Yesaia 39:2 - Katɔti Ɔku Kedee

² Hesekia ɔ́ƒɔ baƒɔ bammɔ ku ebiti na úti-ma ɔ́vinku nwuna ɔtɔ ɔni kemmo na uusé nwuna ala. Na ɔ́tina-ma nwuna akɛla ƒui ku nwuna sika ɔƒualadi ku ugyiedi ku nwuna kutu akyala ku awɛɛla ani muunwenyi ƒɛƒɛɛ ku nwuna ekpola ƒui na lɛla biala lítebu ɔni na úteti útatina-ma.

Yesaia 39:2 Referans Kwoze

Ala Alɛdi 2 32:31

Na uwi ɔni na Babilonƒuɔ batɔnkune bátala batu badi banii betéye Hesekia na ɔ́su-ma ala adi ɔsiku akɔla budie taatina ani nálɛ na nwuna kalɔ kemmo mmɔ ni, Katɔti únye ɔ́nu Hesekia na anwu ɔlati udie kenye na anwu ɔlati kasusu kenye na ɔnu si ɔmu ɔsiaku-nwu kama siin.

Ala Alɛdi 2 32:25

Nsu Hesekia úbo ɔɔtalaku lɛlɔ katɔ geen ɔni na ɔ́yiƒala Unwoti enu muedi bɔgya. Na ɔmɛni ɔdi lɛla lɛni néƒi Unwoti livo, anwuɔsu ɔ́ni Hesekia ku Yuda ku Yerusalemƒuɔ ƒui kɔtu.

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Hiob 31:25

Na ńtakun lɛmɛnɛ lɛnɔ na lɛkɛ lɛmmɔ lɛdi lɛlɔ.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Agba 4:23

Na lɛla lɛni ntulo ƒui ni, da ƒula kayi kemodi kammɔ kaduɛ, ɔsika ngba libiɔ lɛni mɔɔyu ntu kadi.

Ala Alɛdi 2 32:27

Hesekia úbenwini ɔlakɛne geen na ukyuli biala ɔɔbu-nwu. Ɔ́tu egulabi kesiekɔ kesii kani na uusé nwuna sika ɔƒualadi ku ugyiedi ku atabi bamba ani na áƒɔ kuye ku kutu akyala ku kekpo kayi agyumanala ku ala lidu bamba ani lɛnɔ náƒɔ kuye geen.

Ala Alɛdi 2 9:9

Seeba uleku ɔga ɔmɛni úte Salomo sika ugyiedi bumomo bɔni unu ndubɔbla antabi aƒo liti ku asɛɛ ebi ku kutu akyala abuni ƒui ani na ukyuli ɔ́ɔkana na úti anumi ɔ́nu dii.

Ala Alɛdi 2 9:1

Seeba beleku ɔga únu kalɛ na Salomo ɔ́ƒɔ lɛnyi, anwuɔsu úsie Yerusalem ɔni utákɔku nwuna lɛnunda ɔnu na uye-nwu etemila kpakplaa adi. Na útiku nwuna bakutine pii badi ɔda na útile nwuna bebuo ala betine benengudi ku etela pii ani ndi kutu akyala ku asɛɛ ebi ani náƒɔ kuye ku sika ugyiedi lɛnɔ. Ka útéduo mmɔ ni, anwu ku Salomo bátɛmi atɛ pii geen básiku ala ani na nwuna kasusu kákana bukeyi lɛlɔ.

Baga 2 20:13

Amu na Hesekia ɔ́ƒɔ baƒɔ bammɔ na úti-ma ɔ́vinku nwuna ɔtɔ ɔni kemmo na uusé nwuna ala. Na ɔ́tina-ma nwuna akɛla ƒui ku nwuna sika ɔƒualadi ku ugyiedi ku nwuna akyala ku awɛɛla ani muunwenyi ƒɛƒɛɛ ku nwuna ekpola ƒui, na lɛla biala lítebu ɔni na úteti útatina-ma.

Baga 1 10:25

Na ukyuli biala mebo Salomo kudɔ ni, uute-nwu etela. Na etela ammɔ adi bene ndi sika ɔƒualadi ku ugyiedi ku lɛwu ku ekpola ku kutu akyala ani muunwenyi ƒɛƒɛɛ ku bapɔnkɔ ku bebuo ala betine. Na ɔmɛni na bekyuli baabla lɛkwa ndi lɛkwa.

Baga 1 10:15

Ɔmɛni uuubunku kɔsia kɔni na kuye badine baaƒɔ taasiku bana kɔsia kemmo ku kuyii kɔni na Arabiaƒuɔ baga beeyi ku Israelƒuɔ kɔlɛkɛ bagadine kuyii kɔni beete.

Baga 1 10:10

Amu na úte Ɔga Salomo sika ugyiedi aani antabi aƒo liti ku ala ani muunwenyi ƒɛƒɛɛ lidu lidu pii ku sika asɛɛ. Na ala ƒɛƒɛɛ lidu lidu ani na Seeba Beleku Ɔga úte Salomo mmɔ ni, emomo ɔni na ukyuli biala útete-nwu ammɔ udu kudii.

Baga 1 10:2

Na ka úsela ni, ɔda bekyuli pii, na bebuo ala betine lɛnɔ béti ala ani muunwenyi ƒɛƒɛɛ ku sika asɛɛ lidu lidu ku sika ugyiedi béboku Salomo. Na bátɛmi básiku ala ani ƒui nkya-nwu kasusu kemmo lɛlɔ.

Yohane 1 1:8

Si búni bɔnii bulábla likpidi ni, na bɔɔtɔ́lɔ lɛlɔ, na litemi geen lɛmmɔ lítaƒɔ-bu lɛlɔ kemmo.