Yesaia 4:2 - Katɔti Ɔku Kedee

² Nsu na uwi ɔni mebo kemmo ni, bekyuli bani na Unwoti ɔdubɔya na balɛ sɛɛn babla aani kugyii kagba kawɔdi kani mɔɔdia bɔnu na keekeye na kana ebi ndubɔya na Israelƒuɔ bani nébu mmɔ baƒɔ lɛnyi na beteekeye.

Yesaia 4:2 Referans Kwoze

Sakaria 6:12

Na asu-nwu ka ami Unwoti Ɔyikune Ƒui násu nnii, ‘Ukyuli ɔdi ɔdubɔkɔ ɔlɛ mɛni aani kugyii kagba kalɛ na ɔtu mina kakpakɔ ute-mi. Na ndubɔlɔ-nwu nnii Kugyii Kagba na anwu ndubo bekyuli lɛlɔ bɔdi aani ɔga ɔni mbo ɔbu kalɛ. Na ɔkpane ɔdi ɔdubunye-nwu kɔmadɔ na nwuna lɛgaboku kudɔ. Na bana inyɔ badubɔbla kabla basala ku ebiti ku keyi buɛɛ.’

Yeremia 23:5

Na limeyi lɛdi ni, ndubɔƒuna ɔga ɔni mɔɔsu litemi geen lɛsiku Dawid kaduli. Na ɔdubɔbla ɔga ɔni náda anu na ɔdubɔdi bekyuli lɛlɔ na ɔtɛ litemi na ulu siin ɔmmɔ lɛlɔ.

Sakaria 3:8

“Ɔkpane Unengudi Yosua, se kɔtu kaduɛ na enu ku amii bakpane bamba ƒui lɛnɔ. Amii ndi likposela lɛni nnye ala ani ndubo abalɛ uwi ɔni mebo kenye ɔƒaani. Ɔsika ndubɔsɔku mina kabla ɔblane, Ɔga Ɔƒunadi ɔmmɔ, ɔni baalɔ banii kugyii kagba liboku.

Yesaia 27:6

Uwi ɔdubo ɔni mina kadi bekyuli badubo ligyiitu budie na Israel kadi bamɛni badubo bɔta na bedie evete na banwu ebi pii beyile kayawi.

Yoel 2:32

Uwi ɔmmɔ kemmo ni, ukyuli biala ɔni makpali Blɔti na wevele-nwu kɔnyana bɔnu ni, ɔdubɔkɛ ngba. Unwoti úse kenye úse ka badi badubo bubu bulie ngba na Sion ku Yerusalem na nwuna bekyuli baƒunadi badubɔkya-ma akɔ.”

Yeremia 33:15

Líse kenye ka ndubɔƒuna ɔga ɔdi lɛsiku Dawid ɔtɔ kemmo si uwi ɔdi úbedu. Na ɔga ɔmmɔ ɔdubɔsu litemi geen na ɔdi bekyuli lɛlɔ na ɔtɛ litemi ulu siin lɛlɔ.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Obadia 1:17

Na Unwoti bekyuli bani ndubɔlɛ ɔgbankpi ɔmmɔ kemmo badubulie Sion Kɔbi kedee lɛlɔ. Na Yakob kaba kemmo bebi bammɔ badubɔsɔ baƒɔ bana kalɔ kani na nka kadi bana ɔdi mmɔ basiku bekyuli bani néƒie-ka báƒɔ mmɔ kudɔ.

Yeremia 44:14

Bina ɔdi ɔɔɔdubo bubu bulie ngba. Bɛdubɔbla kasusu ka bɛdubɔsɔ binwini bisie Yuda kalɔ limeyi lɛdi, nsu bina ɛlɛɛ bani ndubo kukpi bukeli kani ndubɔkana na benwini besie mmɔ.”

Yesaia 60:21

Bina kadi bekyuli badubulie siin na kalɔ kammɔ kabla bana ɔdi. Bese aani egyii ani na lɛ́lɛ na áta kalɛ na bedie mina bukeye keyi.

Yesaia 53:2

Unwoti kabla ɔblane ɔmɛni ɔɔlɛ́ lili na Unwoti anumi aani kugyii kebi kani nákwɛ na keedie evete iye kugyii ugyitu ɔni muutulo taalɛ kalɔ kakwiidi kemmo. Na ɔɔɔdi ɔga ɔni mɔɔdia bekyuli bɔnu. Nwuna lɛla lɛdi liiise ɔni basu banii ani mɔɔda bekyuli kayi.

Kɔgya 72:16

Ya na kalɔ kammɔ kadia edula pii. Na edula ammɔ aƒɔ abi lɛlɔ. Na adingyii ammɔ alɛ lili abla aani Lebanon lɛku egyii. Na bekyuli bemomo na lɛma linengudi lɛmmɔ kemmo aani kalɛ na livo lɛɛƒɔ́ kemo.

Petro 2 1:16

Ɔɔɔdi kɔtɛ keeke na bɔ́nwi búti bɔ́tina-mii ka Blɔti Yesu Kristo ɔsɔ ɔdububo na ɔyikun kemmo. Bɔgyi lɛla lɛni na bɔ́su-mii. Ɔsika abu alati bɔ́nu-nwu ku bula anumi kalɛ na use kedee na ɔdi Ɔga.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Mateo 24:22

Nsu ni, Katɔti ɔ́ɔƒana emeyi ammɔ. Si ɔɔɔdi lɛni ni, ukyuli ɔdi ɔsɔ uuubo ngba. Nsu bekyuli bani na Katɔti ɔ́ƒuna úse ɔsu na ɔdubɔƒana emeyi ammɔ.

Sakaria 9:17

Na badubɔdia bɔnu geen. Na bakloƒu ku begblebi badubɔlɛ lili na mmɔ aani kalɛ na kamu kaalɛ teenye kemo iye egyiibi ani nánwu asia na adingyii kemo.

Yoel 3:18

“Na limeyi lɛmmɔ lɛlɔ ni, adingyii ani nánwu ebi kaduɛ adubɔƒɔ kɔbi kɔmmɔ lɛlɔ ƒui. Na bina bebuo badubɔƒɔ abi ammɔ lɛlɔ na bakɛ badi na bete-mii bebuo anyi ntu pii. Na ntukpa bɔni nkya Yuda kalɔ lɛlɔ mmɔ ƒui bɔdi bɔsɔ bulakwii kudii. Na ketu kadi kadubɔlɛ kasi Unwoti kaduli mmɔ na kagba kavi Sitim Ɔkwalɛ.

Esekiel 7:16

Na bani na ndubo bubu bulie ngba lɛnɔ badubo bukeli busie abi lɛlɔ aani babloduma bani mɔɔtɔlɔ kɔwɛ kemmo taatáwia kabɛkɔ kesii kani na bakɛ bɔƒɔ. “Na bina ƒui bɛdubo kɔnyana buwulo na bina ekpidi ɔsu.

Yeremia 44:28

Bina ɛlɛɛ kani ndubɔlɛ ɔgbankpi ɔmɛni kemmo na basɔ benwini besie Yuda kalɔ lɛlɔ. Ɔmɛni ɔdubɔya na amii bani ƒui nésie Egyipte kalɔ lɛlɔ bɛti ka si ami lɛ́su nnii lɛla lɛdi lɛdubo bɔlɛ ni, ɔ́bla bi ɔ́bla dɛ ni, lɛla lɛmmɔ lɛdubɔlɛ lɛni kani. Ina bi na amii bɛ́su.

Yesaia 45:8

“Ndubɔya na ala bɔbla siin bɔsi katɔ na liƒlukutu kemmo bubo aani kalɛ na ɔnantu ɔɔna. Na ngba bɔƒɔ ku ala bɔbla siin bɔkwɛ aani livo na bɔƒɔ kalɔ kammɔ lɛlɔ ƒui kalɛ na ami Unwoti lídie-ka nnii use kalɛ.

Yesaia 30:23

Na ɔdubɔya na ɔnantu ɔna uwi ɔbuni lɛlɔ na bina edula ani na bɛ́va adia na emomo geen. Na bina bebuo lɛnɔ bakɛ kadikɔ kabuni na kalɔ ƒiaa lɛlɔ.

Yesaia 11:4

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Kɔgya 67:6

Na kalɔ kete kuƒi na bekyuli báƒɛ edula geen. Unwoti ɔni ndi bula Katɔti ndubute-bu kusɛ kusɛ lɛni.

Israelƒuɔ Bɔlɛ 28:2

Na aka awu gyɔlɔɔ ɔni mɔɔdia bɔnu na ɔ́manku ɔkpane ete ƒ'ɔnwani Aaron.

Yesaia 26:1

1Na limeyi lɛmmɔ lɛlɔ ni, badubɔtu kɔgya kɔmɛni na Yuda badubɔtu ɔnu bedie banini, “Ɔƒɛni amu bɔ́kɛ kagyumanakɔ ɔma unengudi kpakplaa. Na Katɔti ɔ́ya na awodu ku awodu akpa ani náka ámana-nwu adi ngba bɔƒɔ.

Yesaia 60:15

“Bekyuli békisi-mii na béni-mii uwi ɔni návi nsu ndubɔbla-a ɔma unengudi ɔni mɔɔdia bɔnu geen na bataakun lɛmɛnɛ na ƒula lɛlɔ úsela uwi ƒui.

Yesaia 61:11

Kalɛ na edula ebi aakwɛ́ taalɛ kalɔ kemmo na aalɛ́ lili ni, lɛni na Unwoti Ɔyikune Ƒui ɔdubɔya na kadi bekyuli ƒui balɛ lili na babla siin na beti bumwi bete-nwu.

Esekiel 34:29

Ndubo bɔya na baƒɛ edula abuni geen balɛku bana mmo kalɛ na kɔka kɔsɔ kulada-ma iye baƒɔ bani na bana adɔ basɔ baláma-ma.

Esekiel 36:8

“ ‘Egyii adubɔkwɛ abi ammɔ lɛlɔ na anwu ebi kaduɛ ete mina kadi bekyuli na bakɛ badi, ɔsika badubo ɔma uwi klukwii kemmo.

Malakai 3:17

Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi.