔnu kalɛ na Yerusalem unye kalɔ kpi aani kevo kani na bédi kpakplaa na nwuna kɔbuli kpakplaa kɔda ewele na alɛ kalɔ na lɛla lɛdi lilakana-ka bɔgyu.

Kɔgya 85:9

Geen ni, unye ka ɔƒɔ bekyuli bani ƒui mɔɔkpá-nwu kalɛ na ukeye na bula akɔ na kalɔ lɛlɔ mɛni.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Kɔgya 89:7

Adi Katɔti ɔni na kayaa bayikune kede bammɔ ƒui baayia uwi ɔni na bɛ́sa. Ɔsika ébomo na ebo ɔyikun étulo bani náka bámana-a.

Israelƒuɔ Bɔlɛ 14:24

Na asa kadi keteegye ni, Unwoti ɔ́nu Egyipteƒuɔ bekpone bamɛni úmene ɔ́siku nwuna lɛgyavonku ku liƒlukutu bonwu lɛmmɔ kemmo na ɔ́ya na béƒu bábla susuusu.

Yesaia 37:35

“ ‘Na ndubɔgyumana na likpo lɛƒɔ ɔma ɔmmɔ, na mina lɛnyi ku mina kabla ɔblane Dawid ɔsu.’ ”

Yesaia 32:18

Amii Unwoti bekyuli bɛdubulie kpoo ku keyi buɛɛ na atu ayɔ-mii na bina kɔkyakɔ ƒui.

Kɔgya 111:1

Bɛya na bumwi Unwoti. Amii kadi ƒui bekyuli, bimwi Unwoti lɛnyi. Ami ndubɔgya-nwu enu lɛsiku mina kayi kemmo ƒui na kesii kani na nwuna bekyuli bása beli.

Israelƒuɔ Bɔlɛ 26:7

“Ti bese linwini bla aduni leevu-unwi na eti ebi kevo kammɔ eli.

Israelƒuɔ Bɔlɛ 26:1

“Biti aduni abuni kpɛtɛ kpɛtɛ ani náƒɔ kuye geen na bámii-nya ku kɔbuli buluu ku kugyiedi kɔni náƒɔ kuye na ukyuli ɔni ngyi budi geen údi Kerub bebweyi ɔ́kya-nya kemmo na biti bɛbla Adi Kevo kammɔ.

Mateo 18:20

Ɔsika kesii kani na nkyuli inyɔ iye ɛtɛ bása na mina lɛnyi kemmo ni, ami lɛnɔ nkya-ma akɔ.”

Israelƒuɔ Bɔlɛ 24:16

Na Unwoti bukeye bonwu búbaƒɔ Sinai kɔbi kɔmmɔ lɛlɔ. Na emeyi aku sɔɔn na liƒlukutu lɛmmɔ lɛ́kya kɔbi kɔmmɔ lɛlɔ mmɔ. Na limeyi maatɛdi ni, Unwoti ɔ́kpali Mose ɔ́siku liƒlukutu lɛmmɔ kemmo.

Kɔgya 105:39

Katɔti ɔ́ya ulɔyɔ liƒlukutu bonwu lɛdi lɛ́ka lɛ́mana-ma ka bakɛ. Na ogya bonwu ɔdi lɛnɔ ɔɔda usien na anwu na baanu teesie.

Yesaia 60:2

Kalɔ lɛlɔ ƒui ku kana kadi bekyuli ƒui báƒɔ lɛlɔ bakya lɛdisa kemmo, nsu amii ni, Unwoti úbo-mii kudɔ, na nwuna bukeye búbewi-mii lɛlɔ.