Yesaia 3:12 - Katɔti Ɔku Kedee

¹² Bekyuli bani ablala nse aani banamu mɔɔnya mina bekyuli taakya, na beleku baadi-ma lɛlɔ. O mina kadi bekyuli, bina batɔnkune bákpanku-mii bésela batáyila. Bákpanku-mii bálɛku ulu geen ɔmmɔ lɛlɔ.

Yesaia 3:12 Referans Kwoze

Yesaia 3:4

Na bakloƒu na ɔdubɔya na bataanu-ma lɛlɔ, na ɔya na banamu keeke bataadi-ma lɛlɔ.

Nahum 3:13

Ƒula bekpone bese aani beleku, na ogya ɔ́kyula ƒula ɔban kayakun lɛbalala, na kayakun kammɔ kálɛmi kewi kéte ƒula bekisine ka beduo.

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Baga 2 11:1

Uwi ɔni na Atalia ɔni ndi Ahasia uni ɔ́nu ka ubidi úkpi ni, ɔ́ta na útádu ɔga kaduli bekyuli bammɔ ƒui.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Hiob 30:13

Báda-mi ulu na báka-mi bákya lɛƒɛnyi ƒui lɛlɔ kalɛ na bayila-mi udu, na ukyuli ɔdi uuubo na ɔbala-ma.

Agba 28:16

Ɔgadine ɔni na ɔ́dɔlɔ kani mɔɔnya nwuna bekyuli taakya. Nsu ɔga ɔni na ukisi si ukyuli uládi litemi geen lɛlɔ iye ɔɔbɛ́ taaƒɔ ala bekyuli kudɔ ni, uulie ngba gyɔlɔɔ.

Etemila 10:16

Kalɔ kani ɔtɔnkune mɔɔbla anamula na bɔdi ku bɔni emeyi bɔdi kani na nwuna benengu belie bete ni, bɔbuɛ na beete kalɔ kammɔ.

Yesaia 19:14

Unwoti ɔ́ya na lɛlɛɛ kɔyu kɔni mɔɔbla ukyuli gyuma gyuma mɔɔdi Egyipteƒuɔ lɛlɔ. Anwuɔsu na baagbánta na bana lɛla biala na baabla kemmo, aani kalɛ na ntɛkpine ɔɔdada na nwuna kɔdala akɔ.

Yesaia 51:22

Bina Unwoti Katɔti ɔni muubunku-mii na ɔɔgyumana-mii ɔnini, “Lɛ́ƒɔ mina kɔnyi kɔni nse aani ntɛ ɔɔƒɛɛ ɔni kemmo na bɛ́ni lɛbibo bíkpi aani ntɛ mmɔ. Na basɔ belenye-mii lɛlɔ banii bɛni lɛbibo lɛmmɔ udu lɛnɔ.

Mika 3:5

“Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.