Yesaia 26:5 - Katɔti Ɔku Kedee

⁵ Na bekyuli bani mɔɔkɔliku lɛlɔ katɔ ni, uuboku-ma kalɔ. Na lɛma linengudi lɛni bekyuli mɔɔnu lɛlɔ katɔ katɔ ni, uutú-ni teegyingya na lɛɛbla kpɛtɛ kpɛtɛ teenwini ɔtumu.

Yesaia 26:5 Referans Kwoze

Budie Taatina 18:2

Amu na ɔ́va ku lɛdi momoomo ɔnini, “Úbuli o-o! Babilon ɔni náƒɔ lɛnyi geen mmɔ úbuli! Na ɔ́ta únwini ayu ekpidi ƒui kabɛkɔ. Mmɔ na ayu ekpidi ku begbini ku baasɛ bani muusé lɛlɔ ƒui bakya.

Yeremia 51:37

Babilon ɔdubunwini kebu alakpi ɔlɛ lisu kesii kani na beƒukutu kani ndubo mmɔ bulie. Bekyuli badubo-ma bɔma, nsu badubo bɔyia lɛnɔ ka besie bavi kebu alakpi ammɔ kemmo.

Yeremia 51:64

‘Lɛni na Babilon ɔdubo bɔnyi busie kalɔ kalɔ si uwi ɔni Unwoti ɔdubo kalɔ kammɔ bɔkyula. Na ukyuli biala na ɔma unengudi ɔmmɔ kemmo ɔdubo bukpi balákɛ ɔyikun ɔni na basɔ benwini bebo ngba.’ ” Yeremia ala ani na únweni ni, édu kawɔlɔkɔ.

Yesaia 13:11

Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Yesaia 47:1

“Babel, awɔ ɔni nse aani ugblebi adagyaa, ta ƒula lɛgadi liboku lɛlɔ, na etélie ɔtumu akɔ, ɔsika ukyuli ɔdi ɔsɔ ɔɔɔdubo-ɔ bɔlɔ ɔnii ukyuli ɔni náƒɔ kuye na baabu-nwu.

Yesaia 32:19

Na si ina ɔƒɛƒɛɛ ku ɔnantu ku etubankɛ aana teebile ala, na lɛma lɛɛbwɛ muedi ni,

Yesaia 14:13

Awɔ mɔɔsu na ƒula kayi kemmo anii, “Ndubɔkɔ lisie katɔ katɔ ntése mina liboku na mmɔ na keliekɔ kammɔ kebo kavi Katɔti ayabi, na ndubulie kɔbi kedee kɔmmɔ lɛlɔ katɔ ƒui, ntaadi katɔ bayikune bani ƒui mɔɔsála mmɔ lɛlɔ.

Yesaia 2:12

Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.

Kɔgya 79:8

Teti bula bati kuuku ekpidi tani-bu kɔtu. Mmomu bo pla na abanu-bu kɔnyana, ɔsika bɔsɔ buuubo lɛnunsia lɛdi na bɔɔɔgyi lɛla lɛni na bɔbla.

Yesaia 25:2

Na awɔ nábwɛ ɔma unengudi ɔni na bátu awodu bámana mmɔ na ásala-nwu lisu álɛ aani kebu. Ɔma ɔni na kemmo na báƒɔ béyi-nwu mmɔ ni, awɔ nábwɛ-nwu na ɔsɔ ɔɔɔdi ɔma na ɔdi ɔnu ɔti ka ɔ́kya dii. Na basɔ balakana-nwu bɔsɔku bɔtu lɛnɔ kudii.

Kɔnyana Buwulo 2:2

Unwoti útanu Israel lɛma lɛmmɔ kɔnyana munu munu, mmomu ɔ́bwɛ-ni na ɔ́yila kɔgyumanakɔ kpakplaa kɔmmɔ ƒui udu. Na úboku bagadine ku lɛgakadikɔ kɔmmɔ ƒui kalɔ ɔkɛnku nwuna kɔnyi ɔsu.

Esekiel 26:11

Nwuna bekpone badubo ɔma ɔmmɔ bɔkɔ bɔyu na bataadu bekyuli teewi kalɔ na kɔmii ku kɔdianu ƒui na baƒɛ awodu ani eli na bínyimi kpakplaa mmɔ ƒui bewi kalɔ.

Yesaia 24:10

Na bábwɛ ɔma ɔni kemmo na ala bɔbla basa basa bɔ́ƒɔ-nwu mmɔ ƒui, na bákalɛ kaduli biala kayakun na bábala-ka bényene.

Esekiel 28:17

Ƒula bɔdia bɔni na aadia bɔnu nátɔlɔ na énwini ukyuli ɔni na asɔ alábu lɛla lɛdi na aatina lɛlɔ. Na ka ƒula lɛnyi lísie ɔgyu ɔsu ni, ese kalɔ aabla adɔlɔla. Anwuɔsu na líkpeli-ɔ lɛ́va kalɔ na baga babambadi baamá-a.