Yesaia 26:8 - Katɔti Ɔku Kedee

⁸ Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Yesaia 26:8 Referans Kwoze

Yesaia 33:2

Unwoti, buvele na bɔda-a, tina-bu ƒula lɛƒɔndia! Ƒula lɛlɔ na bɔsia anu. Ya na bɔkɛ ɔyikun ɔtanta biala, na ebo na ebedie-bu si uwi ɔni na búduo ɔgbankpi kemmo.

Kɔgya 65:6

Ebo ɔyikun, na ƒula ɔyikun ɔmmɔ lɛlɔ na áya na abi ƒui enye ana kenyekɔ.

Israelƒuɔ Bɔlɛ 3:15

Na Katɔti ɔ́sɔ ɔsu Mose ɔnini, “Su Israelƒuɔ anini, ‘Bina bati kuuku Abraham Katɔti ku Isak Katɔti ku Yakob Katɔti nátála-mi ɔ́kya-mii.’ Na lɛnyi lɛmɛni na mɔɔdi úsela uwi ƒui na ani na bina bawɔ bawɔ badubuti beteenyimo-mi ɔ́si kaba úsie kaba.”

Tesalonikaƒuɔ 2 3:5

Buuvele Blɔti bɔnii ubimi-mii anumi na bɛnu bɛti kalɛ na anwu Kristo ɔɔkɛ́ kayi teete-bu ku kalɛ na Katɔti ɔɔyɔ́-bu.

Romaƒuɔ 8:25

Nsu si bula anumi asia ala ani na bula anumi alanu lɛlɔ ni, na bɔɔkɛ́ kayi buɛɛ taanu-nya ulu.

Batalane Kabla 1:4

Uwi ɔni na bábasa lisu ni, úbo-ma ɔda ɔnini, “Bitatɔlɔ Yerusalem, mmomu binye bɛgya Katɔti Kɔyu bubo bɔni lɛlɔ na lɛ́su-mii lɛ́siku ka mina Ɔti ɔ́su úse ka wete-mii.

Yesaia 56:1

“Bɛbla ala bɛsiaku ulu geen ɔmmɔ lɛlɔ, ɔsika ndubo uwi klukwii mbaƒɔ-mii ngba. Na bekyuli ƒui badubɔnu mina ɔyikun ɔni na mbo na lɛƒɔ ukyuli ngba na kalɔ kamɛni lɛlɔ kesi kesii.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Yesaia 12:4

Na Unwoti limeyi lɛmmɔ lɛlɔ ni, bɛdubɔsu bɛnii, “Bimwi Unwoti lɛnyi na bɛkpali-nwu lɛnyi bivele ala. Na bibo nwuna ala ebendi ani na ɔ́bla kudu bite kadi ƒui, na bati ka Unwoti lɛnyi lɛ́kɔ katɔ katɔ ƒui.

Lɛnu Ƒui Ɔnu 5:8

Yerusalem begblebi, mɔɔsu-mii kpakplaa nnii si bɛ́nu mina ɔyɔne ni, bɛsu-nwu bɛnii nwuna bɔyɔ bɔɔda-mi na lɛ́bla kpɛtɛ kpɛtɛ.

Kɔgya 106:3

Lɛlɔ lɛdubɔyɔ bekyuli bani mɔɔbla ala ulu lɛlɔ. Na baabla ala ani nse siin uwi biala kemmo.

Kɔgya 84:2

Na mɔɔwia geen ka lɛkya ƒula kaduli mmɔ. Na muudie ebiti lɛnu ku mina kayi ƒui teete awɔ Katɔti ɔni nli ngba uwi ƒui.

Kɔgya 73:25

Liiibo ukyuli bamba ɔdi na katɔ liiitulo awɔ. Na lɛla lɛdi lɛnɔ liiibo kalɔ kamɛni lɛlɔ na mɔɔwia teetulo awɔ.

Kɔgya 18:23

Ɔgyi kalɛ na nda lɛlɔ siin na ńtabla likpidi lɛdi.

Samuel 2 23:5

“Na geen ni, lɛni na nda lɛlɔ na mina kaduli líte Katɔti. Ɔsika úti bunyimi bɔni ndanku uwi ƒui úte-mi, ɔni na nwuna kenye kelékulo iye wavumana lɛnɔ. Na ɔdubɔƒɔ ute-mi uwi ƒui, na ɔbla ala ani na muuvele-nwu ute-mi.

Bumomo Bɔka 36:13

Na ɔda bubo ku ala bamba amɛni na Unwoti úte Mose ka ɔkɔ lɛsa ɔ́su Israelƒuɔ na Moab kalɔ kani kewi ƒiaa lɛlɔ na Yordan Ketu kakɛ kani kede Yeriko.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Malakai 4:4

“Bitayiƒala mina ɔda bubo ku ala bɔtina bɔni na líte mina kabla ɔblane Mose na Sinai kɔbi lɛlɔ.

Mika 7:7

Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Kɔgya 130:5

Awɔ Unwoti anumi kani na nnye mɔɔnu. Na mina anu ƒui ku kayi kasia-a lɛlɔ.

Yesaia 24:15

Anwuɔsu bɛkɔliku Unwoti lɛnyi katɔ, na bimwi-nwu bɛsiku ɔƒɛ katukɔ ku ɛpu ntuntɛ kɔlɔ ƒui. Bibo Israel Unwoti Katɔti kudu.

Yesaia 25:1

O Unwoti, awɔ ndi mina Katɔti, ndubumwi-ɔ na lɛkɔliku ƒula lɛnyi katɔ, ɔsika ádi ƒula etemila lɛlɔ na ábla ala ebendi geen ani ndi ulu ɔni na áta ése ɔ́si kukuuku.

Yesaia 26:13

O Unwoti bula Katɔti, benwoti bamba báadi-bu lɛlɔ na ƒula kama nsu awɔ ƒula lɛnyi kani na buudie kenye teemwi.

Yesaia 49:23

Na kadi bani akɔ na bákya mmɔ baga ku beleku baga badububo babataanu-mii lɛlɔ aani bina kabla bablane bani nnye bati ku beni kenyekɔ bete-mii. Na badubɔkya lili kalɔ bete-mii. Na bɛdubɔnu bɔti ka ami ndi Unwoti ɔmmɔ. Na anumi elewi-mii kalɔ si bíti bina anu bɛ́sia-mi lɛlɔ.”

Yesaia 51:4

Unwoti ɔnini, “Amii ndi mina kadi bekyuli, anwuɔsu binu-mi litemi. Na ala ani na mɔɔtina kadi ƒui bekyuli ɔdubɔya na mina ɔda bubo buti ala bɔbla ulu siin lɛlɔ uboku-ma na unwini bukeye ute-ma na bana keliela kemmo.

Mika 4:5

Kadi bamba bekyuli badubɔsiaku bana baƒiɔ, nsu abu amu bɔdubɔsiaku bula Unwoti Katɔti uwi ndi uwi.

Kɔgya 42:2

Unwoti Katɔti ɔni nlie ngba uwi ƒui, ƒula tanu kɔka kɔɔda-mi. Lɛmameyi na ndububo mbada lɛlɛ-ɔ anumi na lɛnu-ɔ?