Yesaia 34:2 - Katɔti Ɔku Kedee

² Unwoti úti kɔnyi kpakplaa ɔ́kya kadi bekyuli ƒui geen, na ɔ́ɔdu-ma kɔtɔ ka bakyula-ma na bayii udu.

Yesaia 34:2 Referans Kwoze

Seƒania 3:8

Unwoti ɔnini, “Amii bɛsɔ binye, limeyi lɛni na ndubo amii kadi bekyuli ƒui kɔtɔ bɔdu lɛdubo. Lɛ́ɛlɛ limeyi lɛdi ugyii líse ɔni na ndubo bina kadi bekyuli ku lɛga kɔdikɔ ƒui bɔsala na lɛni-mii kɔtu kaduɛ na mina kɔnyi kpakplaa kemmo. Na kɔnyi kɔmmɔ kɔdubɔkɔ-mi katɔ útédu ka lɛkyula kalɔ kammɔ ƒui.

Sakaria 14:3

Na Unwoti ɔdubo kadi kammɔ bukpoku aani kalɛ na ukpone uukpó na kekpokɔ.

Yesaia 30:25

Na uwi ɔmmɔ ni, bekyuli bɔdu bɔdubo bumomo, na lɛtɔ libendi lɛƒɛ liwi kalɔ, na Katɔti ɔdubɔya na ntukpa bɔlɛ abi enengudi ku ani na ákuku mmɔ eli na ataagba taayu ɔkwalɛ.

Yesaia 13:5

Bási ɔgyu bun bun nsu badi Unwoti ekpola, na badanku nwuna kɔnyi kɔni na ɔdubuti ɔkyula kalɔ kana ƒui.

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Budie Taatina 20:9

Otogyi ɔmɛni ɔkɛ ɔɔví kalɔ kammɔ ƒui lɛlɔ. Na úbo úbaka ɔ́mana ɔma ɔni na Katɔti ɔɔyɔ́ na nwuna bekyuli kedee belie-nwu kemmo mmɔ. Nsu ogya ɔ́si katɔ na úbo úbakyula-ma ƒui.

Romaƒuɔ 1:18

Katɔti uudie nwuna kɔnyi keyi taasiku katɔ na ala ani mɔɔta teenye-nwu lɛlɔ ku likyulikpi ala bɔbla bɔni muutile bekyuli kuƒi ka bati Katɔti litemi geen lɛmmɔ.

Yesaia 10:5

“Bɔbuɛ beete Asiria, mina ugyii ɔni nda ku kɔnyi. Bana enu kemmo na mina kɔnyi ligyiiku lɛkya!

Yesaia 13:6

“Biwulo momoomo ku kɔnyana, ɔsika Unwoti Ɔyikune Ƒui limeyi lɛni na ɔdubo bekyuli bɔkyula lɛsia ulu líibo líbedu suɛlɛ suɛlɛ.

Yesaia 26:20

Mina bekyuli, bɛgyu lɛgba na bitákalɛ lɛlɔ bɛkya lɛtɔ wetédu ka Unwoti kɔnyi kɔni ala na ɔdubo bina bekisine bɔbla kɔ́vi.

Yesaia 61:2

Lɛkwa lɛmɛni na Unwoti Katɔti úse ka wabla-bu lɛƒɔndia, na ɔni bula bekisine kɔtu, na lɛsia bani muuwulo kɔnyana kɔnu.

Yesaia 63:6

Na mina kɔnyi kemmo ni, lítu kadi bekyuli lɛ́bwɛ na lɛ́ya na báni bana ubugya ɔni néwi kalɔ na ɔɔgbá na kalɔ lɛlɔ kesi kesii mmɔ.”

Yesaia 65:12

ndubo-mii bɔnyonu bute na bɛkya eli kalɔ na bina bekisine badu-mii ƒui. Ɔsika lɛ́kpali-mii na bítatuna bítete-mi. Na lɛ́tɛmiku-mii na bítenu. Mmomu bɛ́bla likpidi na mina anumi na ala ani na alayɔ-mi kaƒɔ mmomu na bɛ́ƒuna ka bitaabla.

Yesaia 66:14

Uwi ɔni na bɛdubɔnu ka ala amɛni aalɛ́ lɛni ni, bina kayi kadubɔyɔ buɛɛ na bɛlɛ lili aani kalɛ na livo lɛɛlɛ́ lili. Na bɛdubɔnu kalɛ na Unwoti ɔɔƒɛnimi kɔnu taakya nwuna kabla bablane bani mɔɔbu-nwu. Nsu nwuna bekisine bani mɔɔta teenye-nwu lɛlɔ ama ni, nwuna kɔnyi muubo-ma lɛlɔ.

Yeremia 25:32

Unwoti Ɔyikune Ƒui ɔ́sɔ ɔ́su ɔnini, “Bɛdubɔnu ka ɔgbankpi ɔmmɔ úse kakɔ uugyingya ɔ́si kalɔ kammɔ lɛlɔ na ɔgyu kakaaka ɔ́si kalɔ úsie kalɔ aani kalɛ na ɔƒɛƒɛɛ kpakplaa ɔdi uukpó.

Yeremia 25:33

“Uwi ɔni na ala amɛni adubuse kalɔ ataalɛ ni, ndubo bekyuli pii bɔdu buwi kalɛ aani kalɛ na beebó alakpi teewi kalɔ na kakya kalɔ kammɔ lɛmwi. Na ukyuli ɔdi ɔsɔ ulébu na wava ɔkpanadi iye uwulo-nwu lɛnɔ.”

Israelƒuɔ Bɔlɛ 8:14

Na Egyipteƒuɔ bábuma bapɔtɔlɔ bammɔ bétéwi liku linwi na bébun na beenwenyi geen.

Yosua 11:20

Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.

Kɔgya 2:5

Amu na livo líƒi Unwoti na ɔ́dɔnku-ma. Na ɔ́kya-ma liƒu geen. Na ɔ́su na nwuna kɔnyi kemmo ɔnini,

Yesaia 66:16

Ɔsika ogya ku kewii na Unwoti ɔda ɔdubo ubatɛku bekyuli litemi na Unwoti kewii kammɔ kadubo bekyuli pii bɔdu.

Yeremia 25:31

Na bekyuli ƒui badubunu-mi lɛdi na kalɔ kammɔ lɛlɔ kesi kesii ka mɔɔdu-ma kɔtɔ na bana likyulikpi ala bɔbla ɔsu. Na ndubɔdu badi kukpi kɔtɔ muedi ka badu-ma.”

Esekiel 36:5

Nsu ndubo kadi bekyuli bammɔ lɛlɔ bɔta bunye ku kɔnyi kpakplaa geen, na bani ɔdi ntulo ndi Edomƒuɔ, ɔsika ama náma-mii bétulo ƒui na báda-mii bebuo kadikɔ kɔlɔ lɛnɔ béti.