Yesaia 32:1 - Katɔti Ɔku Kedee

¹ Ɔga ɔdi ɔdubo ubadi bekyuli lɛlɔ ulu siin lɛlɔ, na lɛlɔ badine batɛ etemila na ulu geen ɔmmɔ lɛlɔ.

Yesaia 32:1 Referans Kwoze

Budie Taatina 19:11

Ɔmmɔ kama ni, lɛ́nu ka kayaa kálɛmi na ɔpɔnkɔ ɔƒualadi ɔdi ɔ́da ɔ́lɛ. Na ukyuli ɔni nlie-nwu lɛlɔ ni, baalɔ-nwu banii Kama Kekpokɔ ku Litemi Geen. Na ɔɔtɛ litemi siin na uukpó kekpo lɛnɔ siin.

Yeremia 33:15

Líse kenye ka ndubɔƒuna ɔga ɔdi lɛsiku Dawid ɔtɔ kemmo si uwi ɔdi úbedu. Na ɔga ɔmmɔ ɔdubɔsu litemi geen na ɔdi bekyuli lɛlɔ na ɔtɛ litemi ulu siin lɛlɔ.

Samuel 2 23:3

Israel Katɔti ɔni ndi lɛtakpɛ lɛni lɛlɔ na békpo kama násu-mi ɔnini, ‘Ukyuli ɔni mɔɔdi bekyuli lɛlɔ na ulu siin lɛlɔ, na ɔɔyia Katɔti na ulu ɔni lɛlɔ na ɔ́sia ɔɔdi bekyuli lɛlɔ ni,

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Esekiel 37:24

“ ‘Na ɔga biala na badubɔƒuna ɔdubɔsi mina kabla ɔblane Dawid ɔtɔ kemmo, na ɔdubo-ma lɛlɔ bɔnu aani baƒonu ɔdane buni kalɛ. Israel kadi bekyuli badubɔdi mina litemi lɛlɔ siin na basɔ balálɛ-mi kama. Na ama ku bana bawɔ bawɔ badubulie ɔmii ɔni na líte mina kabla ɔblane Yakob kemmo aani kalɛ kani na bana banana bábla.

Yesaia 28:6

Na ɔdubunwini kɔyu kɔni mɔɔtɛ litemi siin ute bani mɔɔtɛ bekyuli etemila. Na anwu ɔmmɔ ndubɔbla ɔlɔkplu ku ɔyikun ute bani nnye ɔban kenye ka babɔku kekpo biala.

Yesaia 11:4

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Kɔgya 99:4

Awɔ ndi bula ɔga unengudi ɔni mɔɔyɔ́ ala bɔbla siin. Áya na litemi bɔtɛ ulu lɛlɔ siin unye kpakplaa na Israel kadi bekyuli akɔ.

Kɔgya 45:1

Etemila abuni sɔɔn néyi-mi lili kemmo na ndubudie keyi na lɛtu kɔgya lite ɔga ɔmmɔ. Na mina unyemi na ndubuti lɛbla aani unwenigyii ɔni na ɔkutine ɔbuni ɔdi ɔda uunweni ala teese.

Yesaia 4:6

Na ɔdubɔbla kabɛkɔ ute-ma na limeyi liwulu ɔsu ku ɔƒɛƒɛɛ ku ɔnantu lɛnɔ kudɔ.

Yesaia 11:5

Na ala bɔbla siin ndi kadii kani ndubɔda-nwu kavobi, na litemi geen lɛlɔ bɔdi ndubɔdi lɛduni lɛni nda-nwu lɛmana.

Yesaia 16:5

Ɔmmɔ kama ni, badubuse lɛga kadikɔ kadi bese, na kadanku bɔyɔ ute bekyuli ƒui. Na ukyuli ɔni mɔɔdi litemi lɛlɔ ulu lɛlɔ ndubo lɛga lɛmmɔ bɔdi. Na ɔ́si Dawid ɔtɔ kemmo. Na anwu mɔɔtɛ litemi na ulu geen ɔmmɔ lɛlɔ. Na ɔɔbabla taasia anu taabla lɛla biala siin.

Yeremia 33:14

Unwoti ɔnini, “Líse Israel ku Yuda kenye kabuni kadi. Na uwi ɔdi ɔdubo ɔni na ndubɔdi linyese lɛmmɔ lɛlɔ.

Yesaia 33:5

Awɔ Unwoti eli katɔ na etulo ukyuli biala. Áya na litemi lɛlɔ bɔdi ulu lɛlɔ ku ala bɔbla siin bɔ́ƒɔ Yerusalem.