Yesaia 27:1 - Katɔti Ɔku Kedee

¹ Na kɔnyi limeyi lɛmmɔ lɛlɔ ni, Unwoti ɔdubo ku nwuna kewii bonwu kani mbo ɔkplu na kebo ɔbi yayaaya, na ɔni bayikune bani ntulo ƒui mmɔ kɔtu. Ada bonwu ɔni muukeli, na ɔɔkono lɛlɔ taatu teetéwi, ku liƒu kebweyi bonwu kani na ɛpu kemmo, na badi bayikune mmɔ na ɔdubo bɔdu ƒui.

Yesaia 27:1 Referans Kwoze

Esekiel 29:3

ami nnini, ‘Awɔ Egyipte ɔga, ábla lɛlɔ aani odenge bonwu ɔdi na ɔtɛ ketu kemmo. Na átaabla lɛlɔ aani si Nil Ketu bonwu kammɔ ƒui ɔwɔ kadi na kadi na awɔ nábla-ka éte lɛlɔ. Nsu ɔƒaani ni, ami Unwoti Katɔti línwini ƒula ukisine!

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Budie Taatina 12:3

Amu na lɛ́nu akɔla ala bɔnu bɔbambadi lɛnɔ! Liƒu kɔlakpi bonwu kɔdi négyie geen kɔ́da kɔ́lɛ kayaa. Na kubo eli maatɛ ku ese leevu. Na kagabwa kebi-ku lili biala lɛlɔ.

Yesaia 66:16

Ɔsika ogya ku kewii na Unwoti ɔda ɔdubo ubatɛku bekyuli litemi na Unwoti kewii kammɔ kadubo bekyuli pii bɔdu.

Kɔgya 104:26

Mmɔ na lɛkɔlɔ libendi lɛɛsia taavi. Na liƒu bebweyi bebendi lɛnɔ bakya-nwu kemmo beesié taasɔ.

Hiob 26:13

Ɔƒɛƒɛɛ ɔni mɔɔlɛ́-nwu enwu kemmo mɔɔyá na kayawi kammɔ ƒui keekeye nwaa. Na anwu ɔlati néti nwuna kɔnu úƒie kɔlakpi bonwu kɔni muukeli mmɔ.

Budie Taatina 20:2

Na únyimi-ku úse akwa apim unwi.

Budie Taatina 19:21

Na bekyuli bakladi ni, ukyuli ɔni nlie ɔpɔnkɔ lɛlɔ na kewii katu-nwu kenye mmɔ ɔ́du-ma ku kewii kammɔ, na baasɛ bammɔ báduli-ma ɔlɔna ƒui bébweli na bémo.

Yeremia 51:34

“Yerusalem, bɛsu bɛnini, ‘Ɔga Nebukadnesar ɔ́ya na bɔ́gyini. Liƒu kebweyi kammɔ kéti-bu ku bula akɛla kése lɛlɔ lɛmwi na abu bɔ́sɔ bɔkya ukpludi. Úti-bu ala ani na ɔɔwia úbweli na útuo akladi úwi.

Hiob 40:19

Lɛ́bla-nwu na ubo ɔkplu geen utulo bebuo bamba, nsu ami ɔni nédie-nwu kani ndubɔkana na lɛni lide-nwu ku mina kewii.

Budie Taatina 17:15

Amu na ɔtu ɔmmɔ ɔ́su-mi ɔnini, “Ntukpa bɔni kudɔ na ánu ka ɔyalɛ ɔmmɔ ulie ni, amu nnye nte kalɔ ƒui bekyuli ku bani nkya kaba ku kadi ku kalɔ ku adi ƒui kemmo.

Budie Taatina 17:1

Amu na batu maatɛ bani nda kɔlaku kɔmmɔ kemmo unwi úbo-mi kudɔ na ɔ́su-mi ɔnini, “Bo, na lɛtina-a kalɛ na badubo ɔyalɛ ɔni náƒɔ lɛnyi mmɔ kɔtu bɔni. Anwu ndi ɔma unengudi ɔni na bátu bényene ntukpa pii kudɔ.

Budie Taatina 16:13

Amu na lɛ́nu ayu ekpidi atɛ ani nálɛ aani bapɔtɔlɔ ka bási baalɛ́ liƒu kɔlakpi kɔmmɔ kenye ku eƒiebuo udeedi ɔmmɔ kenye ku eƒiebuo unyɔdi ɔni baalɔ ɔkɔ kenye udiene kenye kemmo.

Budie Taatina 13:11

Amu na lɛ́nu eƒiebuo ɔbambadi ɔni nálɛ ɔ́si kalɔ kemmo. Ese anyɔ alɛ-nwu lili aani koƒonubi, nsu ɔ́talaku lɛlɔ katɔ aani liƒu kɔlakpi kɔni muuƒwi.

Budie Taatina 13:4

Bekyuli bátaalɛ akɔnkɔ teete kɔlakpi kɔmmɔ, ɔsika kúte eƒiebuo ɔmmɔ kenyekɔ kenengudi. Na bátaalɛ akɔnkɔ teete eƒiebuo ɔmmɔ lɛnɔ. Na baasu banii, “Ɔma nse aani eƒiebuo ɔmɛni? Na ɔma makana-nwu bukpoku? Ɔdi uuubo!”

Budie Taatina 2:16

Binwini kama bɛkya bina ekpidi! Na si ɔɔɔdi lɛni ni, ami ndubo-mii kudɔ uwi klukui ku litemi geen lɛni mɔɔtu aani kewii kani mɔɔlɛ́-mi kenye na mbekpoku bekyuli bani nsiaku ala bɔtina bɔmmɔ kama.

Yeremia 51:13

Amii Babilon bekyuli, amii nli Euƒrate Ketu amadɔ na ntu bɔni na bɛ́bwɛ ulu bíte bɔ́ka bɔ́mana-mii. Na bibo lɛkɛ, nsu ɔƒaamu bina uwi údu ka bikpi.

Yeremia 47:6

“Biiye bɛnii uwi ɛlɛ na ndubo-mii bukpo butálɛ ku mina kewii na bɛdubɔsu-mi bɛnii nsɔku-ka nkya livuo kemmo na lite-mii bɔnwuna.

Yesaia 65:25

Begidi ku baƒonubi badubɔdi basala na bagyata ku bakɔ ƒui badubɔkun keti. Na balakpi badubɔkun lɛti kani! Na baladu iye babla ɔdi lɛla lɛdi na mina kɔbi kedee lɛlɔ mmɔ. Lɛni na ami Unwoti mɔɔsu!”

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Kɔgya 45:3

O Ɔga ɔni ntulo ƒui, ti ƒula kewii bala ƒula kavobi. Na ada agala ani muukeye.

Hiob 3:8

Ya na bevone ƒui bakanti bakya limeyi lɛmmɔ ku ewida.

Hiob 41:1

“Adubɔkana odenge ubendi buƒie ku ɔdaliwa, munuu kabuli na adubuti enyimi-nwu kenye na akalɛ-ka?

Yesaia 65:12

ndubo-mii bɔnyonu bute na bɛkya eli kalɔ na bina bekisine badu-mii ƒui. Ɔsika lɛ́kpali-mii na bítatuna bítete-mi. Na lɛ́tɛmiku-mii na bítenu. Mmomu bɛ́bla likpidi na mina anumi na ala ani na alayɔ-mi kaƒɔ mmomu na bɛ́ƒuna ka bitaabla.

Amos 9:3

Si ina Karmel Kɔbi lili na bésie bátábɛ muedi ni, ndubo-ma bɔwia bɔnu na liƒie-ma. Si béduo ɛpu kalɔ ƒui lɛnɔ ni, ndubo liƒu kebweyi kammɔ ɔda bubo na ɔdu-ma na mmɔ.