Yesaia 26:7 - Katɔti Ɔku Kedee

⁷ O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Yesaia 26:7 Referans Kwoze

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Yohane 1 3:7

Bitaya na ukyuli ɔdi ɔtɔlɔ-mii! Mina bebi bayɔne, ukyuli ɔni mɔɔbla ala ulu lɛlɔ ni, ɔdi ukyuli ɔni nse siin aani kalɛ na Kristo use siin.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Agba 20:7

Bekyuli babuni beedie lɛgba lɛni mɔɔtina ka baadi bana litemi lɛlɔ geen. Na bana bebi bani nsia-ma kama ni, bekyuli badubute-ma kusɛ kusɛ.

Kɔgya 11:7

Ɔsika Unwoti use siin na ɔɔbla ala ulu lɛlɔ. Na bani nsiaku-nwu kama siin ndubɔkana na benye-nwu anumi.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Yesaia 35:8

Ulu unengudi ɔdubɔsia kalɔ kammɔ kemmo, na badubɔlɔ-nwu banii Ulu Kedee. Na bekyuli bani neeese sɛɛn baaadubo ulu ɔmmɔ lɛlɔ basia. Na badɔlɔdi ku belikplune balasia-nwu lɛlɔ.

Kɔgya 1:6

Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Hiob 31:6

Ya na Katɔti ɔlati ɔkɔku-mi ɔnu na unu lɛkɔkula lɛbuni geen lɛlɔ, na ɔnu si lɛ́bla-nwu likpidi lɛdi.

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Seƒania 3:5

Alaekpidi bablane bammɔ basɔ baaagyi kɔƒa, nsu Unwoti ɔɔbla ala siin uwi biala. Na ɔɔnu ka kadi biala negye ni, ɔɔtɛ litemi ulu lɛlɔ siin.

Kɔgya 11:4

Nsu Unwoti uli lɛgaboku lɛlɔ na nwuna kakpakɔ kedee kemmo na Katɔ Ɔga Ɔma. Na nwuna anumi aanu ala ani ƒui na bekyuli baabla na kesi kesii.

Kɔgya 25:4

Unwoti, tina-mi ƒula ulu na lɛti kalɛ na lɛsiaku-ɔ kama na ɔyɔ-ɔ kaƒɔ.

Kɔgya 25:5

Tɔnku-mi na atina-mi ƒula litemi geen lɛmmɔ. Ɔsika awɔ ndi mina Unwoti ɔni mɔɔƒɔ́-mi ngba, na ƒula lɛlɔ na mina anu asia uwi ndi uwi.

Kɔgya 27:11

Tina-mi kalɛ na lɛbla ƒula lɛyɔla. Da-mi kɔkɔɔkɔ siaku ulu ɔbuni lɛlɔ na mina bekisine ɔsu.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Yesaia 52:12

Bitasu bɛnii biikeli, ɔsika ukyuli ɔdi ɔɔɔdubo-mii kama bɔsia. Israel Unwoti Katɔti ɔlati ɔdubo-mii bɔtɔnku na ɔgyumana-mii anumi ku kama ƒui ɔsiku bina bekisine bukpoku biala kudɔ.

Yesaia 57:2

Nsu si ina bekyuli siin bamɛni békpi ni, baatɛ kekpine mmɔ buɛɛ na bana keyi kaayɔ́ na kalɛ na bénu Unwoti litemi ɔsu.

Yeremia 10:23

Unwoti, ngyi ka ɔɔɔdi abu bekyuli alati nda bula ngba.

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Kɔgya 5:9

Mina bekisine balásu litemi geen lɛni lɛlɔ na ukyuli uti anu ɔsia. Na bana kayi kemmo geen ni, baayɔ́ ka batɔlɔ bekyuli batákya ɔgbankpi kemmo na bekpi. Bana inye buse aani kɔƒiɔtɔ kɔni nálɛmi kuwi.

Agba 3:6

Nu-nwu ti na ƒula lilu ƒui lɛlɔ, na ɔdubɔtɔnku-ɔ na ƒula kasiakɔ ƒui.

Agba 11:5

Bekyuli babuni ni, bana litemi lɛlɔ bɔdi ulu lɛlɔ mɔɔtina-ma kasiakɔ. Na balalane ama ni, bana ekpidi unu mɔɔsia-ma lɛlɔ.

Agba 21:8

Bekyuli bani na bana kayi kaadú-ma kɔtɔ na bana ablala ɔsu ni, lilu lɛni neeese siin lɛlɔ na baaví. Na bani na lɛla lɛdi lɛɛɛda-ma ni, baasia lilu siin lɛlɔ.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.